A poi tuk ee: Tuchun ah Saikel ai ciitmi Chinpa Salai Lian Muan Sing cu SAC Ralhrang nih thi lak an kah ee
SAC Ralhrang nih mipi sawhsawh kan Laipa pakhat cu thi lak in meithal in an kah ee. Tuchun October 6th,2023- Sagaing Region Kalay peng Laimi tampi umnak Tahan sang ah Tlangval. Lian Muan Sing cu SAC Ralhrang hna nih Lam a kal cuahmah lio ah thi lak in meithal in an kah tiah theih a si. Tuchun chun hnu Sumilam 2:00 PM hrawng ahkhan Tv. Lian Muan Sing le
a hawile han cu pumpululh chuih dinginan I sawm hna i. Saikel in a hawile 3 hna he an I phirh I lam an kal lio ahcun Tahan AG biakinn kutka pawng a ummi SAC Ralhrang Duty mi hna nih an kah hna I cuticun mual a liam hi a si. Tantaakmi chungkhar kan in ngaihchiatpi hna. Crd: Zofa Journal
Video a tanglei ah kan chiah: Chin ramkulh, Kanpetlet khuachung ah SAC ralkap pawl nih hmunhma an khuarnak GAD zung le fimcawnnak zung cu September 27 ah CDF-Kanpetlet nih an kahnak Video an langhter. Cu kahdohnak ah Chin ralkap CDF hna nih SAC ralkap 3 nak tlawm lo an thi tiah an langhter. CDF Kanpetlet hi Chinland Council zong ah biatak tein I tel in thazaang a chuahmi an si I raldohnak lei zong ah a min a thangmi an si tiah kan theih. Khuapi chung kahdohnak hi voitampi an tuah cang a tanglei ah Video hi rak zoh ve law.
Nihnih Chung ah Chin Mi Sinin Rithaisi Crystal Meth 20 kg leng a Ritmi Mizoram Palik Nih An Tlaih! 6 Oct 2023 October 4, zaan suimilam 7 hrawng ah Aizawl District Special Branch(DSB) team hna nih cun Motor pakhat cu chekhlatnak an tuah i, Crystal Meth, Kg 11. 6 in a ritmi India phaisa in Sing 3400 man cu an tlaih. Rithaisii ngeitu hi
Chin ramkulh Falam peng, Khuamawi khua Salai Ro Piang(kum-37) S/O Lalthanga a si, tiah Mizoram palik nih an langhter. Bawngkawn Police station ah ND&PS Act le Foreigners Act in taza cuai a si. October 3 zong ah khan Lengpui Airport ah Myanmar mi, Chin nu Lalremthang(kum 38) sinin rithaisii Crystal Meth Kg 10 leng in a ritmi cu palik nih an rak tlaih cang. Nihnih chung ah Myanmar mi sin in rithaisi India phaisa sing 6500 man hrawng an tlaih.
USDP Chungtel Mino Cheukhat Cu Japan Ah Kan In Kalter Hna Lai An Ti Hna I SAC Ralkap Ah Hramhram In An Luhter Hna USDP chungtel mino cheukhat hna cu Japan ram ah rianṭuan dingin kan in kalter hna lai tiah an sawm hna i SAC ralkap ah hramhram in an luhter hna tiah an chungkhar nih an chim. Ayeyarwady ramṭhen chung khua khuate cheukhat i USDP chungtel a si mi mino Japan ah rianṭuan kal nan duh maw tiah an sawm hna. Cu an sawm mi hna cu Rangoon ah Japan holh nan cawng ta lai an ti hna nain
Mandalay ramṭhen le Sagaing ramṭhen i ralkap khawmhsuatnak hmun ah an kalpi hna tiah theih a si. A fapa kalpi a si ve mi khuami pakhat nih cun “USDP chungtel a si mi hna inn ah an kal i Japan kal na duh maw? Atu hi USDP nih Japan ah rianṭuan dingin mi kan thlah lengmang cang hna. Kal nan duh ahcun Rangoon ah Japan holh nan cawng ta lai tiah an sawm hna. Khua khat in mino 4/5 a kal mi an um, 1/2 a kal mi zong an um. A luancia zarhthum ah khan hi thil hi a cang mi a si” tiah a chim. USDP nih Naypyitaw telh in
khuapi cheukhat cu Japan ah rianṭuantu kalternak an tuah mi a um len. Tukum June thla zong ah Naypyitaw ah MYANMAR SANKOU timi ramleng ah rianṭuantu kalternak company an on i USDP mino 62 hna cu Japan holh an cawng lio, cu hna chung ah mino 12 nih Japan ah kal khawhnak an hmuh cang tiah USDP nih cathanh an chuah bal.