Thawngpangthar: Kan Pasaltha hna nih SAC Ralhrang Camp an laakmi hriamnam an langhter i SAC Ralhrang thi zat an langhter chih

Thayetkone khua kahdohnak ah SAC ralkap 59 an thi; hriamnam tampi an laak. Aprilf 27 Mandalay ramthen, Pyinoolwin khua he 10 lawng a hlat mi, Naungcho peng, Thayetkone khuate kahdohnak ah SAC ralkap 59 an thi i hriamnam 61 le kuanzen tampi an laak tiah NUG, Runvennak Minister Zung nih nihin ah a thanh. April 15 ah dohthlengtu ralkap nih an rak laak mi Thayetkone SAC ralkap camp cu laak than ding in SAC ralkap nih faakpi in an i zuam. April 19 thawk in SAC ralkap le PDF kar kahdohnak ni fatin a um i

SAC ralkap 59 an thi tiah theih a si. Kahdohnak chung ah SAC nih vanlawng in kahdohnak voi 32 a tuah i khuachung le phungki inn kulhchung ah an tla tiah NUG Runvennak Minister Zung nih a langhter. Cu Kahdohnak ah cun dohthlengtu ralkap lei nih SAC hriamnam a si mi MA-1၊ MA-2၊ MA-3၊ MA-4၊ MA-5၊ MA-11၊ 60 MM mortar a dihlak fonh zun 61 le kuanzen tampi an laak tiah kan theih.

Hakha Ah Cycle Cansualnak In Pu Siang Kung Nunnak A Liam | Vaupi 27 | 2024 2024, April 26 ah Chin ramkulh, Hakha khuapi ah khuasa mi Pu Siang Kung cu Cycle cansualnak in a nunnak liam tiah theih a si. Pu Siang Kung hi Hakha khuapi Tita sangah chungkhar in khuasa mi an si i, Hakha khuapi in Zephai khua lei a tlun pah ah cansualnak tongin a hmun ah

a nunnak liam, tiah an langhter. “Hakha khuapi in Thantlang peng, Zephai khua ah (Lo dum) va zoh dingin a kalmi Pu Siang Kung hi Hakha khuapi in a chuah hnu suimilam 2 tluk ah cansualnak a tong” tiah pawngkam neihniam pakhat nih a chim. Cycle cansualnak in nunnak liammi Pu Siang Kung hi Chin ramkulh, Thantlang peng in Hakha khuapi ah chungkhar in a pem mi an si, tiah an langhter chih.

𝐍𝐆𝐀𝐈𝐇𝐂𝐇𝐈𝐀𝐓𝐍𝐀𝐊 𝐓𝐇𝐀𝐖𝐍𝐆. JMBC Khrihfabu nih pacan ah kan i ngeih mi, a kan dirkamhtu le kan i bochan tuk mi ka pa, 𝐑𝐞𝐯. 𝐋𝐢𝐚𝐧 𝐂𝐞𝐮 (Bawi Zi pa), nih ral an zamnak Hakha khua ah 2024 April 26 (cawnninga); zinglei suimilam 4:00 ah hi vawlei nunnak in a kan liamtak.  Kan pa aw, JMBC Khrihfabu nih kan in siang hrimhrim lo. Na kan liamtak cu kan ngaih a chia tuk hringhran. Thih tiang zumhtlak tein a rian na ṭuan mi na Bawipa Pathian sin ah lunghnangam tein rak i din chung ko ne law. Khrihfabu nih chungkhar nan dihlak caah thla kan in campiak hna. Bawipa nih a ṭhawnnak hmang in, in hnem hram ko hna seh.

KNLA Le Ṭangṭi Phu Nih Hpapun Khuapi A Ningpi In An Uk Cang || 26 April 2024 Karen ramkulh, Hpapun peng um Khah-Mah-Yah 434 Battalion, palik sakhan, Khah-Lah-Yah 19 SAC ralkap sakhan pawl an laak hnu ah Hpapun khuapi cu a ningpi in KNLA le ṭangṭi phu nih an uk cang kong NUG Ministry of Defence nih phungning tein an thanh. Nizan April 25 ni ah Khah-Mah-Yah 434 Battalion SAC ralkap sakhan cu ṭangṭi phu nih an laak i hriamnam tam ngai zong an laak khawh, Hpapun Operation cu

a luancia March 19 ni in an rak thawk i March 24 ni ah Karen ramkulh, Hpapun pengkomh, Hpapun khuapi chung SAC ralkap sakhan le palik pawl an rak laak hna.  March 26 ni ah Hpapun khuapi cu ṭangṭi phu nih an rak laak i March 30 ni ah Hpapun khuapi hrambunh Khah-Lah-Yah 19 Battalion sakhan cu ṭangṭi phu nih an laak chap i hriamnam zong tam ngai an laak, tiah theih a si. Atu lio Operation cu thlanglei ral hmunram(JOC) nawlpeknak in Hpapun Operation kalpi a si i, JOC, KNLA, PDF, Force For Federal Democracy (FFD) le BPLA hna an ṭangṭi, tiah NUG Ministry of Defence nih cun an thanh.

Chinland Council, Chinland Cozah Upa Hna Le CBCUSA Hruaitu Hna Tonnak An Ngei II 27 April, 2024 Chinland Council, Chinland Cozah upa hna le CBCUSA hruaitu hna cu April 26 ah Aizawl ah tonnak an ngei tiah theih a si. Tutan tonnak ah Chinland Council in Vice Chairman 1 le 2, Secretary le Assit-Secretary, member pakhat, Chinland Cozah in PM, Minister of Foriegn , Minister of Woman/Youth and Children, Minister of Finance, Minister of Commerce, Minister of Humanitarian le Minister of Health hna an i tel kho. Cu pin ah

Chinland Parliament Speaker, Deputy Speaker, MP pali le biaceihbawi hna an i tel. CBCUSA lei in GS, President, Vice President pin ah Rev. Cung Lian Hup, Rev. Za Thawng Cin le Pu Van Ceu Uk hna an i tel kho. Tutan tonnak ah CBCUSA nih rawl an dangh hna i Chinland Cozah nih rianthawknak caah a herh mi tangka zong pekchanhnak an ngei kho. Tonnak ah aa tel mi Chinland Council Vice Chairman Salai Bawi Kung nih “Tutan kan i ton cu meeting ngaingai a si lo nain hmailei riantuanti nak dingah bawmtu a si ko lai. Ruahnak thatha tampi kan i cheu hna i santlaihnak a ngei hrimhrim ko lai” tiah The Chin Post ah a chim. Hmanthlak: CC, CG upa hna le CBCUSA hruaitu hna