Laimi Pathian mi hman Saya Sailo Thang nih Nupi a tthit dinngmi kong he mahti hin ca a van tial cang

Pathian mi hman Saya Sailo Thang nih nupi a tthit dingmi kong ah mahtin ca a van tial. Tukum cu ka thluachuah kum a si!Camping le revival programs kan tuahnak ah Bawipa nih khuaruahhar in Revival a kan pek . Bawipa thawngin tukum chungah ram 8 le khrihfabu 38 sin ka phan kho. Cu lak ahcun minung 250 renglo tipil an ing. Thlarau a tlau mi lawng si loin tukum cu a tlau mi ka hnakruh ka hmuh kum zong a si i Bawipa thangthat loin ka um kho lo.  Kan ni sunglawi ah FB hawi le nan dihlak in

nan kan telpi cio nak lai kan in sawm hna.  A hmun nan rat ding cu kan duh bik asinain nan si thiam bak lo a si le thlacamnak in kan bawm hram u law.  Lawmhnak ni hi mah te lawng in hman nak in dawtu tampi he hman hi a let in a sunglawi deuh. Bawipa zaangfahnak in a rian thiang ka tuannak ah Khrih ah u le nau tampi kan ngeih hna le kan bochan ko hna.  Dallas a ummi hawikom hna le bang cu a hmun bak ah

nan kan telpi cio nak lai kan in sawm ko hna. Kan hlanmi biakinn le hall hi a hlat deuh ko (last option bak a si ) asinain keizong lam hlat piin nan fa le cawnpiak awk ah ka ra peng ve ko le nan ka hnek piak a hau ko .Ka khualtlawn a tamtuk le ka bz deuh caah pumpak in chawnh khawh lomi zong nan um ko lai. Ka theithiam hram u law, mah sawmnak hi kai rinh ko lai ee.  Atang lei website hi kan puai sawmnak le information theih a herh mi kan tialnak a si. Rak bih cio te u law.  Bawipa sunparnak caah si ko seh!

Laimi tampi umnak Kalaymyo Ah SAC Ralhrang Nih Humhimnak Faakngai In An Laak; Mipi Tlaih In An Velh Hna! Oct. 5 | 2023 Laimi tampi an umnak Kalaymyo ah atu hrawng hi SAC ralhrang nih faakngai in humhimnak an laak i nizan ahkhan Sanmyo sangah lam aa chawkmi mipi hna cu a ruang umlo in an velh hna i tlaihkhihnak zong an tuah, tiah Zalen nih a langhter. Nizan October 4, zanlei sang zong ah Kalaymyo, Tahan, Sanmyo sangah SAC ralhrang nih aa chawkmi mipi hna cu

a ruang umlo in an velh hna i tlaihkhihnak zong an tuah, tiah theih a si. Tualchungmi pakhat nih “SAC ralhrang tamngai an rak phan i zei thawng dah an theih ti cu ka hngal lo. Aa chawkmi cycle pawl an dir ter hna i zeihmanh theilo in an celh hna. Bomb voi 2 a puak. Tlaih in an velhmi hna tu cu an thlah ṭhan hna” tiah Zalen ah a chim. Mah aa chawkmi SAC ralhrang pawl nih mipi inn 1 an luhhnawh i tangka Sing 200,000 an firpiak hna, tiah a langhter chih.

Matupi-Hakha Lampi Pengkomh Zung Ah CDF Le SAC Ralhrang Kar Kahdohnak A Chuak; Ralhrang 2 An Thi. Oct 7 | 2023 Chin ramkulh, Matupi peng, Matupi-Hakha lampi ah ummi pengkomh zung le Ngalai khua kar ah CDF-Matupi battalion 2 le rallam sialmi SAC ralhrang karlak ah kahdohnak a chuak, tiah CDF-Matupi thawngzamhnak in kan theih. Kahdohnak cu SAC ralhrang thazaang 80 hrawng nih pengkomh zong ah umhmun an khuar i duhpaoh in hriamngan an kah caah

tualchung hriamtlai CDF-Matupi he kap 2 kar kahdohnak a chuak. Cu kahdohnak ah SAC ralhrang 2 an thi i CDF-Matupi cu hiamte in hnulei an tolh kho ṭhan, tiah an langhter. CDF-Matupi battalion 2 nih kan humhaknak hmunram chung ah pehtlai in kahdohnak a chuak khomi a si caah mipi nih Matupi-Hakha lampi ah ramleng chuah le khualtlawn rih lo dingin CDF-Matupi nih an langhter chih.

SAC Ralhrang nih mipi sawhsawh kan Laipa pakhat cu thi lak in meithal in an kah ee. Tuchun October 6th,2023- Sagaing Region Kalay peng Laimi tampi umnak  Tahan sang ah Tlangval. Lian Muan Sing cu  SAC Ralhrang hna nih Lam a kal cuahmah lio ah thi lak in meithal in an kah tiah theih a si. Tuchun chun hnu Sumilam 2:00 PM hrawng ahkhan

Tv. Lian Muan Sing le a hawile han cu pumpululh chuih dinginan I sawm hna i. Saikel in a hawile 3 hna he an I phirh I lam an kal lio ahcun Tahan AG biakinn kutka pawng a ummi SAC Ralhrang Duty mi hna nih an kah hna I cuticun mual a liam hi a si. Tantaakmi chungkhar kan in ngaihchiatpi hna. Crd: Zofa Journal