Hlasatu pawl Siaherhnak. Lai Idol asiah, Chin Star asiah hlasak thiam pakhat a simi nih cun hlasak zuamnak hmun pakhat ah

Hlasatu pawl Siaherhnak. Lai Idol asiah, Chin Star asiah hlasak thiam pakhat a simi nih cun hlasak zuamnak hmun pakhat ah nai zuam ṭi hawi pa/nu nih a sak ciami sak hi cu a sa hnu deuh mi biatak tein nan ruah a hau. Hihi a si awk a si lo. Asa hmasatu pumpak na zuamcawh bantuk a si hlei ah hlasak thiam pakhat nih cun cu bantuk cu

a tuah awk a si lo. Hla dang nai thim ding a si. Tuachunhnak ṭuanvo ngeitu hna nih hla pakhat an in zuamter hna ahcun phun dang a si. Khawika hlasak zuamnak le Idol pical international khi va zoh hmanh u. Hmun pakhat ah ai zuam mi nih an hawile an sak cia mi sak timi a um bal lo. Cucaah hlasak thiam pakhat nih cun hla tampi thiam i zuam hrimrhim u. Hla zong a aw, a nuar, a rang, Rock, country, slow gogo ti bantuk zong style pakhat ah hla 5 tal cu thiam i zuam u. Hla tampi a phunphun thiam i zuam cio ulaw

na hawi nu/hawipa a sak cia mi kha sak i tim ti hlah u law ti hi keimah pumpak in kan duh piak tuk hna bia a si. Catialtu pumpak siaehrhnak a si. I zuam chin u. Kan miphun cawisangtu nan si. Chinmi Pathian nih hlasak thiam le music tum thiam tampi a kan pek. Lawmh a um hringhran. CrdL Chin Mirror

Kalaymyo Peng Lai Miphun Ah Nunkhua Sau, Pi Za Cuai Kum 103 (Thantlang Peng, Farrawn Khua) September 30, 2023 —  Pi Za Cuai-Kum 103 (Lungum phun-Thantlang peng, Farrawn khua) hi a chuahpi unau 5 lak ah a hniang cem a si. A dang unau chuahpi 4 cu an thi cang i, amah pakhat lawng nihin September, 2023 kum tiang a nungdam rih mi a si. Pi Za Cuai le a pasal Pu Ceih Ling (Tleicia-Cinzah phun) Thantlang Farrawn khua, he fanu 3 le fapa 7 an dihlak fa 10 an ngeih hna. A fale a nundam lio mi ah

nu 2 le pa 3 tiah an dihlak fa 5 an nungdam lio mi an si. Pi Za Cuai (Lungum phun) cu 1983 kum ah Thantlang peng Farrawn khua in Kalaymyo peng ah a rak pem. Pi Za Cuai nih a hrin mi a tu fale dihlak ah fa 10, tu 42, tuchin 87 le fapar 14 cu a nundam lio ah Pathian nih tuchin fapar tiang thluachuah a pek. Amah hi mirang chan,

Japan chan a rak thei manh mi Kalay-Kabaw Lai miphun ah nunkhua sau tar pakhat a si. Nihin September 30, 2023 kum tiang ah Pi Za Cuai cu a fanu Pi Tial Chin & Pu Joseph (tleicia) Thawng Hu Nu, Kalaymyo, Sanmyo sang 6 a inn ah nundgam tein a um lio a si. Pehtlaikhawhnak- Kalaymyo, Phone 0942123981