Zoh nuam tuk lai: Kan Laipa UFC Fighter Joshua Van le Kevin Borjas cu an i tthua cang lai a nithla fiang ten kan langhter
UFC 295 Ah I Ṭhua Ding In Joshua Van Cu New York Khuapi A Phan Cang. 7 Nov 2023 A ra lai mi November 11, UFC 295 ah Chin Arfi Joshua Van cu aa ṭhua lai. UFC 295 hi Vawleicung boxing thonghnak stadium vialte lakah a min thang bik mi Madison Square Garden, New York khuapi ah tuah a si lai. Joshua Van zong nih New York khuapi a phanh cangnak muicawl amah social media ah a taar. Chin fighter Joshua hi UFC ah voihnihnak a ṭhuatnak ding a si i,
a luancia June 24 ah voikhat a rak i ṭhua cang. A voikhat i ṭhuatnak ah Kazakhstan fighter Zhalgas Zhumagulov cu a rak tei. Atutan hi Peru fighter Kevin Borjas he an i ṭhua lai. Kevin Borjas he hin a luancia August 8, Dana White Contender Series ah i ṭhua ding an si nain UFC lei nih Joshua cu an auh caah an i phomh kho lo. Joshua le Kevin hi flyweight division(Lbs 125) ah in i ṭhua lai i, Early prelims ah an i ton lai caah puai an thok hramthok lei ah a si lai. Joshua hi UFC ah hmuhton a ngei cang i,
culio ah Kevin hi cu a voikhat i ṭhuatnak ding a si caah tam deuh nih cun Joshua nih a tei ko lai tiah zumh a si. Main Event ah Light Heavyweight Championship puai a um lai i, Czech fighter Jirí Procházcha le Brazilian fighter Alex Pereira nih Light Heavyweight taisawm an i cuh lai. Co-main event ah Interim Heavyweight Championship a um lai i, Russian fighter Sergei Pavlovich le British fighter Ton Aspinall an i ṭhua lai. Main Event ah hin Heavyweight minthang pahnih Jon Jones le Stipe Miocic i tong ding an si nain Jon Jones aa khawnden sual ruangah an thlennawn ṭhan.
Nihin Hakha Khuachung Kahdohnak Ah Tualchung Mi Pakhat Hliam A Tuar, Tualchungmi Zeimawzat An Tlaih Hna. 7 November 2023 Chin ramkulh, Hakha khua chung GTI pawng kahdohnak ah tualchung mi pakhat hliam a tuar i, tualchungmi zeimawzat an tlaih hna, tiah theih a si. “Nihin November 7 zinglei suimilam 8:00 in Hakha GTI pawng hrawng ah kahdohnak a chuak i chun tiang meithal thawng a dai lo. Kahdohnak a daih tlawmpal ah rianṭuan dingin in
a chuakmi tualchung mi pakhat cu an inn in a chuah tlawmpal ah SAC ralkap lei nih an kah,” tiah tualchung mi pakhat nih The Chin Post ah a chim. Meithal thawng a daih hnu tlawmpal ah tualchung mi pa pakhat cu rianṭuan dingin a chuak i an inn he aa hlat lonak a phak ah SAC ralkap lei nih a ṭaang ah meithal in an kah. Chanh ngam loin caan saupi a um hnu ah an chanhchuah khawh i sii-inn ah an lanhpi, tiah a chim chap. “Hliamtuarmi pa hi a ṭang in
tleng lak an kah i a thi tamtuk a chuak nain Pathian nih a nunnak cu a zuah. Kahdohnak pawng hrawng ah a ummi tar le Rev. Hoi Cung Tum sianginn ah ca a cawngmi siangngakchia tampi zong SAC ralkap lei nih an tlaih hna,” tiah a dang tualchung mi pakhat nih The Chin Post ah a chim ve. Crd: TCP
Matupi Khuahung Kahdohnak Ah SAC Ralkap 2 An Thi I pakhat 1 Hliam A Pu. 7 November 2023 . Chin ramkulh Matupi peng, Hakha-Matupi lampi pengkomh zung pawng Cawngthia lamṭhen ah tualchung hriamtlai phu CDF-Matupi le SAC ralkap kar kahdohnak a chuak i SAC ralkap 2 an thi i 1 hliam a pu, tiah theih a si. “SAC ralkap thazaang 60 cu rallam hmun hnih; Cawngthia lei le pengkomh zung lei ah an i ṭhen i CDF-Matupi nih November 6 zanlei suimilam 4:45 ah
ah an kah hna. SAC lei ralkap 2 an thi i ralkap 1 hliam a pu, CDF-Matupi lei cu him tein hnu an tolh kho, November 5 ah SAC ralkap pakhat mipi sin i aa fonh ruang ah atu bantuk in an cawlcanghnak a si,” tiah CDF-Matupi Battalion 2 in ṭuanvo ngei Salai Van Lawm nih Zalen ah a chim. “CDF-Matupi cu pehzulh in
kahdohnak a tuah ṭhan ding kan si, a hlan nakin bawmhnak kong ah kan thazaang a der deuh caah tualchung mi zong nih thazaang chuah rih in kuanfang cawknak ding ca ah tangka le a lamkip in thazaang kan chuahpi rih ko u,” tiah CDF-Matupi Battalion 2 in ṭuanvo ngei pakhat nih cun a chim.
Zualko; Tuchun ah Hakha khua ah ngaihchiatnak kan tong tthan ee. Tuchun ah khan Pu Siang Tum – 68 (Siang Bor pa, Lawngtlang) Hakha ummi Zophei nih kan bochan tukmi kan pa nih tuchun 7 November 2023 ni Chun 12:00Noon ah mual a kan liam tak. Kan ngaih a chia hringhran. Tantaakmi a chungkhar hna zong Bawipa nih hnem hram ko hna sehlaw. Culawng si loin Zophei kan innpi a cim chun ah khua a mui. Zophei Baptist Church, Hakha nih kan ngaihchiatnak kan langh ter.