(Video+) Laipa UFC Fighter Joshua Van cu i tthuat ding in ai ready tuk cang timi Video in a vun i langhter colh

Atang ah Video a um: Joshua Van Timhcia A Si Cang. 10 Nov 2023 Joshua Van cu UFC 295 ah i ṭhua ding in timhcia a si cang. UFC Flyweight division i ṭhua ding hin rihzan ah 125 lbs si a hau i cucu tlamtling tein a tlinh cang. An i ṭhuat caan hi a ra lai mi November 11, Asia lei ca ah cun November 12(zarhpini) zingka teah a si lai. Atutan hi vawleicung boxing thonghnak stadium vialte lakah

a min thang bik mi Madison Square Garden, New York khuapi ah aa ṭhua lai. Joshua hi UFC ah voihnihnak a ṭhuatnak ding a si i, a luancia June 24 ah voikhat a rak i ṭhua cang. A voikhat i ṭhuatnak ah Kazakhstan fighter Zhalgas Zhumagulov cu a rak tei. Atutan hi Peru fighter Kevin Borjas he an i ṭhua lai. Kevin Borjas he hin a luancia August 8, Dana White Contender Series ah i ṭhua ding an si nain UFC lei nih Joshua cu an auh caah an rak i phomh kho lo.

Tulio Laimi mizapi thinlung a la bakmi Lai Idol le Chin Star hlasak zuamnak ah winner ding ah zumh veve mi an si. Rebek Lallawmzuali hi Lai Idol ah winner zumh mi a si i Par Tin Tlem hi Chin Star ah winner zumh mi a si ve.  Anmah pahnih nih an I zuamnak ciocio ah teinak an hmuh ah cun

a dik bak mi a si lai. An aw a ttha, an mui ai dawh hlasak an thiam tuk fawn. Culawng si loh an aw zong a sang tuk hringhran. An pahnih in an thiam bak veve Cu si ahcun an mah pahnih hi phomh hna sehlaw ho dah thiam deuh hnga? An pahnihbak I zuamnak tuah piak kho hna sihlaw a Ho dah na uar deuh? Ho nih dah tei hnga??? Comment ah rak langhter ve te

Kokang ram chung Thanlwin hlei MNDAA nih an lakKokang ram chung ah a um mi Thanlwin tivapi cung Hlei a hngak tu SAC ralkap hna cu MNDAA nih an va tthio dih hna tiah theih a si. Kokang peng Yankhanh khua zaw ah a um mi Thanlwin hlei pi cu November 6 ni ah khan MNDAA le ahawile nih cun hriamngan in heh tiah an kah hmasa hna. Pehzulh in an kah hna caah a thaizing November 7 ni ah SAC ralkap pawl cu an tthio dih hna i Hlei cu MNDAA nih

an congh cang tiah an langhter. Meter 100 a sau mi Hlei hi kum 2005 lio ah ralkap kuttang ah an rak donh i, SAC ralkap nih an hngah peng mi Hlei a si. Kahdohnak ah SAC ralkap minung 2 an thi, pakhat an tlaih i ralkap zei maw zat cu mah le himnak ruat in tong zaam in an zaam hna tiah theih a si. MNDAA nih cun Yankhanh khua nichuah lei kam ah a um mi SAC ralkap camp pawl cu November 8 ni zaan khan an kah thluahmah cang hna tiah theih a si.

Zarhpi Ni Zinglei Ah Ramdang Pawl He Aa Thong Ding UFC Fighter Joshua Van le One fighter hlun Tial Thang. 2023 November 10 — Atu zarh November 12, Zarhpi ni zinglei ah Chin Fighter pahnih a si mi Joshua Van le Tial Thang hna cu ramdang minung pawl he an i thong ṭhan cang lai. Joshua Van hi UFC 295 prelim tang ah a voihnih puai cu Peru miphun Kevin Borjas he an i thong lai i Tial Thang zong ALL IN COMAT 4 ah American miphun Chris Ocon he

Batam Weight Championship taisawmh an i cuh lai. Joshua Van hi kum 22 lawng a si rih i Professional puai 9 chung ah puai 8 teinak a hmu cang i atu an i thongh ding mi Kevin Borjas hi kum 25 a si i puai 10 chung ah puai 9 a awng. An pahnih cu New York khua MADISON SQUARE GARDEN ah kawlram caan zinglei sml 6:00am hrawng ah an i thong lai. Kum 30 a si mi Tial Thang hi Professional puai 11 aa chung ah puai 7 a awng, puai 3 a sung i puai 1 a rawk. Amah he aa thong ding

Chris Ocon hi kum 27 a si i puai 10 chung ah puai 7 a awng ve. Annih pahnih hi ALL IN COMBAT promotion i a voikhatnak bik taisawmh i cuhnak puai a si lai i Kawlram caan 10:00am hrawng ah an i thong ve lai. ALL IN COMBAT Batam Weight Champion i cuhnak puai cu America ram Castine Center In Pelican Park ah an tuah lai.

Kawlin Khuapi Laak Kahdohnak Ah SAC 50 Hrawng An Thi I 21 An Tlaih Hna, PDF 3 Nunnak A Liam.November 10 | 2023 Sagaing ramṭhen, Kawlin pengkomh, Kawlin khuapi laak kahdohnak ah SAC ralhrang chungtel 50 hrawng an thi pinah 21 tlaihkhih an si i mipi ralkap chungtel 3 nih ram le miphun caah an nunnak an pek, tiah No.1 hmunram mipi ralkap nih phungningte in thawng an thanh. 2023, November 3, zing suimilam 4:00 tluk in Kawllin khuapi laak kahdohnak cu

an thok i November 5, zan suimilam 7:00 tluk ah an laak khawh pinah SAC ralhrang meithel zuun 69, Jammer 4, kuan tampi, hriamthil dang hna le ralthuam pawl zong kan laak chih khawh, tiah an langhter. Kawlin khuapi laak ni 3 chung kahdohnak ah SAC ralhrang nih raltuknak vanlawng le Mi-35 helicopter hmang in cunglei kahdohnak voi 49 tiang a tuah, tiah a langhter chih. “SAC ralhrang nih atu bantuk in cunglei kahdohnak a tuah mi ruang ah tualchung mi 10 naak tlawm lo an nunnak a liam” tiah Kawlin Revolution -KR nih a chim ve. Kawlin khuapi ah

SAC ralhrang Khah-mah-yiah 369 in Lt. Col Thet Pine Myint hruaimi thazaang 57 nih umhmun an khuarnak siangsangrun, SAC ralhrang Khah-mah-yiah 111, 120 in Lt. Col. Thein Zaw Lin hruaimi thazaang 40 hrawng nih umhmun an khuarnak penguk zung le palik bawi (Deputy Police) Than Lwin hruaimi palik thazaang 66 nih umhmun an khuarnak palik sakhan, Shwe Nwe Phyo lakphakti dawr le tlanglawng dinhnak hmun hna ah umhmun an khuarnak pawl cu mipi ralkap ṭangṭi phu hna nih an laak khawh dih cang i, atu cu an humhak ding cang, tiah an langhter chih.