(Video+) Chin Star hlasak zuamnak ah Winner a si bak lai zumhmi Salai Napo Loen nih bia a chimnak VIDEO++++
Atang ah Video kan chiah. Chin Star ah mark tambik pahnihnak a hmu liomi le winner zong a si bak lai tiah an zumhmi hlasakthiam Salai Napo Leon nih biachimhnak a van tuah ve cang. Amah hi Thantlang peng Vawngtu khuami a si I, a fawinak chim ahcun Chin star a ngeitupa Salai Lungthli Tum he hin an pengtlang ai khat, Zophei Tlang veve an si. Salai Napo Leon nih
“Yangon lei rat ding ka rak i thawh ah, khuate lei cu lampi a chia, lampi ruahsur lakah nithum hna kan riak, harnak tampi pah chih in Chin STAR winner ka si khawh nak hnga Yangon tiang ka rak phan, atu top 15 zong ah kai tel kho caah kai lawm tuk, thazaang ka pe rih hram ko u’tiah a chim mi le a dang a chimmi cu atanglei ah Video kan chiah.
Laimi tampi umnak Kalaymyo Ah SAC Ralhrang Nih Humhimnak Faakngai In An Laak; Mipi Tlaih In An Velh Hna! Oct. 5 | 2023 Laimi tampi an umnak Kalaymyo ah atu hrawng hi SAC ralhrang nih faakngai in humhimnak an laak i nizan ahkhan Sanmyo sangah lam aa chawkmi mipi hna cu a ruang umlo in an velh hna i tlaihkhihnak zong an tuah, tiah Zalen nih a langhter. Nizan October 4, zanlei sang zong ah Kalaymyo, Tahan, Sanmyo sangah SAC ralhrang nih aa chawkmi mipi hna cu
a ruang umlo in an velh hna i tlaihkhihnak zong an tuah, tiah theih a si. Tualchungmi pakhat nih “SAC ralhrang tamngai an rak phan i zei thawng dah an theih ti cu ka hngal lo. Aa chawkmi cycle pawl an dir ter hna i zeihmanh theilo in an celh hna. Bomb voi 2 a puak. Tlaih in an velhmi hna tu cu an thlah ṭhan hna” tiah Zalen ah a chim. Mah aa chawkmi SAC ralhrang pawl nih mipi inn 1 an luhhnawh i tangka Sing 200,000 an firpiak hna, tiah a langhter chih.
Matupi-Hakha Lampi Pengkomh Zung Ah CDF Le SAC Ralhrang Kar Kahdohnak A Chuak; Ralhrang 2 An Thi. Oct 7 | 2023 Chin ramkulh, Matupi peng, Matupi-Hakha lampi ah ummi pengkomh zung le Ngalai khua kar ah CDF-Matupi battalion 2 le rallam sialmi SAC ralhrang karlak ah kahdohnak a chuak, tiah CDF-Matupi thawngzamhnak in kan theih. Kahdohnak cu
SAC ralhrang thazaang 80 hrawng nih pengkomh zong ah umhmun an khuar i duhpaoh in hriamngan an kah caah tualchung hriamtlai CDF-Matupi he kap 2 kar kahdohnak a chuak. Cu kahdohnak ah SAC ralhrang 2 an thi i CDF-Matupi cu hiamte in hnulei an tolh kho ṭhan, tiah an langhter. CDF-Matupi battalion 2 nih kan humhaknak hmunram chung ah pehtlai in kahdohnak a chuak khomi a si caah mipi nih Matupi-Hakha lampi ah ramleng chuah le khualtlawn rih lo dingin CDF-Matupi nih an langhter chih.
SAC Ralhrang nih mipi sawhsawh kan Laipa pakhat cu thi lak in meithal in an kah ee. Tuchun October 6th,2023- Sagaing Region Kalay peng Laimi tampi umnak Tahan sang ah Tlangval. Lian Muan Sing cu SAC Ralhrang hna nih Lam a kal cuahmah lio ah thi lak in meithal in an kah tiah theih a si. Tuchun chun hnu Sumilam 2:00 PM hrawng ahkhan
Tv. Lian Muan Sing le a hawile han cu pumpululh chuih dinginan I sawm hna i. Saikel in a hawile 3 hna he an I phirh I lam an kal lio ahcun Tahan AG biakinn kutka pawng a ummi SAC Ralhrang Duty mi hna nih an kah hna I cuticun mual a liam hi a si. Tantaakmi chungkhar kan in ngaihchiatpi hna. Crd: Zofa Journal
Nihnih Chung ah Chin Mi Sinin Rithaisi Crystal Meth 20 kg leng a Ritmi Mizoram Palik Nih An Tlaih! 6 Oct 2023 October 4, zaan suimilam 7 hrawng ah Aizawl District Special Branch(DSB) team hna nih cun Motor pakhat cu chekhlatnak an tuah i, Crystal Meth, Kg 11. 6 in a ritmi India phaisa in Sing 3400 man cu an tlaih. Rithaisii ngeitu hi
Chin ramkulh Falam peng, Khuamawi khua Salai Ro Piang(kum-37) S/O Lalthanga a si, tiah Mizoram palik nih an langhter. Bawngkawn Police station ah ND&PS Act le Foreigners Act in taza cuai a si. October 3 zong ah khan Lengpui Airport ah Myanmar mi, Chin nu Lalremthang(kum 38) sinin rithaisii Crystal Meth Kg 10 leng in a ritmi cu palik nih an rak tlaih cang. Nihnih chung ah Myanmar mi sin in rithaisi India phaisa sing 6500 man hrawng an tlaih.