Tha pe cio usih: Tuzan Laimi “Lai Idol” hlasak zuamnak an thawk cang lai Second Round a kaimi min list kan langhter

Tuzan September 27 zan thawk in Lai Idol Second round an thawk tthan cang lai. Tutan ah teinak a hmu mi hna mi minung 65 chung ah minung 35 te lawng an taang cang. adang cu an tla dih cang hna. Tuzan hlasa dingmi hna hi minung 11 an si chung lai tiah theih a si i, tutan teinak a hmu mi hna cu Top 25 chung ah an lut kho te

lai tiah theih a si. Atutan Lai Idol hi Mizoram LAWNGTLAI DISTRICT Laimi hna nih Laiholh le Laica an thiam khawh chinchin nakding ah biatak tein Lai Hla dirkamhtu Bu nih an tuahmi a si i, khuachak lei nih tuahmi si lo Mizoram Laimi nih an tuahmi a si. Atang lei ah ahhin Lai Idol second round teinak a hmumi hmanthlak hna le tuzan hla sa tu ding an min pawl kan van langhter.  Lai Idol cu Chintube facebook page ah Live an thlahmi zoh khawh si lai cun youtube ah KT Vision ah Live an thlah lai.

CNDF-Falam ralkap an zaam tuk cang tiah theih a si. Ahlan ah ralkap an rak nei ngai nain atu cu an zaam tuk caah minung 100 lawng an tang cang caah Salai Peter Thangcuanga nih amahtihin mipi sin ah zaangfahnawlnak Video a van langhter. Falam ralkap (CNDF) pawcawmpiak ding in CNO nih mipi sin ah bawmh halnak a tuah. Cu a tuahmi cu

a tanglei bangin an si. CNDF-falam nih Rawl-ei lio ah bia an chimmi cu  1. Kannih cu mipi pekmi ti le rawl eimi kan si ruangah kan nunnak pekin kan mipi kan rian ding. 2. Kannih cu mipi pekmi ti le rawl eimi kan si ruangah kanmah ih hlawknak le diklonak ah hmang loin duhdawt zangfahnak thawn kan mipi kan rian ding. 3. Kannih cu mipi pekmi ti le rawl eimi kan si ruangah kan mipi parah thih tiang rinumten kan rian ding tiah a chim. CNDF hi an ralkap an zaam tuk tiah theih a si. cucaah bawmh halnak an tuah hi a si.

Shwegu Peng Ah Kahdohnak Voi 3 A Chuak, Ralkap 9 An Thi | 2023 September 27 — Kachin ram, Shwegu peng ah SAC ralkap le Myohla PDF hna karlak ah kahdohnak voi 3 a chuak i ralkap 9 an thi tiah Myohla PDF nih an thawng an thanh. September 20 ah Shwegu tilawng dinhnak in SAC ralkap riahcaw a phor mi tilawng 6 cu Banmaw lei an kai lio ah himnak lak piak ding in SAC ralkap Brigade 88 kuttang LIB 121, LIB 10, LIB 77 hna nih Tinbawin khua ah hmunhma an khuar. Cu ni zaanlei ah

ralkap riahcaw phor tilawng pawl himnak caah tilawng 2 in LIB 10 le LIB 77 in thazang 46 hrawng SAC ralkap cu Sindat khua lei ah an ṭum, LIB 121 in thazang 67 hrawng tilawng 1 cu Tinbawin khua in Naungmo lei an kai lio ah Myohla K-PDF nih an kah hna i kahdohnak aa thawk hi a si. Kahdohnak chung ah SAC ralkap tilawng pawl ṭha tein an khen hna caah tilawng pakhat a pil i a thi mi ralkap, hriam le hliam a tuar mi pawl kha ti chung in an chanh hna. September 21 zinglei sml 7:20am ah

Irrawaddy tiva kam ah a rak phan mi SAC ralkap LIB 121 Battalion le Myohla PDF hna karlak ah kahdohnak a chuak ṭhan i ralkap 9 an thi, Platoon Leader telh in ralkap 11 an i hliam. Cu ni zinglei sml 8:40am ah LIB 121 le Myohla PDF hna karlak ah a voi 3 nak kahdohnak a chuak i hliam a tuar mi ralkap pawl kha phungki sianginn ah an kalpi hna tiah theih a si.