Salai Lung Thli Tum nih Chin Star hlasak zuamnak pakhatnak hmu ding Mai Van Mal Nei kong cu ti bak in a phuan cang

Chin Star hlasak zuamnak ah Falam nungak Van Mal Nei nih pakhatnak a laak ding a fiang tuk cang. Tuzan ah Salai Lungthli Tuk nih a tialmi “STAR Vote voi 2 kan lim cang. Van Mal Nei tanpitu an thazaang a thawn ning khuaruahhar a si, voi 2 ning tein mark tam bik a ngah. Tutiang mark sang bik a si.  Voikhat nak ah mark 10 ning in a ngah, voi 2nak zong ah

mark 10(full) a ngah rih. Mark tam bik changtu Par Tin Tlem hi voi 1nak ah mark 5.5 a ngah, voi 2nak ah mark 9 a ngah ve. Van Mal Nei nih mark 6 hrawng in a thlau rih tinak a si.  Thaizing hi mark tlawm bik 2 an tla lai. Minung 4 hi a donghnak grand final an phan te lai. Aho dah winner a si te lai nan zumh?” tiah a tialmi a si.

Khampat Khuapi Ah SAC Ralhrang Nih Cunglei In Bomb A Thlak. November 3 | 2023 Sagaing ramṭhen, Tamu peng, Khampat khua cu November 3, zan suimilam 7:00 tluk ah SAC ralhrang nih raltuknak vanlawng in bomb lunghnih a thlak, tiah kan theih. “Zan suimilam 6:50 ah voi 1, suimilam 6:59 ah voi 1 tiin vio 2 tiang bomb a rak thlak i nunnak liammi, hliam tuarmi le thilri a rawk mi kongah thawng fiang kan thei rih lo. Bomb puahkeh thawng cu a thang taktak. Kannih cu khuapi chung ah kan taang i kan i thup ko. Vanlawng thawng le hriamngan puahkeh thawng zong kan theih i atu tiang a dai rih lo” tiah tualchung mi pakhat nih

Zalen ah a chim. KIA, CNDF, PDF, ABSDF ṭangṭi phu hna nih November 3, deilei sang ah No.(1) sang ah ummi palik sakhan le Wi-tote khua SAC ralhrang sakhan hna cu an kah i an laak khawh, tiah kan theih. CNDF Falam ralkap pakhat nih “Khampat khua ralhrang sakhan cu nihin zing suimilam 4:30 tluk ah kah hram kan thok i zaan ah vanlawng in bomb a rak thlak. SAC ralhrang lei an faak ngaingai ti ah kan theih. Palik sakhan cu zinglei ah kan laak khawh i SAC ralhrang sakhan cu

zanlei sang ah kan lut kho nain khua a muih caah hnulei kan pil ṭhan. Thih duh lo ahcun chuah i zaam lawng a taang cang” tiah a chim. Cu pinah Khampat khua SAC ralhrang sakhan pi cu laak ding in an kahdoh lio ah SAC ralhrang nih atu bantuk in cunglei le hriamngan pawl in an kah hi a si, tiah tualchung mi hna nih an chim. Khampat khuapi No.(1) sang um tualchung mi hna cu an dihlak nawn in a himnak hmun an zaam hna i No.(2) sang zong ah ngakchia hna le kum upa hna zong a himnak hmun ah an zaam ve hna, tiah tualchung mi hna nih an chim.

Israel nih Gaza khuapi kan kulh cang tiah an thanh. Israel le Hamas buainak cu suimilam tlawmpal chung te zong a dai kho rih lo, Israel ralkap hna nih cun Hamas target tampi cu Fighter Jet le Miakpi in heh tiah a kah peng ko rih, cun Hamas zong nih Gaza ah a lut mi Israel ralkap pawl ral fir in an rak kah ve hna. Cu hlei ah Hamas unau pa Hezbollah zong nih atu le tu in Israel ah rocket a thlah ve lengmang ko rih. Hezollah ralhrang hruaitu Hassan Nasrallah nih cun dai tein kan um kho te lai lo tiah a chim. Hamas pawl hi an tthawng tuk rih ko, kanmah bawmh hrim an herh rih lo tiah a chim. Asinain Hezbollah nih cun

Lebanon ramri um mi Israel khua hna ah atu le tu in rocket a kah lengmang cang i Isreal zong nih Fighter Jet le Miakpi in lehrulhnak a tuah lengmang cang. Cucaah Hezbollah ralkap minung 50 renglo an thi ve cang tiah an langhter. Gaza in Israel ram ah ai hlawhfa mi ming a thong renglo Gaza ah an tlunter dih cang hna. Hi hna pawl nih hin Israel ram ah i hlawh in Gaza ah a um mi Hamas pawl caah phaisa an thawh caah a tu bantuk in an rian in an phuah dih hna hnu ah Gaza ah

an tlunter hna nak hi a si.  Israel Defense Force hruaitu lubik nih cun Gaza khuapi chungah a um mi Sizung caah Chiti luhpi khawh a si lai tiah a chim. Asinain Prime Minister office nih cu bantuk hrimhrim a ngah lo tiah an langhter ve. Gaza Sizung ah an hman mi Chiti (diesel) a dih hrat ahcun Sizung hman ding bak ah Chiti cu luhter a si te lai tiah IDF chief Lt. Gen. Herzi Halevi nih cun reporters hna sin ah a chim. Hamas nih an tlaih mi America ram mi sinak ngeitu minung 74 hna cu

an thlah hna i tuchun ah Egypt an phan hna tiah an langhter. Gaza ah US rammi minung 400 hrawng an i hreng ve tiah Washington post nih cun a langhter. Israel ralkap minung 3 an thi chap tiah tuchun ah IDF nih an langhter. Hamas nih October 7 ni in Israel a doh hnu a tlawmbik in Israel ralkap minung 335 an thi cang, Hamas ralkap minung 2000 dengmang an thi cang lai tiah an langhter chap.Crd: Chanthar Media

Ngaihchiat Pinak: A poi tuk hringhran ee. Nizan ahkhan Hakha khua ah a ummi Pu Thio Ling (Samuel Pa) nih Nov. 2, 2020 zing suimilam 11:30 ah Pathian sinah a kan dinhtak tiah theih a si. A damlonak hi  Thin lei dam lonak in inn le sizung ah an thlop nain dam lei panh ti lo in atu bantuk in a kan liam tak hi a si.  Atu bantuk in

ruah lo tuk a kan liamtaak tik ah ngaih a chia. Tantaakmi chungkhar Bawipa nih in hnem ko hna sehlaw. A tanglei ah a hmanung bik Pu Thio Ling Ruak cung caan hman kan langhter.