Salai Lung thli Tum nih Chin Star winner ding Par Tin Tlem kong a vun chim mi cu a fiang taktak

Salai Lung thli Tum nih mahtin ca a tial colh: Par Tin Tlem video edit kong ah. Hmanthlak le video kan tar hlan ah zapi mit ah zoh i dawh deuh hna seh tiin an arsik, an hmape, background colour le an chambau nak tete khi kan edit piak tawn hna. Interview video siseh, Ngwesaung kalnak video, vocal class video vialte ah bia an chim palhnak vialte kan phiat, biadawh an chim nak lawngte kan tar. Ngwesaung kan kalnak group hmanthlak ah Van Mal Nei angki ai rem lonak te a um, cucu kan hmuh le cangka in

kan edit piak colh. Zapi hmai ah zoh dawh hna seh ti kan duh caah asi. Zahan video 4 kan tar, video he pehtlaih in vote pek zong a um bak lo. Judge nih mark an pek cang. Mipi lungthin laknak caah kan tarmi te khi a si. An dihlak an video kha zoh dawh deuh ding ah kan edit piak dih hna, an mui he ai tlak ding background colour tiang edit piak dih an si. Par Tin Tlem zong hlabia a philhnak kha zoh i dawh deuh seh tiin

kan phiat piak ve. Cucu, rumro in ‘amah nan tanh hlei, nan fair lo’ tiah thih ngamh in cheukhat an buai hoi hna. Herh lo tiang khin kan buai tawn. Vote caah si loin mipi lungthin laknak ding caah kan tar ahcun an i dawhnak le an thiamnak zawn kha tar piak a herh, an palhnak tar piak ahcun anmah mualphoh a lo hnga. Laimi kan lungput hi cu

a rak ngakchia deuh hrim ko, i zumh lonak le lunghrinh nak lungput lawngte kan khat. Kan i remh ding a tam tuk rih tinak a si. A hman te chim ko ahcun, Chinmi lakah pengtlang tanh hlei lungthin a ngei lo bikmi minung thim sisehlaw kei hi winner trophy 8(Messi a ngah zat) bak ka co cang hnga

Christmas Le Kum Thar Cu Biakinn Chung Lawng Ah Tuah Ding In HCMF Nih Mizapi Sinah Theihternak An Tuah 10 Nov 2023 Tu kum 2023 Christmas le 2024 Kum thar cu khuacaan le thawngpang ruangah mahle siarem ningin tuah si loin Biakinn ah pumhnak he hlunghlai tein tuah cio si ko seh, tiah November 9 ah Hakha Christian Ministers Fellowship(HCMF) EC nih cathanh an chuah. HCMF EC nih caan har ruangah Christmas le Kum Thar kan tuah khawh lonak kum 3 a si cang. Tu kum zong

khuacaan le thawngpang ruangah Christmas le Kum Thar cu mah le siarem ningin tuah si loin Biakinn ah pumhnak he hlunghlai tein tuah cio ding in mizapi sinah theihternak an tuah. A leng lei ah sathah in Christmas le Kum thar hman lo ding, Biakinn chumtual zong ṭamh lo ding. Biakinn hmai singboard le Biakinn chung lawng ṭamh dingin HCMF EC nih an cathanh ah cun an langhter. Cu pinah mahle inn cio zong ṭamhnak tuah lo ding in le lam zong ah

zeihmanh ṭamhnak tuah lo ding in theihternak an tuah. Biakinn chung ah Christmas le Kum thar tuah dingin HCMF nih timhtuahnak an ngeihnak a ruang cu atu lio thil kan tonmi hi faak piin kan ruah caah a si tiin HCMF Chairman Rev. Nawl Cung Lian Le Secretary Rev. Dr. Stephen Lian Hup Ling an minthut he cathanh an chuah.