Salai Lungthli Tum nih Phaisa Ting Thong tampi dih bak in “Myanmar Star’ hlasak zuamnak tuah a timh mi a thanh colh
Nan theih cio bangin a tu hi Salai Lung Thli Tum nih biatak tein kan Chin mino hna le kan Myanmar mino pawl hlasak thiam an min a langh cchinchin khawh nakhnga Hlasak le aw zai lei biatak tein zuamnak cu tuah thluahmah a timh cang. Tu hi Chin Star hlasak zuamnak hmanh a dih rih lo nain MYANMAR STAR hlasak zuamnak a tuah dingmi kong min pek khawh a si nak le laksawng zat cu a van langhter tthan. Atu Myanmar Star ah
ai zuam dingmi hna cu kum 25 tang an si lai, Kawl hla le mirang hla sak khawh a si. Music lo bak in nan sakmi hla kha Myanmar Star page inbox ah kuat khawh a si cang. Cun hlasak aa zuam khomi hna cu Myanmar ram chung a ummi lawng an si lai i, Pakhatnak laksawng ah MMK KYATS Ting thongkhat 1000000000 bak a si lai. Cun pahnihnak cu Tingzathum le pathumnak cu Ting 200 an si lai tiah a langhter. atanglei ah thawngfiang dothlatnak phone number a taar chih. 09880004742 / 09777414110.
Mindat Lei Panh In SAC Ralkap Motor A Rak Kai Mi Khamnak Caah Hlei An Puah. October 5, 2023 — Magwe ramṭhen, Pakokku hrambunh LIB 101 hnulei ah a um mi, Chinramkulh, Mindat le Matupi ah riakcaw a phor mi motor 70 hrawng khamnak caah Pakokkku –Pauk peng karlak Ongtaw hlei cu an puah tiah theih a si. Mah hlei hi September 30 le October 3 ah voihnih an puah cang tiah tualchung mipi ralkap nih an chim. SAC ralkap 300 hrawng le riakcaw a phortu motor cu September 28 ah Pakokku in
an rak i thawh hi a si. Lampi ah kham a ton caah zarhkhat chung cu Pauk peng ah aa tang rih. Magwe hrambunh mipi ralkap he kahdohnak a chuak. SAC ralkap nih Pakokku-Pauk-Kyaukhtu-Mindat lampi hmang in Chin ramkulh thlanglei ah ralkap thazang a chap ṭhan lengmang. 2023 June 21 ah Pakokku in a rak chuak mi SAC ralkap mawṭaw 9 cu ralkap 100 hrawng nih himnak an lakpiak i Mindat-Kyaukhtu lei an panh caah cuka lamcung mipi hna nih ralrinnak ṭha tein rak ngei uh tiah CDF-Mindat nih
an rak thanh. June 21 ah cu SAC ralkap pawl cu phu 3 ṭhen in Kyaukhtu hmunhma chung ah an lut i lam kehlei le orhlei ah hriamngan an thlah thlorh, meithal an puah thlorh i hmai an fong thluahmah caah CDF phu hna nih cuka hmunhma khuami hna kha umkalnak tuah rih lo ding in ralrinnak an rak pek hna. May 2022, Mindat-Matupi ah
hriamnam, meithal, kuan, zen le riakcaw phortu motor runpi he an rak kai lio ah atu Ongtaw hlei cu bom in an hrawh bal cang tiah The Mindat Post sin in theih a si. Photo/ Credit- the mindatpost- SAC ralkap motor run cu Yapia Ongtaw hlei nikum hmanthlak a si.
Zualko a poi tuk ee. RIP, Sui Cin Nu Pi Hmet Par nih a kan thih taak ee. Khrihfabu i ka nu cem pakhat a si mi pi Hmet Par ( Sui Cin Nu) nih US ah mual ka kan liam tak ti kan theih i, kan ngaih a chia tuk hringhran. Tleicia an pa Pu Than Cung (Sui Cin Pa) he an nun chung vialte Khrihfabu le Pathian rian caah a rak i hmang mi an si hna. Thaizing, 6 October 2023; Cawnninga zanlei sml. 2:00 ah Believers Church, Sanmyo biakinn ah service hman a si ve lai tiah Pu Bawi Tei Cung nih amah timeline in a kan thanh. Tantak mi chungkhar le khrihfabu Pathian nih hnem ko hna seh. 5 October 2023. Thawng Tha Thang.
Mizoram Vanlawng Bual Ah Myanmar Rammi Nu Pakhat Sinin Rupees Sing 3000 Leng Man Rithaisii An Tlaih! 5 Oct 2023 Mizoram, Lengpui vanlawng bual ah Myanmar rammi nu pakhat cu 10 kg leng a ritmi, Rupees sing 3000 leng man Methamphetamine (Crystal Meth) he palik nih October 3 ah an tlaih, tiah theih a si. Rithaisii cu Myanmar ram in
Kala ram lei ah kalpi ding in timhtuahmi a si i, Myanmar ram mi Lalremthangi(kum 38) nih a thilri chiahnak suitcase chung ah rithaisii hi a chiah. Suitcase hi Indigo X-Ray seh nih a zoh lio ah lunghrinh a si i, palik nih checkhlatnak an tuah hnu ah Mizoram Police ANTF(Anti-Narcotics Task Force) nih an tlaih. Ritsi ngeitu zong tlaih ve colh a si i, ND&PS Act le Foreigner Act in taza cuai a si. Atutan rithaisi an tlaihmi hi tukum Mizoram chung rithaisi an tlaihmi lak ah voikhat i a tam bik an tlaih tan a si. Photo : Zalên News