A poi taktak: AA telh in hriamtlai phu 2 hna le SAC Ralhrang tonbiaruahnak ah lungtlinlonak a chuak, an i kap kho mi a si cang

SAC Ralhrang Lungsivang In A Um, Hriamtlai Phu 3 He Biaruahnak Tlam A Tling Lo Salai Mangpau  June 2, 2023 Three Brotherhood Alliance tiah pehtaihnak a ngeimi chaklei hriamtlai tangrual bu Ta’ng National Liberation Army (TNLA), Arakan Army (AA), le Myanmar National Democratic Alliance Army (MNDAA) phu le SAC ralhrang nih remdaihnak biaruah ding ah a sermi NSPNC palai hna cu June 1-3 tiang nichuah lei Shan Ramkulh khuapi Mongla ah biaruahnak ngeih ding in an phanh hna, asinain an biaruahnak kong he pehtlai in

hlawhtlinnak zeihmanh a cuahpi lo tiah thawngzamhnak ceukhat nih an chim.  SAC lei in Federal Democracy ning in ramkomh (Union) ram ser ding, ramkhel phu (party) tling tel khawhnak tuah in democracy phung zulh ram ser ding le, ramdeihnak kong khuakhan lairel ti ding aa tel tiah Rakhine ralkap AA biachimnak nawlngei U Khine Thukha nih RFA ah a chim. SAC lei nih an chuahpi mi biatung kong he pehtlai in chaklei tanrual phu 3 komh nih cun bia chim kan i tim lo tiah U Khine Thukha a chim. Phu 3 konh lei nih cun,

SAC nih a tlaih mi (thongthlak a tonmi) hna thlah ding, SAC nih phung ning lo bu an si tiah an chim mi cu hnawh piak ding le Rakhine ah Cyclone thlichia ruangah harnak a tonmi mipi a rangnak in bawmhnak pek ding kong hlawng an chim tiah theih a si. Mah tonbunhnak ah Tuluk (China)ram Yunnan peng in Ramdang pehtlaihnak nawlngei cu Mr. Khopong zong tonbunhnak aa tel. Three Brotherhood Alliance, phu 3 hna hi SAC nih hramhram in uknak a lak hnu ralhrang he phung ning tein

kahdaihnak an ser lo. Khuapau dohtlennak a thawktu hriamtlai bu cu a bawmchan peng mi tlangcung hriamtlai an si. Nihin tiang ah SAC le AA bu hnih karlak ah remdaihnak a um kho hlei lo. SAC nih Tuluk zeiruangah A sawm Nihin ah SAC ralhrawng rual hna raldohnak ah teinak an hmu kho ti lo kong cu Tuluk (China) nih fiang tein a theih caah hi tonbunhnak ah aa tel ve mi a si. Ramchung ah Mipi hriamtlai pawl hriamnam a tha mi an hmang ngai caah SAC lei nih hi phu 3 sin in hriamnam tha an hmuh a si ko lai tiah zumhlonak a ngei ruangah Tuluk (China) nih bu 2 kharlak biaruah kho ding in a tawlrel mi a si. Thailand ram Teih State nih 2015 kum in

Electric mei a pek ton mi Laykekhaw le Shwekokku khua cu june 6 in mei pe ti lo dingin SAC nih Thailand cozah sin a chim. Mah khua pahnih umnak hi US $ 15 Billion man sak mi Casino, Inntha lotha umnak le rithaisii phuntling umnak le Online in mi tangka hlennak an tuahnak hmun pakhat a si. Cun, RFA chimnak ah SAC lei rian pekmi Sihni bawizik Thidaoo cu Rakhine ram Kyuakphyu tilawng dinhnak sak lio cu a rangnak lim dingin SAC nih nawl an pek. Nihin Ralhrang bawizik Min Aung Hliang Chan ah Tuluk (China) nih a mah sipuazi thanchonak pakhat lawng a ruatmi le a mah duhning poah in Myanmar ram nawnnok timh mi cu a hlan ralkap channak in nihin ni ah Tuluk a lor chimchim. President Thein Sein chan Ayeyarwady i Myitsone project pi kha US bochan in a rak kham khawh. Credit: TCP

India Ram Tlawnglawng Canghsualnak Ruangah Minung 280 Leng Nunnak Liam! The Chin Post  3 June 2023 India ram, Odisha ramkulh, Balasore district ah nizan June 2 zaanlei suimilam 7 hrawng ah khan tlanglawng canghsualnak a chuak i minung 280 leng an nunnak a liam pinah 900 tluk hliamhma an pu, nunnak a liam mi hi an karh kho, tiah ṭuanvo ngeitu hna nih an chim. Media cheukhat nih cun nunnak a liammi hi 300 an phan cang, tiah an langhter. Khualtlawng tlanglawng pakhat cu

lam ping ah kal sual in, tlanglawng lam cung ah a ummi khualtlawng tlanglawng dang pakhat le thilri phortu tlanglawng cu a pah hna ruangah fak ngai in tlanglawng cu an rawk i, minung 200 leng an thih colh pinah minung 900 leng hliam an pu. Hi canghsualnak ahhin Bengaluru-Howrah Superfast khualtlawng tlanglawng, Shalimar-Chennai khualtlawng tlanglawng le

thilri phor tlanglawng pakhat hna an i tel, tiah India media hna nih an ṭial. Tlanglawng canghsualnak a cannak hmun ahhin bawmchantu hna nih an zuanhnawh hna i, siibawi 30, palik 200 le ambulance 60 kan fial hna, tiah Odisha Chief Secretary nih a chim. Tutan tlanglawng canghsualnak hi India ram tuanbia ah kum 20 chung i a cangmi chiattonnak ngan bik pakhat a si, tiah railway minister nih a chim i, tlanglawng canghsualnak kong hlathlai ding in Investigation Team zong dirh a si lai, tiah a chim chap.