A sunglawi tuk ee: CBUSA Nubu le ICWF nubu nih CNF/CNA caah Motor 10 bak an cawkpiak hna

US Chin Nubu Hna nih CNA ca ah Motor 10 an Hlut. March 27 ||  US ram ah a um mi Chin nubu hna nih CNA rianṭuannak ca ah motor 10 an hlut, tiah thawng kan theih.  CBCUSA Chinland Dirkamhtu Bu nih CNA rianṭuannak ca ah Truck Project an tuah i, atu bantuk hin motor 10 an cawkpiak hna hi a si. CNA Truck Project ah

DFW kan nule, CEBC Nubu, CBCUSA Nubu Department, ICWF kan nule le a dangdang bochan mi kan nule an i tel.  CNA ca ah an cawkpiak mi hna motor pawl cu CNA kut cung ah tlamtling te in an phakter cang i, CNA nih rianṭuannak zong ah an hman cuahmah cang hna, tiah theih a si.

Hnahthial Ralzaam Tleirawl Pakhat Ti Ah A Paam || 27 March 2024 Chinram, Mindat khuapi in Mizoram ramkulh, Hnahthial khuapi ah ralzaam in aa dor mi Matupi khua mi Salai Thang Lian(kum 13) cu Hnahthial khua pawng, Tuichang tiva ah a paam. “Nihin March 27, chunhnu 1:00 hrawng ah

Salai Thang Lian le a hawipa cu ti i liau ding in Hnahthial khuapi le Tarpho khua kar Tuichang tiva ah an kal i, ti an i liau hnu tlawmpal ah Salai Thang Lian cu ti ah a tla i chanh manh lo in a nunnak a liam,” tiah thih-lohnak a tong mi chungkhar he naihniam in a um mi nih The Chin Post ah an chim. Salai Thang Lian ruak cu Hnahthial palik nih siizung ah an kalpi i siibawite nih an zohfel hnu ah an umnak ralzaam inn ah an suan i, thaizing March 28, zing suimilam 11:00 hrawng ah vui a si te lai

Jacob R Thang: ZaHau nih Hau an Timh :Mizoram ah Tidil a ngan Bik cu Rih Dil asi. Burma Ram ah a um mitfang bang asi mi Rih dil le Tio khua maw. Pathian thluachuah mi Ram dawh. Chin mi caah naa dawh khun ko e.0311 Operation ruang ah Rihkhua Dar le Tio khua mawi cu Van Ralkap Bu hna nih an rak lak i Mipi cu hnangam nak le daihnak an rak pek hna. India ram lei ah Marathon tlik aa zuam mi Uico zong an rak tam ngai khah mu.. Cuti i hngangam nak le daihnak he an um ko lio ahcun Ngandam nak lei an rak chanbau ngaingai. 6 December 2023 , kum le caan aa thlen vang sining le kalphung zong a hun i thleng ve i thinlung ruahnak an hung kau, Van ralkap Bu hna nih tukhal Ram tang an um lio theng ah, Nan sin ah

daihnak um ko seh tiah an ti bang, Victoria Base le MPs, CDFs Ramkhaal hna nih mipi hna cu nan sin ah daih nak um ko seh, Remnak Leng ko seh an hun ti i CHINLAND COUNCIL cu kan caah a hung chuak.Teinak Hram kan i thawk nak asi. CC nih an Angki le Tawhrolh a tlek mi belh nak hmanh an ngeih lo buin zei tin dah rian kan ttuan lai tiah, an lupar sam hmanh hriat manh lo in Chinmipi caah rian ttuan a hun i thawk colh i a hmasa bik ah Khuangan deuh paoh ah Za To Inn ( hospital) sir seh tiah an hun ti. Cuti cun Rihkhua Dar, Tio khuamawi lei hi Nandam nak lei Za To Inn an chambau tiah hma lak an hun thawk. Cucu kong cu thei in Zahau lei kan Unau hna nih, Hualngo Ram a si lo, Zahau Ram asi tiah ti a hung si i,

Za To Inn nan dirh kho lo tiah CC le Hualngoram kan Unau cu an tlerh hna i An Ralkap tiang an rak thlah hna. Hitihin bia an thawk, kan Ram chung ah nan duh paoh in nan cawlcang kho lo, Za To Inn ( hospital) nan dirh asi ahcun kan in kah hna lai tiah an ti hna. Bawipa kan dirpi ko, kanmah caah asi lo i politics asi hlei lo, Mipi caah asi i mipi kan herh bik asi tiah thla ka cam colh.India ram ah damlo ruang i a raa minih cun zeitluk in dah a har kha nan hngalh dih. Pathian nih hin kan Ngandam nak hi Biapi ngaingai ah a chiah caah Israel mi hna kha eilo ding mi phung tiang in a pek hna. Zumhnak cu

a nganpi zong ngei ko law na takpum a zawt i a ngor ko ahcun thlarau nun zong cu a thawng kho hnga maw? Ruah ngai a hau.. Hualngo Unau Mipi hna le Chinmi pi Ralkap hna , Hualngoram CDF le CNA, CC zong nih cun zei ti awk hlei thei lo in zeiti asi paoh ah an kan kah le kan leh ve te ko hna lai ta tiah Lungkil mitchinh, kamseh in Zahau rual bia cu an leh ve hna. Zei a va si paoh ah, a pakhat nak ah Kan mipi hna nih a herh mi asi maw? An duh I an lawh mi a si maw? Ti zong ruah ngaingai kan herh. Fimthiam nak Sianginn le Za To Inn hi cu zeibantuk sir hmun hmanh ah kan herh mi asi zungzal caah.. Ho te phu ti lo in an kan tuahpiak ahcun Cohlan ding asi ko hnga lo maw? Rem Daih nak a len nak hnga I zuam chinchin hna usih!!!! God Bless you all