Winner a fiang lai: Salai Lung thli Tum nih Chin Star hlasak zuamnak pakhatnak hmu ding cu mahtin a phuan cang

Salai Lung Thli Tum nih a chimmi cu Chin STAR Season (1) ‘Grand Final’ cu kan phan taktak ko cang. Nov 11(Zarhteni), zinglei 11AM ah a hmun ah nan rak kan zoh ve nak hnga, Chinmi dihlak kan in sawm ko hna. Luhman le ticket zuar a um lai lo, free a si lai.  Winner thimnak ding vote 5% zong a hmun a rami hna nih pek a si te lai. Na tanpimi winner laksawng ‘sui arfi’ trophy a ngah khawh nak hnga, a hmun ah

vote rak pe ve aw. Grand Final ကတော့ Nov 11, မနက် 11AM မှာကျင်းပမှာဖြစ်ပြီး ကိုယ်တိုင်လာရောက်အားပေးဖို့ အမျိုးတို့အားလုံးကို ဖိတ်ခေါ်ပါတယ်။ ဝင်ကြေးလည်း လုံးဝမရှိပါဘူးနော်။ထိုနေ့ကြရင် နေရာမှာကိုယ်တိုင်လာအားပေးတဲ့အမျိုးတွေက winner ရွေးဖို့ vote 5% ကို ပေးပိုင်ခွင့်ရရှိမှာဖြစ်ပါတယ်။ Mah post hi share tuah law winner ding ai tlak tiah na ruahmi a min le aruang kha tial chih ve te aw. Mah Facebook vote hi 5% vote rel a si. Like 20 cung a ngahmi cu point 10 pek a si lai.

Paletwa Peng, Sami Khua Kahdohnak Ah SAC Ralhrang 4 An Thi, Nutung 1 Hliam A Tuar. November  5 | 2023 Chin ramkulh, Paletwa peng Sami khuachung ah kahdohnak a chuak i SAC ralhrang 4 an thi pinah 1 hliamhma a pu, thla 5 tluk nausem a ngeimi tualchung mi nu 1 zong meithal hliamhma a tuar ve, tiah theih a si. “2023, November 4, zing suimilam 1:00 tluk ah Sami khua Bawa sang ah gate a hngaktu SAC ralhrang pawl cu an ṭin lei ah Chin National Army (CNA) nih an kah hna i

ralhrang 4 an thi pinah a dang 1 hliam a pu” tiah CNA he naihniam in a ummi pakhat nih a chim. Tualchung mi pakhat nih “Cu kahdohnak ahcun Bawa sang chung ummi thla 5 tluk nausem a ngeimi tualchung mi nu 1 cu meithal nih a khen caah hliam a tuar i Paletwa sii-inn ah an kalpi” tiah Zalen ah a chim. Sami sii-inn ah

siibawi an um lo i meithal hliam a tuarmi Daw Aye Moe Twe (kum 30) cu a hliam a faak ngai caah zanlei suimilam 4:00 tluk ahkhan Paletwa sii-inn ah an kalpi, tiah theih a si. Aluan ciami September 16, zan suimilam 8:00 tluk ah lakphak dawr ah a ṭhumi Sami khua um palik bawi pakhat cu Chin National Army (CNA) nih an rak tlaih, tiah theih chih a si.

Letpanchaung Khua Hriamngam Tlaknak In Nu 2 An Nunnak Liam, 2 Hliam An Tuar. Sikpar 5 | 2023. Kalaymyo peng, Letpanchaung khua ah November 4, zan suimilam 7:00 tluk ah hriamngan a tla i, a puak caah nu 2 an nunnak a liam i, a dang 2 nih hliam an tuar, tiah kan theih. Atu bantuk in hriamngan tlaknak a chuakmi ruang ah

lam cung um kum 54 nu 1 cu hmakhatte ah a nunnak liam i kum 26 nu pakhat zong a hliamhma a faaktuk caah minute tlawmpal a rauh hnu ah a nunnak a liam ve. Cu pinah pa 1 le nu 1 nih hliamhma an tuar, tiah Zalen nih a langhter. Minhla khua zong ah hriamngan a tla i, a puak caah kum 14 pa ngakchia 1 nih a baan ah hliamhma a tuar, tiah a langhter chih.