Chin Star Winner ding cu a fiang tuk cang; Lautu nungak Mai Aye Myint Kyi nih pakhatnak a laak lai kan langhter
Mai Aye Myint Kyi Hi Chin Star A Si Kho. Tulio Chin Star hlasak zuamnak i Aye Myint Kyi hi zoh lengmang tikah Winner a si kho. Winner siding ah hin aw rumro lawng a si lo i hlasakthiam, Aw, Mui le sam, hnipuan hrukaih thiam, umtuning thiam, zuamnak ngei, lungthin pek le Judges, mipi upat thiam timi tiang aa tel dih. Hi vialte Aye Myint Kyi nih
a tlinh dih. Cun a ler lo. Uar a um khunnak cu ititer a hmang lo. A nunning le a sining tak a si lomi ititernak le bia i chim thiamter thulh timi zong a ngei lo. A nunning ai thleng thulh lo. Lem a cang thulh lo. A sining tein bak in a nung. Lar duhnak lungthin zong a mithmai ah a um lo. A biachim holhrel duh nunning duh a nung tuk. A aw zong hi
ngai tikah Aye Myint Kyi a si lai tiah theih khawh colh a si. Amah hi zuamnak lungthin a ngei. Lautu ram zongah Lautu Idol a si cang mi asi. Cun Gospel singer pakhat zong a si fawn. A umtu hoiher hi duh a nung tuk. Cucaah a lamkip in zoh dih tikah amah hi Winner si khawh a si. Crd; Chin Mirror
Lawmhpi cio hna usih. Kan Laipa tthawng a simi Uk Ling Thang nih tutan Europe ram komh vial te um Lai mi paih bual an tuahnak ah Salai Uk Ling Thang Mualcin nih bual a va co” tiah theih a si. Congratulations Salai Uk Ling Thang hi Indianapolis paih tuah nak ah Zatlang he singkhaw he kemh in voihnih bual a co bal” Cun Dallas zong ah
zatlang he singkhaw he kemh in bual a co bal” Lai mi lak ah zatlang he singkhaw he kemh in voi 3 tiang bual a co bal mi an um rih lo, Bual a co mi vial te voi 15 hrawng asi cang lai.tiah theih a si.
2023.Oct.8 Laimi tampi umnak Kalaymyo peng Lai khua Angteng khua ah SAC Ralhrang nih kan Laipa pakhat cu an kah thah. Kalay – Gangaw mawtaw lam kar ah aummi kan LAIMI Khualsim phun an tambiknak Angteng khuachung ah kan laipa Pu Uk Mawi cu SAC Ralhrang hna nih October 6 ahkhan alu ah meithal in an kah tiah theih a si. October 6 ah Angteng khua pawng hrawng ah a ummi SAC Ralhrang hna nih Pu Uk Mawi cu tihaang vun kan pe tiah an auh I, cu mehhaang pek a va kal hnu ahcun
Pu Uk Mawi cu a hung kir ti lo tiah an chim. SAC Ralhrang hna an Camp pawng ah Pu Uk Mawi ruak cu char a si. Pu Uk Mawi hi Kum 50 hrawng a si I, a ruak a char tu hna nih an hmuh ning ahcun alu ah meithal in kah a si an zumh. SAC Ralhrang hna hi Angteng khua pawng Kabani hlei pawng ah hmun an khuar I an hoatu zong hi Angteng khua ah a lutchuak lenmang tiah an chim.
Hamas-Israel Kahdonak A Fak, Kaphnih A Thi Mi An Tam. October 7, nirukni zinglei ah Palestine ram i ralhrangphu a si mi Hamas nih Israel cu rocket missile a thong leng in an kah i Israel zong nih lehrulh kahnak a tuah colh ve caah kahdohnak a fak chin lengmang. Hamas nih an kahnak ruangah Israel rammi a thi mi 300 renglo an si cang i hliam a tuar mi a thong an tling. Cu bantukin
Israel nih lehrulh kahnak a tuah mi ruangah Palestine rammi 230 leng an thi i 1,600 renglo hliam an tuar ve tiah Palestine ngandamnak lei nih an thanh. Hamas ralkap hna cu Israel ramchung hmun 20 hrawngah an lut i Israel rammi cheukhat an tlaih hna tiah theih a si. Hamas nih Judah biaknak caah ulhni (Sabbath ni) theng ah Israel a kah i mipi tampi an thih mi kongah
US President telh in ram hruaitu tampi nih Hamas le Palestine cozah mawhchiatnak bia an chim. Hamas nih an kah lecangka in Israel PM Benjamin Netanyahu lakhruak meṭing a auh colh i “Ral kan tho cang, ral chung ah kan um cang” tiah vawleipi theih in a chim. Cu lioah Iran cozah nih cun Hamas thiltuah mi kong ah conglawmhnak bia a chim i mipi zeimawzat zong nih lamzawh in an lungtlinnak an langhter ve.