A tam taktak: LAI IDOL hlasak zuamnak ah teinak a hmu mi pathum cu phaisa hi zat bak hi pek an si

Mizoram, Lai Autonomous District chung Lawngtlai khuapi ah tuahmi LAI IDOL result cu a tanglei bantuk in an si.  (Season-II laksawng co tu hna kan langhter)  1. Rebek Lallawmzual, South Vanlaiphai 2. Betty Biak Tin Sung, Sialam 3. Zionpar Hlichal, Sangau-IV LAI IDOL LAKSAWNG 1st Prize : Rs. 300,000/-, 2nd Prize : Rs. 200,000/-, le

3rd Prize : Rs. 100,000/-  le a dangdang laksawng pek chih an si. Lai Idol a hmumi hna hi an vantthat tuknak cu Ramdang ah khuatlawn ter an si lai. Cu kong pehtlai in Chintube nih cun “Lai Idol Pakhatnak, Pahnihnak le Pathumnak hna hi tuanah Passport tuah khaw a si ah cun, kumvui ah hin Foreign Tour an ngei te lai” a langhter.

Lailenpi Khuapi Ah A Hlan Bantukin Mipi I Ukhruainak Thawk Ṭhan A Si Cang. 26 November 2023 Chin ramkulh, Matupi peng, Lailenpi khuapi cu Chin ralkap ṭangṭi phu nih an laak i hmunram thianhfelnak an ngeih hnu ah tualchung mi hna cu khuachung ah an lut ṭhan cang i a hlan bantukin mipi i ukhruainak an thawk ṭhan cang, tiah CDF-Mara in ṭuanvo ngeitu nih Burma VJ ah a chim. A luancia November 19 thawk in SAC ralkap le Chin ralkap phu kar kahdohnak fak a chuah ruangah

Lailenpi tualchung mi hna cu a naih deuhnak khuate le India ramri ah an zaam hna. CDF-Mara nih hmunram thianhfelnak an ngeih dih hnu ah tualchung mi hna cu an auh ṭhan hna i mipi i ukhruainak cu a hlan bantukin an thawk ṭhan cang, tiah theih a si. A luancia October 3 ah Mara-ram caan karlak ukhruaitu phu (Interim Maraland Council) cu rak dirh a si cang. Chin ramkulh, Falam peng, Rihkhawdar khuapi SAC ralkap sakhan zong Chin ralkap ṭangṭi phu nih an laak khawh hnu in mipi i ukhruainak cu a hlan bantukin an kalpi khawh cang, tiah theih a si.

Falam Khuapi chung ummi hna mizapi theihternak: November 26, 2023  Falam khuapi chung hrambunh SAC Ralhrang Kha-Lah -Yah – 268 hna cu Falam khuapi chung hmun 5 hrawng ah I tthentthek i, a thli tein Tikawng, Tii inn chung tibantuk ah an riak tiah Falam khuachung ummi pakkhat nih a chim. Cutin Ralhrang hna cu

zingkhuan in mizapi an thawh hlan ah an Bag an i phurh tawn i, Vankau tlang SAC Ralhrang Camp ah an kai tthan tawn tiah kan theih. Cu ruang ah Falam mipi hna zong nan umkal tthuttonak cio ah ralring tein um cio uh tiah kan theihterh hna. Falam khuachung VanKau lei ah kan hnu zarh ahkhan CNDF le SAC Ralhrang kahdohnak a rak chuak i, Ralhrang nih CNDF pakhat hliam a tuarmi an rak tlaih bal tiah theih a si.

A poi tuk ee. Laimi tampi umnak Kalaymyo peng ah SAC Ralhrang Ruangah Chinmi pakhat Mual a liam .Kalay ralhrang hna nih an kah mi Miakpi bomb cu  November 25, zinglam nazi 9 hrawngah khan Pyidawta khua ah a tla i, Pi Lian Daih Chin ( kum 40) a a khen caah hmun ah a thi colh tiah kan theih Hi Bomb khen ruang ah

nunnak a liammi a fanu Man Ngaih Man ( kum 7) zong hliam a tuar tiah an theih. Kalaymyo ralhrang nihan kahmi Miakpi Bomb ruang ah Vaphai khua zong ah inn 4 a rawk i, Chin Synod PCM Quarter zong a rawkmi ah ai telchih tiah theih a si. Nunnak a liam mi hna chungkhar kan in ngaihchiat pi hna.

MNDAA nih SAC ralkap camp 171 an lak cang. Shan ram chaklei ah a um mi SAC ralkap camp 170 renglo MNDAA nih kan lak khawh cang tiah MNDAA media The Kokang nih a langhter. November 24 ni zing arkhuang sml 5:30am hrawng ah ttungshan hmunram ah a um mi SAC ralkap camp 2 hna cu MNDAA nih an van nam hna cah kaphnih kahdohnak a chuak. cu hnu sml 8:25 hrang camp cu tlamtling tein an lak khawh tiah an langhter. Cun sml 10:20am hrawng ah Shine Ta Ain tlang cungah aum mi camp zong hriamngan in

an va kah hna, cu hnu sml 2:40pm ah Ke ralkap nih an va luh hnawh tthan hna i zaanlei sml 3:16pm ah hlawktling tak in an lak khawh tthan. Hi camp hi Laukkaing peng chung ah SAC ralkap nih a hnubik an sungh mi camp a si. Cucaah atu cu MNDAA ralkap pawl cu Laukkaing khuapi lak kahdohnak tuah ding in timhtuahnak an ngei cang tiah theih a si. November 24 ni ah khan Hung Sin hmunram ah aum mi SAC ralkap camp pakhat zong Drone in

an va kah hmasa hnu ah Ke in an luh hnawh tthan i kaphnih kahdohnak fak ngaiin a chuak. Cu kahdohnak ahcun SAC ralkap minung 2 an thi, hliam a tuar mi an tam. Cun 60mm bomb meithal 2, 84mm miakpi pakhat, Sehmeithalpi 2, Rifles 3, Pistol 1, bomb phunphun le kuan dor le cheng bak MNDAA nih cun an lak. November 23 ni kahdohnak zongah MNDAA nih cun hriamnam tor bak an lak fawn. Operation 1027 an thok hnu in MNDAA nih SAC ralkap camp 171 an lak khawh cang tiah an langhter.