Lawmhpi cio hna usih: Chin Star hlasak zuamnak ah Par Tin Tlem nih “1st Runner Up” bak a hmuh ee
Atang ah Video a um lai: Atu lio Chin Star hlasaknak ah Chin miphun thin lung a la taktak tu hna cu Par Tin tlem le Van Mal Nei hna hi an si.Tuchun ah Salai Lungthli Tum nih a tuah mi Chin Star hlasak zuamnak cu an thawk tthan cang. Tuchun ah tuahmi hi Grand Final zuamnak a si i cu ahcun Salai Lungthli Tum nih a chimmi cu
Chin Star ah pakhatnak pahnihnak le pathumnak kan thanhmi hi a hohmanh thleidannak a um lo Biakhiatu Judges hna le Vote in a tling bik timi ah an sining cio in pakhatnak pahnihnak pek an si ko tiah theih a si. Tuchun ah Final cu an phuan i pakhatnak a hmuh te theo lai tiah zumhmi Par Tin Tlem nih 1st Runner Up bak a hmuh tiah theih asi/Trophy aa dawh taktakmi le kyatsphaisa 5000000 bak a hmuh tiah kan theih lawmhpi cio hna usih.
Thaizing November 11 ah Chin fighter Joshua Van cu UFC ah aa ṭhua ve lai. Joshua kong hi cu kan rak ṭial pah cang. Chinmi chung in miphun dang lakah level sangpi UFC tiang lente aa celh kho mi an tam lo. MMA ah cun Ṭial Cung Thang le Joshua Van lawng an si rih. Thaizing hi Joshua Van ca ah
ni sunglawi pakhat a si bantuk in Chinmi ca zong ah ni sunglawi ngai a si. Joshua Van hi a voihnihnakai thuat si lai I, pakhat deuh pa hi Joshua Van nak in a tungsang deuh I a ngan zong a ngan deuh a si nain thaizing ah ai tei le tei lo cu a fiang lai. Atang lei ah zeitik an I velh lai timi hmanthlak in kan langhter.
CDF – Hualngoram Nih Non-CDM Vialte Cu November 30 Hlanah CDM Tuah Dih Ding In Thawng An thanh Hna. 11 November 2023 Chinland Defence Force – Hualngoram le Hualngoram CDM Department nih November 10 ah Non CDM hna kong ah biachahnak an ngeihmi kong he pehtlai in thawngthanhnak an tuah i Non-CDM vialte cu November 30 tiang CDM tuah dingin caan an pek hna. “CDM a tuah rih lomi Non-CDM aho paoh nih
kan phanh laimi November 30 tiang ah an rianṭuan liomi an chuahtaknak ca cu CDF – Hualngoram le Hualngoram CDM Department sin ah an rak pek khawh. Caan onhmi chung ah a pe duh lomi cu Hualngoram chung ah um le luh kham an si lai. Rian tlaih liomi chuahtak ṭung lo in Hualngoram chung ah khuasa in
a lutchuakmi cu CDF – Hualngoram le HCD nih dantatnak a pek hna lai,” tiah CDF – Hualngoram le HCD nih an biachahmi cu an langhter. A luancia October thla hramthawk lio zong ah ṭha tein CDM tuahmi hna kong he pehtlai in Mizoram, Champhai um CDM a tuahmi hna sin ah thawngthanhnak an rak tuah bal cang.
Kanbalu Nichuahlei Kahdohnak Ah SAC Ralkap 100 Hrawng An Thi. 10 Nov 2023 Sagaing ramṭhen, Kanbalu peng nichuahlei ah rallam a sialmi SAC ralkap cu tualchung hriamtlai phu nih an kah hna i, kahdohnak ah SAC ralkap 100 hrawng an thih pinah hriamnam tampi kan laakpiak hna, tiah Infinity Group in ṭuanvo ngeitu pakhat nih Khit Thit Media ah a chim. Nihin November 10 zinglei ah SAC ralkap le pyusawhti 300 hrawng cu PDF nih lamhruang in
an kah hna, tiah theih a si. “SAC lei in ralkap 100 hrawng an thi. Rallam a sialmi hi ralkap le pyusawhti 300 hrawng an phan. Kawlin khuapi cu PDF kuttang i a um cang caah ralkap thazaang tampi in rallam an sialnak hi a si,” tiah Infinity Group in ṭuanvo ngeitu pakhat nih cun a chim. SAC ralkap le pyusawhti hi November 7 ah Chatthin hmunram in Kutaungbu lei ah rallam an rak sial. Nihin November 10 zinglei suimilam 5:00 hrawng in rallam a sialmi SAC ralkap le
pyusawhti cu kan kah hna i zing suimilam 10:00 hrawng ah kahdohnak a dai. SAC lei in ralkap a thimi leng ah a zaammi zong an tampi, tiah Infinity Group in ṭuanvo ngeitu nih cun a chim.Hi kong he pehtlai in NUG runvennak zung nih cun, Kanbalu peng Ahlelkhon khua nitlak chaklei kahdohnak ah SAC ralkap 80 leng hrawng an thih pinah 20 hrawng hliamhma an pu. PDF ṭangṭi phu nih meithal zun 59 le zen-kuan tampi an laak, tiah an thanh.