Video hi rak zoh ve : A Zumh nak thawngin Pi.Lalrindiki nih damnak a co.
Video hi rak zoh ve : A Zumh nak thawngin Pi.Lalrindiki nih damnak a co.
Frederick Lalrindika Thawngțha bia chim nakin Cansaupi a zeng cang mi nih damnak a hmuh. HALELUIAH, lomhpi cio hna usih.Sunpar nak vialte Bawipa nih co koseh!
Video
Relchap: Myinmu khuachung ah a phu in chin-lung a chuihtu SAC ralkap bomb puahhnawh an tong, 7 an thi
Sagaing ramṭhen, Myinmu khuachung ah a phu in chin-lung(ပိုက်ကျော်ခြင်း) chuihtu SAC ralkap hna cu nihin September 15, zaanlei ah bomb puahhnawh an ton caah ralkap 7 an thi tiah tualchung hriamtlai phu True Fighter phu in ṭuanvo ngeitu nih nih a chim.
September 15, zaanlei suimilam 5:00 ah True Fighter le Myinchain Zero pah-kah-phah phufonh nih Myinmu khuachung siangsangrun hmunchung ah, a phu in chin-lung a chuihmi SAC ralkap hna cu bomb puahhnawh in an kahdoh hna. Chin-lung an chuihnak hmun a lai ah bomb a tlak caah SAC ralkap 7 an thi tiah theih a si.
” Cycle he kan kal, lente an i celhnak laifang ah bomb cu kan thlak khawh i a puak. SAC ralkap 7 an thi, kanmah lei a thimi cu kan um lo. Kan hmanmi bomb hi Liat-sa(လျှက်ဆား) bomb tiah auhmi a si i, a dang bomb nak in lethnih a thazaang ṭhawngmi a si caah a thimi le hliamtuar an tamnak a si” tiah True Fighter phu chungtel pakhat nih a chim.
Myinmu peng ah SAC ralkap hna cu tualchung hriamtlai phu nih nitin ngawt in bomb puahhnawh in an kahdoh hna tiah tualchung mi nih an chim.Thechinpost