A tluk bak lo: Esther Dawt Chin Sung nih Benjamin Sum cu a tluk bak lonak a ruang pawl kan langhter

Hlasakthiam Benjamin Sum nih Esther Dawt Chin Sung cu a tei tuk a ruang cu Esther Dawt Chin Sung cu Chin Miphun hmaihngaltertu a rak si bal nain amah duhthimnak ruang ah soisel a tong. Ruahlopi in Min Aung Hliang nih ram a buaiter tikah Benjamin Sum cu Mizapi duhnak lei lam aa thim. Mizapi sinah lam a zawh ve. A au ve. Cucaah, Mizoram ah a zam i, a zamnak Mizoram, India ram in

Chin miphun caah a cawlcaang. Miharsa le Chin ralkap hna caah  Fundraising a tuah. Miphunpi nih kan tuarnak aa hrawm. Asinain Myanmar Idol, Esther DCS cu Myanmar ram ah um aa thim. Ralkap tang ah khuasak in, Kawl nih hlasak an auhnak kip ah a kal aa thim. Amah pumpak business lei lam panh in, sawmtu sin paoh ah a kal. Kawl miphun nih uar ding in

Kawl nu bantuk in aa thuam. Kawlholh lawngte in a holh, Laiholh a philh. Cucaah, nihin ah soisel a ton hi amah duhthimnak te a si. Tanhtu le dawtu nih phetchem le silhnalh piak len a hau lo. Mah duhthimnak cung ah zei paoh aa hngat mi a si. Min Aung Hliang zong hla fung 3 a sakpiak.

Saw PDF Nih CDF-Kanpetlet Chungtel 2 An Velh Hna, Fak Ngai In An I Hliam. 2023 September 26 — Chinland Defense Force – Kanpetlet chungtel 2 cu Saw PDF B03 nih anmah le anmah theih lo tiang in an velh hna caah an i thlop lio tiah theih a si.”Thil sining a fiang in theih a si lo. Zaan ah an velh hna. An dirhmun hi a fiang lo. A fak ngai in an tuar i sizung ah an kalpi hna” tiah a chim. A luancia September 23 zaan sml 7:00pm hrawng ah Saw peng in Kanpetlet khua lei an kir lio lampi ah an velh hna hi

a si tiah CDF-Kanpetlet chimphuannak nawl ngeitu nih The 74 Media ah a chim. Cubantuk in an velh hna ruang ah CDF-Kanpetlet chungtel 2 an lu kuai i fak ngai in an i hliam caah atutiang an i thlop lio a si tiah a chim. Saw PDF le CDF-Kanpetlet hi hawikomhnak a ngei mi an si caah zeiruang dah atu bantuk in an velh hna ti cu a fiang in theih a si rih lo tiah a chim. “Anmah lei nih biaruahnak zong an rak kan tuah lo. Zeiruang ah an velh hna ti cu theih a si lo. Anmah phu he hawikom kan si” tiah a chim chap. Cu kong he pehtlai in

Saw-PDF B03 cu The 74 Media nih an chawnh ko hna nain an pehtlai kho hna lo tiah a langhter. Magway ramṭhen, Yaw hmunhma, Saw peng hi Chin ramkulh thlanglei, Kanpetlet peng he aa pehtlai i Saw khua le Kanpetlet hi meng 12 hrawng aa hlat. Saw-PDF chungtel pawl nih Saw-Kanpetlet lam a umkal mi mipi pawl kha atu le atu an velh tawn hna tiah khuami hna nih The 74 Media ah an chim. Cu lam ah Saw-PDF nih Kanpetlet mipi pawl le CDF chungtel pawl velhnak hi voi 10 nak tlawm lo a cang tiah Kanpetlet Voice nih a langhter.Crd: The Chinland Post

Atu Hnu Lawng Ah CDM Nan Tuah Ahcun Dantatnak Sing 5 Liam A Herh Tiah Tedim Mipi Uknak Phu CDF Zoland Nih An Thanh 2023 September 26 — Chin ramkulh, Tedim peng ah a um mi SAC kuttang zung pawl in Non CDM rianṭuantu pawl nih atu hnu lawng ah mipi he fonh in CDM nan tuah ahcun dantatnak 500,000MMK liam lawng ah

cohlan a si lai tiah Tedim peng mipi uknak phu le PDF Zoland nih September 23 ah thawng an thanh. SAC kuttang ah rian a ṭuan mi Non CDM tam deuh hi CDM a tuah mi pawl aiawh ah rian an ṭuan i a rannak in rian chuahtak ding le CDM a tuah mi hna nih dantatnak phaisa liam lawng ah cohlan a si lai tiah an ṭial. Cun Non CDM pawl nih dothlennak cawlcanghnak pawl

hnahnawhnak pek lo ding tiah an thanh fawn. NUG cozah zong nih atu hnu lawng in CDM a tuah mi pawl le ahlan tein CDM a tuah cang mi pawl hi an dirhmun aa khat kho lai lo tiah a chim ve. SAC kuttang hriamtlai pawl nih hriam he CDM an tuah ahcun sing 50 cung laksawng pek a si lai i himnak hmun ah kuat a si lai tiah an thanh. Hramhram in uknak lak a si hnu ah Tedim peng cozah rianṭuantu 80% hrawng hi CDM an tuah tiah an langhter.