(Video+) Chin Star hlasak zuamnak ah a thiam cem Mai Van Mal Nei nih VIDEO nih bia a van chim colh ve

Atulio soisel zong a tong ngaimi Salai Lungthli Tum nih a tuahmi Chin Star hlasak zuamnak ah mipi nih an uar bikmi le a thiam bik tiah an timi Falam peng Ngawn phun a simi Mai Van Mal Nei nih bia chimnak a van tuah colh ve. Amah hi a mui zong ai dawh hlasak hrim cu a thiam tuk cun fans tampi  angeimi a si i Chin Star hlasak ai zuammi vialte

lak ah mi a hiip tu bik a si tiah an chim cio. Salai Lungthli Tum zong nih mah nu hi cu pakhatnak a pek te hrim lai zumh a si. Amah hi nih a chimmi cu khuate lei ah a tthanglian mi ka si i, Bus ciit zong ahar ngai nu le pa umlonak hmun ah mah bantuk Yangon hna hawng um hi cu ka ca ah a har ngai tiah a chim cun a dang a chimmi pawl cu atanglei ah Video hi rak zoh ve

Nihnih Chung ah Chin Mi Sinin Rithaisi Crystal Meth 20 kg leng a Ritmi Mizoram Palik Nih An Tlaih! 6 Oct 2023 October 4, zaan suimilam 7 hrawng ah Aizawl District Special Branch(DSB) team hna nih cun Motor pakhat cu chekhlatnak an tuah i, Crystal Meth, Kg 11. 6 in a ritmi India phaisa in Sing 3400 man cu an tlaih.  Rithaisii ngeitu hi

Chin ramkulh Falam peng, Khuamawi khua Salai Ro Piang(kum-37) S/O Lalthanga a si, tiah Mizoram palik nih an langhter. Bawngkawn Police station ah ND&PS Act le Foreigners Act in taza cuai a si. October 3 zong ah khan Lengpui Airport ah Myanmar mi, Chin nu Lalremthang(kum 38) sinin rithaisii Crystal Meth Kg 10 leng in a ritmi cu palik nih an rak tlaih cang. Nihnih chung ah Myanmar mi sin in rithaisi India phaisa sing 6500 man hrawng an tlaih.

USDP Chungtel Mino Cheukhat Cu Japan Ah Kan In Kalter Hna Lai An Ti Hna I SAC Ralkap Ah Hramhram In An Luhter Hna USDP chungtel mino cheukhat hna cu Japan ram ah rianṭuan dingin kan in kalter hna lai tiah an sawm hna i SAC ralkap ah hramhram in an luhter hna tiah an chungkhar nih an chim. Ayeyarwady ramṭhen chung khua khuate cheukhat i USDP chungtel a si mi mino Japan ah rianṭuan kal nan duh maw tiah an sawm hna. Cu an sawm mi hna cu Rangoon ah Japan holh nan cawng ta lai an ti hna nain

Mandalay ramṭhen le Sagaing ramṭhen i ralkap khawmhsuatnak hmun ah an kalpi hna tiah theih a si. A fapa kalpi a si ve mi khuami pakhat nih cun “USDP chungtel a si mi hna inn ah an kal i Japan kal na duh maw? Atu hi USDP nih Japan ah rianṭuan dingin mi kan thlah lengmang cang hna. Kal nan duh ahcun Rangoon ah Japan holh nan cawng ta lai tiah an sawm hna. Khua khat in mino 4/5 a kal mi an um, 1/2 a kal mi zong an um. A luancia zarhthum ah khan hi thil hi a cang mi a si” tiah a chim. USDP nih

Naypyitaw telh in khuapi cheukhat cu Japan ah rianṭuantu kalternak an tuah mi a um len. Tukum June thla zong ah Naypyitaw ah MYANMAR SANKOU timi ramleng ah rianṭuantu kalternak company an on i USDP mino 62 hna cu Japan holh an cawng lio, cu hna chung ah mino 12 nih Japan ah kal khawhnak an hmuh cang tiah USDP nih cathanh an chuah bal.