Zualko: LAI hlasakthiam minthang Rev. Tin Tlung nih ruah lo pin a kan thih taak ee

ZUALKO. Rev, Tin Tlung Nih Ruah Lo Pin Mual A Kan Liam Taak Hlan lio kan Lai hlasak thiam minthang kan rak ngeih mi Rev, Tin Tlung cu (28.03.24) ah Ashma dam lo nak in ruah lo pin a kan liam taak hi a si. Kum (77) tiang Pathian nih a rianthiang a tuan ter i a tu cu a biak mi a Pathian sin ah ai din cang. Ngaihchiat nak a tong mi hna CBN nih nan ngaihchiat nak kan in hrawm pi hna Bawipa nih in hnem ko hna seh law.

SAC nih Ralkap Ni ah Nu Ralkap Tam Ngai a Hman Hna || Nizaan March 27 ah an tuah mi a kum 79nak SAC ralkap ni ah kum dang nakin nu ralkap tam ngai an hman, tiah BBC nih a langhter. Kum dang ah cun raldohnak hriamnam ṭhaṭha zong an langhter tawn nain atu kum ah cun cu bantuk hmuhsaknak zong

an tuah ti lo. Atutan SAC ralkap ni ah ralkap thazaang 7,000 hrawng an hman i, kha hlan an tuah tawn mi ralkap ni nakin ralkap thazaang 1,000 hrawng an zor. Cu lawng si lo in kum dang nakin nu ralkap tampi hmang in a kum 79nak SAC ralkap ni cu chun ah si lo in zaan ah a tawinak in an tuah, tiah BBC nih a ṭial.

A sunglawi taktak: Lwegel Ramri Pawng Um SAC Ralkap Sakhan Pahnih Cu KIA Nih An Laak || 28 March 2024 Kachin ramkulh, Bhamo–Lwegel ramri lampi cung um SAC ralkap sakhan ngan mi pahnih cu KIA nih an kah i nizan March 27 an laak, tiah KIA thawng laaknak hrampi nih an chim. Nizan March 27, zinglei suimilam 7:00 ah Kachin ramkulh, Bhamo–Lwegel lampi cung ah kahdohnak a fak i SAC ralkap sakhan 7 cu KIA hruai mi ṭangṭi phu nih

voi khat nam ah an nam i, SAC ralkap nih vanlawng in kahdohnak an tuah ko nain sakhan pahnih cu KIA nih an laak khawh ṭhiam, tiah theih a si. China–Myanmar ramri, Lwegel ramri Gate pawng ah SAC ralkap sakhan 10 hrawng a um mi chung in pahnih cu KIA ṭangṭi phu nih nizan March 27 ah an laak, tiah theih a si.

CDF-KKG Battalion 1 Nih A Voi Hnihnak Basic Military Training Tlamtling Tein An Lim || 28 March 2024. CDF-KKG Battalion 1 nih raltuk cawnnak an tuah mi a voi hnihnak Basic Military Training cu tlamtling tein an tuah khawh i, training lim lawmhnak zong a luancia ni tlawmpal chung ah tlamtling tein

an tuah khawh kong CDF-KKG nih nihin March 28 ah an thanh. A voi hnihnak Basic Military Training lawmhnak ah cun CDF-KKG in ṭuanvo ngei hna le khuallian sawm mi nih an telpi hna i, raltuk cawnnak ah a thiam bik laksawng, a kut ding bik mi laksawng le aa zuam bik mi laksawng tiin thiamhlei laksawng an pek hna kong Chinland Defense Force – Kalay Kabaw Gangaw nih cun an langhter. Photo: CDF-KKG

Pu ZingCung Thuanthu tawi : ChinLand Council President Pu Zing Cung cu BA a theh ih Falam ah a rak tlung. A pa cu ပညာအုပ်a si ih tlawng saya tuan ding in a fial. lahkhah a ngah ve le an family khuasak nak hrang ah a bawm ding tin a pa nih a duh sak. A mah ih hmailam thanso nak khal ah a thami a si. Asinan a nih nih tlawng Saya tuan ih poisa ngah hnak in a thangsolomi Tamu peng ih kan lai hnam a si mi pawl hnen ah poisa piakhat hman ngah lo in tlawng Saya kumkhat sung a va tuan ta. Cucu ram a duhdawt ih (lai chin )miphun a duhdawt ruang ah a si. Tuni tiang a hna tuan nak ah

tla hminsiat nak pa khat hman a nei hrih lo. Nu lam ah leh poisa thu lam lek a politic khelh nak ah tla a hmin a sia dah hrih lo. Rin um tak in hna a tuan. A liam cia kum tampi lai ah CNF/CNA ralkap pawl an harsat lai tla ah a ral kap pawl nih hramlak Ah rawl ei ding in a tuah tik ah an hruaitu a si nak zah in an rawl hnak in thaw deuh mi an pek tik ah a mah lawng rawlthaw deuh le a ralkap pawl thawng bang lo mi ei cu a duh lo. Cu ruang ah an rawlkheng pawl cu a lah theh ih a rawitheh hnu Ah bang rep ten an kheng ah a siam hai hnu ah an ei tlang. Cuti vek amizia pawl ruangah a ralkap pawl nih

Tuni tiang an duh ih an upat nak a Si. Mi hleih dan nak a nei lo. Hruaitu a sih nak advantage a lak dah lo. Miding mi fel a si. Zu leh sa leh nunau lam ah tla hminsiat nak a nei lo. A tangdor ih a puarthau fawn lo. Hruai tu tha a si. Beltcian a dol zet. A mah vek hruai tu tha tampin( LaiChin)mi lak in suak seh lah duh a um zet. Ka hnak in a mizia theitu pawl nih an hmuh Dan an ngan ve cio leh ko ding. Mi dang zohman ka soisel lo. A mah ka hmuh dan lawng ka ngan mi a Si. Crd : original writer