Salai Lungthli Tum nih “Chin Star” hlasak zuamnak ah Sui Arpi in sermi Trophy pek ning konga phuan colh cang
Trophy ah benh awk sui arfi kan ser. Tuni cu Chin STAR winner nih a ngah dingmi trophy cawk ah ka kal. A man fak bikmi ka hal hna i tingkhat tang lawngte an si. Anonimous te pawl hlasak an i zuamnak SO phu nih winner an pek dingmi trophy zong 60,000 man hrawng lawng a si, MMA Trophy ah an tuah ve i. Tutan kan pek dingmi trophy hi an nunchung an i uanpi peng dingmi a si fawn i tingkhat man luala pek ding cu ka sia rem bak lo. Man ngei deuh seh tiah Zwe Htet suidawr ah
zaan lei kha sui in arfi(trophy ah benh awk) ka va tuahter chap hna, sui hi 1.8 kyat-ta hrawng a dih lai an ti. A man in cun ting 50 hrawng a dih te lai, deposit caah ting 5 ka pek tak hna. Chin STAR winner nih ting 200 a co lai hlei ah ting 50 man sui arfi trophy a co chap te lai tinak a si. Aho nih dah sui arfi cu a ngah te hnga? Comment le share ah na tanpimi contestant a min rak tial chih te aw.
Myaing Peng Ah A Rak Lut Mi SAC Ralkap Pawl Kahdohnak Ah SAC Ralkap Lei 9 An Thi. 2023 October 20 — Magway ramṭhen, Yesagyo peng ah a rak lut mi SAC ralkap le mipi hriamtlai phu pawl karlak ah kahdohnak a chuak i SAC ralkap 9 an thi tiah MSPDF nih thawng an thanh. October 12 ah Yesagyo khua in tilawng aa rak cit mi thazang 90 hrawng SAC ralkap pawl cu
zaanlei sml 5:00pm hrawng ah Sinhlawng le Ngape khua karlak ah dothlennak phu pawl nih an kah hna i minutes 45 hrawng kahdohnak a chuak. Cun SAC ralkap pawl Zikyun khua an kalnak lam ah MSPDF nih bomrap lung 5 an puah hnawh chap hna. October 13 zinglei sml 10:45am hrawng ah Zikyun in Ngape lei ah a kal mi thazang 70 hrawng SAC ralkap pawl cu
PDF phu pawl nih timhcia tein an rak kah hna i minutes 45 tluk kahdohnak a chuak. Kahdohnak chung ah Fixed Wing Drone in bom lung 4 an thlak hna tiah theih a si. Cu ni zaanlei zong Yesagyo in a rak ra mi SAC ralkap pawl cu Nanunkai khua thlaan pawng ah voi 2, Tanatkone khua thlanglei ah voi 2 tiah bom lung 4 an thlak hnawh hna.
Sarlin peng Ngahlaingtwin Ah A Ummi SAC Ralhrang Sakhan luhhnawh In Ankah 2 An Thi. Oct 20 | 2023 Magway ramṭhen, Sarlin peng Ngahlaingtwin khua Yenanmaw ah a ummi SAC ralhrang sakhan mipi hriamtlai phu nih luhhnawh in ankah caah 2 an thi tiah Myin-Bo peng battalion 1 chungin ṭuanvo ngeitu pakhat nih Yangon Khit Thit ah a chim. October 18, zing suimilam 9:00 tluk khan Sarlin peng Ngahlaingtwin khua Yenanmaw ah a ummi SAC ralhrang thazaang 50 tluk sakhan cu mipi hriamtlaiphu nih luhhnawh in
ankah tiah theih asi. Kahdohnak hmun ah SAC ralhrang lei 2 an thi midang 7 nih hliamfak an tuar minung tampi sakhan chuahtaak in anzaam. Kahdohnak ah aa telmi mipi hriamtlai phufonh hna cu Myin-Bo peng battalion 1 le Sarlin PDF hna ansi hliamhma zeihmanh tuar loin hnu lei an kir kho ṭhan tiah an langhter.
Chaung-U Ah Din Ei Ding Ngeih Ti Lo Ruangah Banluang A La Mi SAC Ralhrang Palik 2 An Kah Thah Hna Meithal 2 An Lak Oct 19 | 2023 Sagaing ramṭhen, Chaung-U peng Kinmuntaw khua ah SAC ralhrang Palik 2 din-ei ding an ngeih tilo ruangah Banluang ala mi hna cu mipi hriamtlaiphu PDF nih ankah thah hna tiah Monywa Truth Information Group official nih yangon Khit Thit ah an chim. October 19, zingka khan
Chaung-U peng Kinmuntaw khua ah SAC ralhrang Palik Htun Kyaw Sua le Aung San Myint hna cu din-ei awk an chambaunak ruang i Banluang anlak lio ah PDF nih an kahthah hna an kut chungin G-3 meithal 2 anlak chih tiah theih asi. Chaung-U peng ah rallamsialin SAC ralhrang le palik hna hi Pyusawhti khua ah an rak lut tawn i khuapi chungah din-ei awk cawk dingin an chuak ngamlo a ruang cu Chaung-U khua chung hmunhma tam deuh cu PDF nih an uk cang caah asi tiah an chim.