AA Rakhine hruaimi pawl MDF,CNDF-Falam, CDF kanpetlet le Mindat nih Cindwe khua an kah cuahmah an la kho bal rih lo

Thawngpangthar: Thlanglei Laitlang Kanpetlet peng ah a ummi Cindwe khuapi SAC Ralhrang camp cu AA Rakhine sal ah a lutmi Chin brotherhood pawl nih an kah cuahmah nak ni 4 a tling cang nain a tu tiang an la kho rih lo tiah theih a si. Tutan hi an Pu AA Rakhine ralkap nih a hruai hna i, cu kahdohnak ah MDF Mara, CDF kANPETLET, CDF MINDAT, CNDF falam le PDF Zoland pawl an i tel tiah kan theih. Tutiang ah Chin brother lei pawl zong a thi an um i,

a thi mi kong leng ah chuahter lo dingin an thuh nawh tiah an chim. Ralhrang lei zong a thi an um ti theih a si. ralhrang nih helicopter in ralhrang thazaang a chap lawng si loin Jet Vanlawng ion a kah len hna tiah theih a si. AA bochan in nikhat hnih ah kan laak lai tiah an ruah nain ni 4 an rau cang tiah theih a si. AA nih Chinram PALETWA  a kan chuh bu ah AA kuttang ah ral a doh mi hna Chin hriamtlai hna cu phaisa an ngei ti lo caah atu hi fund kawl an i timh cuahmah theih a si fawn. Biatak tein Cindwe khua an laak khawh nakhnga thlacam bawm hna usih.

Loikaw Khuapi Laak Kahdohnak Chung Ah KNDF Ralkap 4 An Nunnak A Liam. Vaute 27 | 2024 Karenni ramkulh, Loikaw khuapi laak kahdohnak chung ah KNDF Battalion 8- Division-2 in ralkap 4 an nunnak a liam, tiah theih a si. March 25, ah Loikaw khuapi laak kahdohnak chung ah KNDF Battalion 8- Division-2 in ralkap Thet Zaw Linn, Saw E Htoo Win, Phoo Choh, le Kenley hna cu a nunnak a liam, tiah KNDF Battalion-8 nih March 26, ah an thanh. Kayah ramkulh le Shan-Kayah ramri ah a cang mi 1111 kahdohnak chung ah KNDF nih Mese , Demoso,Ywarthit, Shadaw ရှားတော, Mawchi, Nan Me Khon le Moebye khua hna cu an laak khawh i a dang a taangmi khua hna zong laak khawh an i zuam cuahmah, tiah theih a si.

Chinlung Khuapi Ah A Voi (1) Nak Chin Ram Fimthiam Cawnnak Kongkau Ceihhmainak An Ngei. Vaute 27 | 2024 Chin ramkulh, Chinlung khuapi ah a voi (1) nak Chin ram fimthiam cawnnak kong he pehtlai in tonbiaruahnak le ceihhmai ṭinak an ngei kho, tiah Chinland Council, Ministery of Education nih March 27, ah cathanh an chuah. Cathanh an chuah mi chung ah March 21 in 24 tiang, Chinlung khuapi ah Chinland Council, Ministery of Education hruainak in Chin ram fimthiam cawnnak kong he pehtlai in tonbiaruahnak le ceihhmai ṭinak kan ngei kho i pengtlang le khuakip in

fimthiam cawnnak lei ṭuanvo ngeitu minung 30 leng an kai kho caah Chin ram chung fimthiam cawnnak 90% a haup khawh, tiah an thanh. A tutan tonbiaruahnak ah Chin ram Education Policy Draft kan ser khawh i hmailei ṭuan chuah ding rian pawl zong mizapi lungtling tein kan suaisam khawh. Cucaah Chinland Council, Ministery of Education nih dothlennak chung ah fimthiam cawnnak kan sunghnak hnga lo le dothlennak a dih hnu tiang pehzulh khawh ding in kan si khawh chung kan i zuam lai, tiah an thanh. Cun, Chin ram fimthiam cawnnak a tha a der nak hnga lo le Chin ram cu fimthiamnak in kan sersiam khawh nak ding caah ramchung ramleng mizapi nih mah le thil ti khawhnak cio in thazaang chuah cio ding in, an thanh.

