Mipi Ralkap Pasaltha Thatha Kan Ram Kan Miphun Caah Nun Nak Liam An Tlawm Ti Lo

Cung lei ral tuk nak vanlong in bomb tlak kah nak ruangah KNDF pasaltha pakhat a nun nak a liam an ralkap chung tel pakhat nih cun a nih hi hmailei ah hruaitu upa kan ram caah thil lian thil tha tuah kho tu ding ah kan I zoh tlak ngai ngai mi mitha mifim cathiam pakhat asi tiah a chim.

Demoso nitlak lei kah doh nak ah ralhmai ton ding in an kal an I tim nak hmun an phan hlan deuh ah hmaiton in khat le khat kah doh nak a chuak kawl ralhrang lei thi le hliam tuar mi an tam ruangah kawl ralhrang nih cun ral tuk nak vanlongin bomb an rak tlak.

Liam fak ngai a tuar caah hnu kirpi in hmunpi lei kan pan pi lio ah a nun nak a liam tiah a chim a ruak cu upat nak he vui liam a si cang kawl ralhrang lei thi le hliam tuar mi theih an si lo thi le hliam tuar an tam an milut zat theih khawh an si lo tiah a chim.

2 June 2023: Tuchun cu thawngpang chia lawngte kan theih tthan ee. Tuzing thawk in khan Hakha khuhsilobo in SAC Ralhrang hna nih Timit lei le Lungkhar lei cu biatak tein 120mm Miakpi in an kah thluahmah tiah theih a si i, CNA ralbawi minung pakhat a nunnak a liam e tiah theih a si.

Hakha ummi pakhat nih a chimmi cu Tuchun Hakha khua in Lungkhar lei an hei kah mi cu vokhat an kah ahhin a aw hi voi thum hna ai thei, voidang Ralhrang miakpi he ai lo ti lo a turu taktak khi a si. ram khat le ram khat an i do rua ti tluk khin tuchun Miakpi an kah cu a aw ai phundang khun, an kah mi bomb a tamtuk tiah a chim.

Tuchun atunai te ah a thi mi CNA kan ralbawi pa hi a min ah Salai Naang Sho a si i, amah hi CNA ah an bochan taktakmi a si lawng si loin amah hi Kanpetlet peng a si tiah kan theih. Ralhrang nihhin Timit lei laak khawh in Thantlang khua ah luh i Thantlang peng dihlak cul in inn khangh dih an timh caah hi tluk nunnak pek ngam in kan Pasaltha hna nih Timit lei ah ral an kham hi a si cucaah biatak tein thazaang chuah cio kan hau.