(VIDEO+) Fiang taktak in a chim: CNA bawino Mai Magdalin nih CNF/CNA chung konglam cu Video in fiang taktak in a chim ve cang

Atangbik ah Video kan chiah 1 June 2023 CNA ah ralbawi a tuan cuahmah lio mi kan Chin nusal Mai Magdalin cu The Chin Journal nih bia an hal mi kong ah mahti hin CNA kong cu fiang taktak in bia  avun chim than. CNA ahhin Nu ralkap nan tam ve maw zei nan lawh timi bia na hal i a leh mi hna cu ahlan ahcun CNA ahhin Nu ralkap hi

zakhat ah panga hrawng lawng kan rak si a ti asinain 2021 in Ralhrang nih anaa an ting hnu in Nu ralkap tam taktak an vun lut cang i atu ahhin CNA nu ralkap hna hi CNA lak ah 40% hrawng hi Nu kan si cang tiah a chim lunglawmh tuk a si mi cu CNA ah nu ralkap tam taktak an um cang timi hi kan theih fianmi a si atanglei ah Video in a chimmi rak zoh ve hmanh

Monywa Hrambunh PDF Sakhan Pakhat Cu SAC Ralkap Nih An Hrawh Dih! The Chin Post 1 June 2023 Sagaing ramṭhen, Monywa peng hrambunh Area 71 PDF sakhan pakhat cu SAC ralkap nih an luhhnawh i an hrawh pinah tualchung mi pakhat zong an thah, tiah theih a si.

May 31 zinglei suimilam 8:00 hrawng ah Chaung U in SAC ralkap pawl cu Jummer motor pahnih he an chuak i, sakhan cu an luhhnawh, tiah Area 71PDF in ṭuanvo ngeitu nih a chim. SAC ralkap nih PDF sakhan cu an khangh ruangah hriamnam telh in kyats sing 300 man hrawng a rawk, tiah theih a si.

SAC ralkap nih ralphaw hman ding ah an tlaihmi pa pakhat zong an thah, tiah Area 71PDF nih cun an langhter. May 28 lio zong ah Monywa pengkomh, Ayardaw peng um Danger Force LPDF sakhan pakhat cu SAC ralkap nih an rak luhhnawh i kyats sing 300 man hrawng an khanghpiak hna pinah kum 50 tluk PDF ralkap nu pakhat zong an thah, tiah theih a si.