Jacob R Thang:  STATEMENT MINTAA, U DOHKALH (Salai Do Khar) . Kawlram MP naa cuh lio in Dotla lo, Dogkalh, A Tu na rian ttuan mi zong dohkalh. Nihin na rian ttuan nak Phu Committee hi a ho chinmi nih dah kan in pom hna i nan Statement chuah mi hi kan in cohlan hna? Pakhat nak bik ah nanmah pawl dirh mi Pawpi caa ah firkawl Phu nih CNF/CNA hi Lawmhpi a herh lo. Statement in Lawmh pi duh ah A deu asi mi Revolution Day kan tuah lo. Atu i na chimmi phu vialte hna khi Nizan tih ni te ah a chuak mi mah le mah mifim ah aa ruat mi MP aa cuh I a tling kho lo mi, Zawngthluak ngei pawl nih

nan uk i dirh mi phu asi caah nanmah pawl lawmhpi kha we never aspect. 88 in thinking ruahnak, thazaang le thisen, he rakdirh cang mi cu Nihin ah nanmah pawl Doh ah ahcun a va rit hringhran dah. Official Government Office ah Nikhat zong a tthu ballo mi nih Statement ah na buai hi cu zaang na fak. Salai Do Khar , university na kai nak hrawng ah Mihar ah Daral tiah hruai tu na vasi kha mah le mah Laar nak ah hman naa timh i na kum tluk deng asi cang mi Revolution Day cu Laar duh ah na doh. Nihin i na si ning hi Chinmi nih kan in cohlan mi phu ah rianttuan phun ah na rel rua. Na pawcawn nak caah

NGO menmen na si kha philh lai ci luau. Meeting fa tete ah Lautu hrawng le Latu CDF ai awh hrawng in naa tel ve mi kha Pipa ngai ah naa ruah sual rua. Meeting chung ah namit aungam lo in an in sawh chih kha philh lai cih.  Lai phungthluk ah ka Co lo nih zaang ka zuun anti bang. Co duhtuk mi co khawh lo le an kan pom duh lo ahcun kan soi sel tawn cu a phung asi ko. Na mawh lo. a donghnak ah Nihin i na Ttuan mi, na Nupi cawmnak caah NGO rian kha dai tein ttuan law Delhi ah khan um ko. Ram chung hmanh ah a lut ngam lo mi Uifir. Uico nih Cakei Pawpi boh cu Uico nih a ttih tuk caah asi. A ngamh caah asi lo.

A Voi Thumnak HPO General Conference Tlamtling Tein An Tuah Khawh | 27 March 2024 Nizan March 26 ah a voi thumnak Hualngoram Peoples Organization General Conference cu Chinram, Hualngoram chung, Administrative Hall ah tlamtling tein tuah a si i, ramchung ramleng in palai 120 hrawng an i tel kho, tiah theih a si. HPO General Conference ah cun ram le miphun ca ah nunnak pe mi pasalṭha hna upat peknak, Pathian bia i hrawmṭinak, HPO rianṭuan ning zohṭhannak, Department cio an rianṭuan ning zohṭhannak, ralkap dirhmun le kadohnak kong report peknak ngeih a si i,

hruaitu upa hna nih biacahnak le Hualngoram chung rianṭuan ningcang cuanhchungnak tiin caan hman a si. General Conference ah cun HPO Constitution & By-laws Amendment ngeih a si i palai hna nih lungrual tein phunghram an ser. Cu pin ah phung ṭeng-nge (a) The Hualngoram Administrative Council Act-2024, (b) Education Rule, (c) Hualngoram Police Rule, (d) Army Rule hna cu General Conference nih a fehter. Peng pathum Falam, Tedim le Tonzang ah aa ṭhenṭhek mi Hualngoram cu hmunram pakhat ah umter ṭhan ding hi hmunram ngeitu diknak le covo a si, tiah Hualngoram Peoples Organization nih an langhter.