Thawngpangthar: Kan pasaltha hna nih SAC Ralhrang CAMP ah hriam ngan tam taktak an laak khawh
A Biapi Ngai mi Yawyone SAC Ralkap Sakhaan KIA nih a Laa || SAC ralkap nih kum 40 dengmang hmun a khuarnak Yawyone Byuhakung cu KIA le dohthlengtu ralkap bu fonh nih March 27 ah tlamtling te in an laak khawh, tiah theih a si. Yawyone SAC ralkap sakhaan hi Kachin ramkulh, Moemauk khua le Lwegel khua karlak ah a um i, 1985 ah KIA le Ba-Ka-Pa nih an doh nain an la kho lo. Cu sakhaan cu KIA le dohthlengtu ralkap bu fonh hna nih
nizaan tihni March 27 ah doh hram an thawk ṭhan i, March 28 chun ah an laak khawh hi a si. Yawyone SAC ralkap sakhaan laak kahdohnak ah SAC ralkap lei in a thi mi le a zaam mi zong an um bang in hriam a chia mi zong an um. Sakhaan ah a um mi eidin tirawl tampi, hraimpi pawl, meithal le a dangdang ralhraim tampi KIA nih an laak. KIA le dohthlengtu ralkap bu hna nih Yawyone SAC ralkap sakhaan an laak ni March 27 hi a kum 79nak SAC ralkap ni a si. Hi ni ah hin KIA nih Kachin ramkulh chung ah a um mi SAC ralkap sakhaan paruk a laak, tiah Myanmar Now nih a ṭial.
Lai Ralzaam Thilri Phortu Motor aa Let, a Mongtu a Nunnak Liam. March 29 Nihin March 29, zinglei sml. 2:30 hrawng ah Laitlang lei ah ralzaam thilri a phor tawn mi motor cu Saiha District, Tipang le Theiri karlak ah accident a ton caah a mongtu a nunnak a liam, tiah thawng kan theih. Hi motor hi Laitlang lei ah ralzaam pawl thilri a phor tawntu a si, taih Theiri MTP President nih a chim. Tipang le Theiri karlak i Meter 40 tluk a sannak lamthlang ah a tla i, motor mongtu Pangkhua mi Malsawmthar (kum 18) a nunnak a liam, tiah theih a si.
Pakokku In A Rak Chuak Mi SAC Motor Bomb Puah Hnawh A Tong I A Cung Cuang SAC 11 An Thi. March 29,2024 Magway ramthen,Pakokku SAC division 101 in a rak chuak mi SAC motor 2 hna cu Kandaw khuate pawng an phak ah tualchung hriamtlai nih bomb an puah hnawh hna caah motor pakhat cu
ai thek i a chung cuang SAC 11 an thih leng ah 19 hliam an tuar tiah theih a si. Nizan March 28,zanlei slm 4:45 tluk ah SAC ralkap 72 a phur tu motor 2 cu Pakokku in Kandaw khuate pawng an phak ah a hlei in ser mi lung 8 phir bomb lun gkhat le Lung 6 phir bomb lungkhat in an puah hnawh hna caah SAC 11 cu a hmun ah an thi colh in a dang 19 hliam an tuar hi a si.
Tuluk-Myanmar Ramri Lwegel Khuapi Le Ramri Gate Cu KIA Nih An Laak,SAC Ralkap Le Zung Riantuan Hna Tuluk Ram Ah An Zaam. March 29,2024 Kachin ramkulh, MoeMaut Peng Tuluk-Myanmar ramri i a ummi Lwegel khuapi le ramri gate cu KIA nih nihin March 29 zinglei sang ah tlamtling tein an laak khawh tiah theih a si. March 27 thok in Banmaw-Lewgel lampi cung a um i SAC sakhaan 10 nak tlawmlo cu KIA nih an tuk hna i pehtlai in an laak thluahmah hna hnu ah a tu Lewgel khuapi zong an laak khawh hi a si. “Bamaw-Lewgel lampi cung a ummi SAC sakhaan hna lak ah
Seinlung tlang cu SAC sakhaan lawng a taang cang.a tu Lewgel khuapi zong kan laak cang.SAC ralkap hna le an mah kuttang zung rian tuan mi hna cu tuluk ram ah an zam hna i micheu cu an zam kho nain a tu ah Tuluk lei nih gate an khar cang caah an i taap,KIA lei nih tha tein hriam chia dingin an ti cuahmah lio hna a si,khuapi cu a zapi in kan tlaih viar cang” tiah KIA thawnghram nih Khit Thit Media ah a chim. 2024 March 7 thok khan KIA nih operation faak piin a kal pi i a tu tiang ah SAC sakhaan tam taktak a laak khawh cang.