Lawmhpi cio hna usih: Salai Lungthli Tum nih Chin Star Van Mal Nei le Par Tin Tlem cu iPhone Pro Max pakhat veve bak a cawkpiak hna ee

Salai Lungthli Tum nih Chin Star hlasak zuamnak ah pakhatnak Van Mal Nei le pahnihnak Par Tin Tlem cu Iphone chuar thar bak a cawkpiak veve hna. Cu kong ah a tialmi cu “Chin STAR Season (1) cu nan dihlak thazang peknak thawng in kan lim kho. Round 1nak an sak zaan ah ‘kasining dihlak pek in ka kawlmi arfi’ tiah min ka rak pekmi Van Mal Nei nih judge mark he STAR Vote he sang bik ngah in

winner laksawng ‘sui arfi’ a kan co piak. Kai lunghmuih hringhran, nan i lunghmuih tuk cio ve lai ka zumh. Tlemtlem zong winner a si lo nain Chin arfi ceu a si ve cang. Kum 15 lawng asi rih i a caah caan tha tam tuk a um rih ko. Tuni kha pumh dih ah Chin arfi pahnih hna caah ting 46 man iPhone Pro Max pakhat veve ka va cawk piak hna. Hmailei an lamthluan caah tuanvo tampi ka ngei rih, thazaang rak pe rih lengmang hram u law” tiah a tialmi cu a si.

Karenni Ramkulh Loikaw Peng Demoso Nantmekhun Le Nansankhan Um SAC Ralkap Sakhan 7 An Lak. November 11, 2023 — Karenni ramkulh Loikaw, Demoso, Nantmekhun le Nansankhan um SAC ralkap sakhan 7 cu mipi ralkap pawl nih November 11 zing ah an lak tiah unau hawikom phu 3 nih thawngthanhnak an tuah. November 11 zing 6:30am ah kahdohnak an thawk i, operation 1027 tangrual bu in kahnak an tuah. KNDF le unau hawikom phu komh in

Karenni-Kaya khuapi Loikaw pawngkam um SAC sakhan hna an va kah hna. Nihin kahnak ah Loikaw, Demoso, Nantmekhun le Nansankhan lei kap ah umhmun khuar mi SAC sakhan 7 an lak khawh i hmundang um SAC ralkap sakhan pawl lak thluahmah ding in kahdohnak kan tuah peng lai tiah chaklei unau hawikom phu 3 nih thawngthanhnak ah an langhter chih tiah Khit Thit sin in theih a si.

Vawleicng Minthang bik I tthuatnak ah aa tel khomi kan Laipa Joshua Van cu tuzing ahkhan American ram New York khualipi ah Peru ram mi pa he an I phomh I, kan laipa nih nih theihnak a co tiah kan theih.Salai Joshua Van Nih Teinak A Hmuh. Ning cu uar a um taktak nizan November 12 | 2023 Joshua Van le

Kevin Borjas cu Round thum an i ṭhuat hnu ah Laipa Joshua van nih unanimous decision (UD) in teinak a co. Joshua Van hi UFC ah voi hnih aa ṭhua cang i, a voi hnih ning in teinak a hmuh cucaah kan Chin miphun nih kan lawmhpi tuk hringhran. Congratulations

Laung Lon Peng Kahdohnak Ah SAC Ralhrang 15 Naak Tlawmlo An Thi, Mipi Ralkap 1 Nunnak Liam. 11 | 2023 Tanintharyi ramṭhen, Laung Lon peng chung kahdohnak ah SAC ralhrang 15 renglo an thi, mipi ralkap 1 nunnak a liam, tiah Laung Lon peng PDF chungin ṭuanvo ngeitu pakhat nih Yangon Khit Thit ah a chim. November 9, zing suimilaam 9:00 tluk ah Laung Lon peng, Pyingyi khua um phungki sianginn ah rallamsial in a rami SAC ralhrang thazaang 60 tluk cu

Kayingyi khua, Phungki sianginn luhnak pawng an phak ah mipi ralkap luhhnawh in an kah hna, ralhrang 15 renglo an thi tiah theih a si. Kahdohnak in mipi ralkap hnu an kir hnu ah, an hnu in rak dawitu hna SAC ralhrang cu mipi ralkap bomb hmenhmi nih a puahhnawh hna caah hliamtuar an tam, mipi ralkap minung 1 nunnak liam bomb 79 le Pistol 1 a tlau tiah an langhter. Kahdohnak ah aa telmi mipi ralkap phufonh hna cu, Ba Htoo column (LLPDF/DGRF-ṭetkhuai 4/ YPPDF) le Laung Lon peng PDF-LLPD ṭangṭi phufonh hna ansi, tiah an langhter.

Mindat Khuapi Pawng Khuate Hna Cu SAC Ralhrang Nih Duhpaoh In Hriamngan An Kah.November 11 | 2023 2023, November 11 ah Chin ramkulh, Mindat khuapi pawng, Khuate hna le Mindat-Matupi lampi lei cu SAC ralhrang nih 274 battalion SAC nu pawl cu 120 MM hriamngan kah training an pek hna i voi 10 renglo duhpaoh in an kah, tiah theih a si. “Mindat khua pawngkam khuate pawl cu duhpaoh in an kah hna. Zeiruang ah an kah hna timi cu

theih a si lo. Cu hlan zong ah atu bantuk in an kah leng mang. Thinlung lei damlonak a ngeimi hna le mizaw pawl caah cun a ṭha lo ngaingai. Zan ah hriamngan puak thawng kan theih ahcun kan i hngilh kho ti lo” tiah Mindat khuapi tualchung mi pakhat nih a chim. SAC ralhrang nih atu bantuk in duhpaoh in an kahmi hriamngan ruang ah nunnak liammi, hliamhma tuarmi le innlo rawk mi kong ah thawngfiang kan theikho rih lo. Duhpaoh in

hriamngan an kah lengmang ruang ah innlo rawkmi zong a tam cang i, mipi nunnak liammi zong an tlawm ti lo, tiah a chim chap. Mindat peng ah SAC ralhrang nih November thla chung ah cunglei le hriamngan pawl duhpaoh in an kah mi ruang ah mipi inn 18, biaknak lei he aa pehtlaimi inn 6 le sianginn 2 a rawk, tiah theih a si.