Zoh nuam tuk lai: Laipa UFC Fighter Joshua Van le Brazil pa Bunes an i phomh cang lai ee

Thawngpangthar: Brazil Ram Ah Aa Thong Dingmi UFC Chin Fighter Joshua Van. January 11 | 2024 Chin fighter Joshua Van (The Fearless) cu a ra laimi January 14, Pathian ni zing UFC Match ngeih dingmi ah Brazil ram mi Felipe Bunes he an i thong lai tiah theih a si. Chin fighter Joshua Van hi UFC a luh thok in match 2 aa thong cang a voi 2 ning tein

teinak a hmu mi a si. Joshua Van caah a tu aa thongh dingmi hi a puai 3 naak ding a si lai. Joshua Van he aa tong dingmi Brazil ram mi Felipe Bunes hi Flyweight Division ah puai 19 aa thong i voi 13 teinak hmu in voi 6 a sungmi a si.

CNA ralbawi Salai Tluangte: Hriamtlai phu ciocio hmanh ahhin CNF/A hi.  Kan nih CNF/A hi phu dang tluk in ral ngei hlah u sihlaw kan Chinland pi hi cu zalennak a hmu hmasa cem cu a si ko lai dah tiah ka ruah.  Zei ruang ahdah hitin ka chim ngam, “Hmun dang dang hriamtlai phu, hmundang tlangcung hriamtlai phu hna khi zoh hmanh uh. An nih cu an lung aa rual lawng si loin an i upat hna. Zeintindah hi Khuapau dothlennak hi kan tei lai i, zeidah zapi i bawm in hi uknak tha lo hi a hram kan bongh lai,” timi lawng an ruah.  Huiha, kan nih Chinland chung belte ahhin cun,

“Kei hi zei bawi dah an ka tlaihter lai, zei bawi dah kaa cuh lai ti lawng te kan ruah dih cio hna,”. Kan tlangtar ah kal usih law, CNF/A le a hawikom pawl an ral a tam ning hun zoh hna sih. 1. Kan unau Zo lei kal ah SAC ralhraang lawng si lo ZRA. ZRA lawng si lo Meitei tapung an um rih. 2. Thlanglei Laitlang kan kal a si cun, kanmah dotu, raldoh a bawm duh lo tu phu an um lawng si lo, AA an um rih.  3. Laitlang a laifang deuh kan kal than a si zong ah, kanmah he raldoh a duh lomi phu lawng si loin AA tiang an um rih. Chim duhmi cu

hitluk ral tam tuk ko bu i hitluk hlawhtlinnak kan hmuh mi hi i lawmh i, Pathian a thangthat ding tu kan si hna lo maw?  Neih lo bu tein ral kan doh i khuapi khua thum bak mino pasaltha hna nunnak in an thlen.  Chim duh bikmi cu, ral voikhat kan tuk ahhin ral pakhat lawng kan tu lo. Ral pakhat lawng hi hmun khat te ah tu hna u sihlaw kan Chinland a za a hei len lai ning le a hei nuamh tuk lai ning hi mu.  Atu nak hmanh in kan thawng chinchin lai. Kan thawn chinchin khawh nakhnga mizapi nan herh deuhdeuh fawn.

Zokhua Region Council Office Nih Zokhua Peng Chung Ah Saṭil Luhpi Lo Dingin Thawng Thanh | 11 January 2024 Chinram, Hakha pengkomh Zokhua hmunram chung ah saṭil luhpi lo dingin Zokhua Region Council Office nih mizapi sin theihternak an tuah. Zokhua Region Council Office nih an langhter ning ah saṭil zawtnak a chuak i mizapi nih sungh zawtlaknak tampi an ton caah 2024 January 11 thawk in

Zokhua hmunram chung ah mizei hmanh nih saṭil nan luhpi hrimhrim lai lo, tiah an thanh. Zokhua hmunram chung ah saṭil a luhpi mi hna cu hmuhnak paoh in kirter an si lai i a kir duh lomi hna cu an saṭil chuh in dohthlennak ca ah hman a si lai, tiah Zokhua Region Council Office nih January 10 ah an langhter. Atu kar hrawng hi Hakha khuachung ah vok zawtnak a thar in

a chuak ṭhan i vok a thimi zong an tam pah ngai. A hlankan in zawtkham sii chunh khawh ahcun a ṭha. Asinain zawtkham sii chunh paoh ah vok zawmi paoh an dam dih hlei lo, tiah saram siibawi pakhat nih The Chin Post ah a chim. Hakha khuachung ah vok zawt tlangrai a tlun ṭhan caah puai tuah, chunthah le rawlhrawmnak tuah aa timmi hna cu an har ngai i, vok ngan deuh a zua mi hna zong nih duh paoh in an zuar kho ti lo, tiah theih a si.