A nuam tuk lai: Hlasakthiam Van Hlei Sung pasal a ngei cang lai, A Pasal nih mah ca hi a tial colh

Hlasakthiam muidawh  Van Hlei Sung pasal a ngei cang lai. A pasal ding hi Laipa bak a si I, muidawh pumruatha mi chuak thiam a si. Australia ram a um mi  asi. A pasal dingmi Salai Thawng H Bawi nih atanglei bantuk in ca a tial. Ruth 1: 16-17. Nangmah he i ṭhen awk le nangmah zul lo i kir ṭhan awkah ka lem len hlah; zeicahtiah na kalnak ah ka kal ve lai i na riahnak ah ka riak ve lai; na miphun cu ka miphun an si ve lai i na Pathian cu ka Pathian a si ve lai; na thihnak ah

ka thi ve lai i khika ah cun an ka vui ve ko lai. Pathian nih cu bantukin ka cungah tuah seh law, tam deuh zongin tuah ko seh, thihnak hmanh nih nangmah sinin ka ṭhen ai kun.”  Time & Date & Place- March 9th, 2024 – First Baptist Church at The Fields – 2:00pm  Tamdeuh in hmanthlak zoh aduh mi caah hi website ah hin zoh khawh asi. Tiah a tial.

SAC Ralkap nih Baibal Siangngakchia “Salai Steven” an Thah February 15 ||  Kalaymyo ah Baibal sianginn a kai mi Salai Steven Cin Lam Khai (kum 25) cu SAC ralkap nih an tlaih hnu ah an thah, tiah chungkhar he naihniam nih an chim.  Salai Steven cu February 12 ah Baibal sianginn a phak lo caah an kawl i, Kalaymyo General Hospital ah a ruak a phan tiah an thanh hna. “February 10 le 11, nihnih chung Sianginn in lengchuahnak nawl (Out Pass) an pek. Asinain, February 12 ah sianginn ah a rak phan lo. Chungkhar an pehtlaih tik ah inn zong a um lo an ti i, kan kawl. Kan hmuh lo tikah sizung kan chawnh. Nihin zinglei ah an rak laak cang mi ruak pakhat a um tiah sizung nih a kan ti i, hmanthlak a kan hmuhsak tik ah

amah cu a si ko,” tiah Baibal sianginn cachimtu pakhat nih Zalen ah a chim.  Salai Steven ruak hi SAC ralkap nih sizung in an rak laak i chungkhar theihternak um lo in mei in an rak khangh.  Salai Steven i a chungkhar le naihniam pawl zong a ruak hmanthlak tibantuk online ah tar lo ding in SAC ralkap nih an tlerhkhawnh hna.  SAC ralkap nih Salai Steven hi motorcycle accident a tong tiah chungkhar an chimh hna nain a ruak hmanthlak ah tukvelhnak ruang ah a duk mi hmaneh pawl an um len.  Salai Steven ruak an khanghnak i tlawmpal a taang mi vutcaam cu February 13 ah khan chungkhar nih an laak, tiah theih a si.

Breaking News February 15, 2024, tuzing ah Hakha khuathar GTI chak, pengkomh meithat zung hrawngah SAC ralkap nih aa chokvak mi an tlaih pah hna tiah thawng kan theih. Hakha a um mi vialte umkal le lengchuah i ralring cio ding a si lai. Khuathar lei ah Mino cheukhat cu an check hna an tlaih ti cu kan fiang lo tiah minung pakhat nihcun a chim ve.  Thawngpang tlamtling deuh in tar khawh than (update) khawh kan i zuam lai. Rak share cio ulaw.

AA Nih SAC Ralbawi Lieutenant Colonel Le Brigadier General Pa An Tlaih Hna || 15 February 2024 Rakhine ramkulh chung kahdohnak ah Sah Kah Khah 9 kuttang Lieutenant Colonel Ngi Ngi Win le Brigadier General Zaw Min Tun cu AA nih an tlaih hna i Colonel Min Min Tun le Lieutenant Colonel Ba Ngia Paing Soe cu kahdohnak ah an thi. Brigadier General Zin Myo Shwe zong a tlau, tiah AA nih an thanh.  A luancia January 16 ah Kyauktaw khuapi kahdohnak ah Lieutenant Colonel Ngi Ngi Win cu a lu le a ṭaang ah hliamhma a rak pu i a rak thi deng nain AA nih an thlop caah

nung dam in a um ṭhan, tiah theih a si. February 7 le 8 Kyauktaw peng Apaukwa khua pawng kahdohnak ah Sah Kah Khah 9 kuttang Division Command, Brigadier General Zaw Min Tun zong AA nih an tlaih. February 7 ah Myo Oo khuapi hrambunh Division 11 uktu Colonel Min Min Tun zong AA nih an rak tlaih i 2023 December zarhhnihnak ah Paletwa peng Hnungbo sakhan um Lieutenant Colonel Ba Ngia Paing Soe cu AA nih an rak thah. Paletwa hrambunh ralhmai kal mi SAC ralkap sakhan ah Division Command rank a tlai mi Brigadier General Zin Myo Shwe zong a tlau i, AA a umnak an hngal kho rih lo.

Rangoon Ah Sang Pakhat In Mino 20 Nan Chuahpi Lai Tiah SAC Nih Nawl A Pek Hna, Mino Tampi An Tlaihchap Hna, Kum Tlinglo Zong An I Tel The Chin Post || 14 February 2024 Rangoon ramṭhen Thanlyin peng ah February 12 thawk khan SAC ralkap, palik le uktu hna nih inn khat ah mino pakhat nan chuak hrimhrim lai tiah hramhram in mino tam ngai an tlaih hna i SAC ralkap sakhan ah an chiah hna. An tlaih mi hna chung ah

kum tlinglo zong an i tel tiah theih a si. Mino cheukhat cu an duh lo caah “Nangmah na rat lo ahcun na nu kan kalpi lai” tiah an hrocer hna tiah tlaih a tong mi chungkhar in nu pakhat nih a chim. Cu lawng si loin Rangoon ramṭhen chung i sang/veng pakhat in mino 20 nan chuahpi hna lai tiah sang uktu hna cu SAC nih nawl an pek hna, tiah theih a si. Khit Thit Media