Thawngpangthar: Kan Pasaltha hna nih SAC Ralhrang Motor bomb an puahhnawh, Ralhrang hi zat an thi

Dawei Peng SAC Ralkap Motor Bomb Puahhnawhnak Ah Ralkap 10 An Thi The Chin Post 2 June 2023 Tanintharyi ramṭhen, Dawei peng ah SAC ralkap motor bomb puahhnawhnak ah SAC ralkap 10 an thi, tiah Dawei PDF in ṭuanvo ngeitu pakhat nih Khit Thit Media ah a chim. May 31 zanlei suimilam 4:55 ah Dawei peng Kalingaung in

Yephyu lei ah a kalmi SAC ralkap motor 4 le Honda Fit motor 1 cu bomb lung 30 in PDF nih an puahhnawh hna. Bomb an puahhnawh hna hnu in kahdohnak minutes 15 hrawng a chuak. Motor mawngtu pakhat le motor pakhat cu meithal kuan nih a khen hna caah motor cu a taap. Hliamhma pumi hna cu Hijet motor 3 le Emergency motor 2 nih

an laak hna, tiah Khit Thit Media nih a ṭial. Tualchung mi hna nih hliamhma pumi SAC ralkap pawl cu motor in an laak hna i, 407 Battalion lei ah an kalpi hna. Kahdohnak hmun pawngkam vialte cu sentari an cawngh dih. Hnakye khua lei a kalmi pa pakhat zong SAC ralkap nih an thah, tiah an chim.

SAC Ralkap Nih Rallam An Sial Ruangah Khuate 5 Leng In Tualchung Mi A Thong Leng Ral An Hrial The Chin Post 1 June 2023 Sagaing ramṭhen, Salingyi peng ah SAC ralkap pawl cu rallam sial in an lut i khuate 5 leng in khuami a thong leng ralhrial in an zaam, tiah Angia Pitdaidaung phu in ṭuanvo ngeitu pakhat nih a chim. June 1 zanlei ah

SAC ralkap pawl cu Wunpound Company ah an lut i, cuka hmun cun Nyaungpingyi khua lei ah an kal ṭhan, tiah theih a si. “Ralkap pawl cu Wunpond ah an lut i, Nyaungpingyi khualei ah an kal ṭhan. Khuate 5 in ral a hrialmi hi a thong an phan,” tiah Angia Pitdaidaung phu in ṭuanvo ngeitu pakhat nih cun a chim.