Zualko: Tuchun Timit kahdohnak ah CNA Pasaltha Salai nih a kan thih taak tthan ee

1 june 2023 thawngpang theih kan duh lo bikmi kan van theih tthan ee tuchun ahkhan Hakha le Thantlang kar ah kan pasaltha hna CNA CDF hna ttangrual hna le SAC Ralhrang hna karlak ah faak taktak in kahdohnak a chuak than tiah kan theih tutan an i kahnak hi hmunhnih in ralhrang hna nih hmai an nawr i

Lungkhar lei le Van Kham tlang lei ah kahdohnak faak taktak in a chuak Hakha khua in SAC Ralhrang nih 120mm miakpi in an hei kah i kan CNA pasaltha pakhat cu bomb nih a khen caah a nunnak a liam e tiah theih a si a nunnak a liam mi kan pasaltha hi a chung le himnak ding ca ah a min cu langhter a si lo i Ralhrang lei hi minung 7 cu

tuzing ahkhan an thi ve i, kan ralkap hna nih Ralhrang hriamnam zun hnih le kuanbawm tam taktak le hriam thilri tampi an laak khawh ve tiah kan theih Timit lei kahdohnak hi a zual chin lengmang caaah ramkip a ummi dawtmi nu le pa mino vialte hna viatak tein nan thazaang rak chuah chinchin ko ulaw tiah kan in nawl duh ko hna e

thawngpang dang relchap

Magway ramṭhen, Minhla peng Didaukkan khua pawng ah PDF nih an i citmi motor cu May 29 zan suimilam 8:00 hrawngah SAC ralkap nih an kah i PDF ralkap 8 an nunnak a liam, tiah theih a si. Nunnak a liammi PDF cu Tayet, Kanma, Mindung in ṭangṭi phu an si i, raltuk cawn an dih in Minhla peng lei an kir lio ah atu bantuk in SAC ralkap nih an kah hna hi a si, tiah Magway ramṭhen hrambunh PDF in ṭuanvo ngeitu pakhat nih a chim.

SAC ralkap nih PDF motor an kah i ralkap 8 an nunnak a liam pinah meithal zun 7 le meithal kuan zeimawzat zong an laak. Nunnak a liammi hna chungkhar cu humhimnak ca ah kan langhter lo, tiah ṭangṭi phu in ralkap pakhat nih a chim.

May 31 zinglei zong ah Didaukkan khua in farlong 4 aa hlatnak ah meithal kuan hma in a thi mi pa pakhat ruak zong an hmuh i khuate vengtu phu chungtel a si lai tiah an zumh. A luancia 2022 June 22 lio zong ah Pywinphyu peng Mezali hlei ah meithal phortu PDF cu Skat motor 2 in an kal lio ah SAC ralkap nih an rak kah hna i, PDF 12 nunnak a rak liam cang.