Kan Unau Kachin Lei Kah Doh Nak Ah Pasaltha Pakhat A Nun Nak A Liam Pasaltha 3 Hliam An Tuar

Kachin ram kulh mohnyin peng ingkun ti mi khuate pakhat cu kawl ralhrang thazang 100 leng nih meithal puahpah bu in may ni 29 ah khan an luh hnawh hna I khua mi cu an inn le lo chuah tak in an zam dih.

Kawl ralhrang nih cun an duh poah in khua chung ah an um I thilri inn zuat satil an thah an ei an fir kachin miphun ralkap KIA le mipi ralkap KPDF hna nih cu ti a um mi kawl ralhrang thazang 100 leng cu an va kah hna hi asi.

Zing lei suimilam 7:00 in kah doh nak a chuak I zan lei suimilam 5:00 tiang hrawng kah doh nak cu a fak khua mi nun nak liam an um hrualo mah le him nak kawl in an zam cio hna inn zuat sattil belte thi le hliam an um tiah theih asi.

Hi kah doh nak ah khua mi inn 10 a rawk cun KPDF pasaltha chung ral kachin mipi ralkap pasaltha pakhat a nun nak a liam cun pasaltha pathum hliam an tuar tiah theih asi. kawl ralhrang lei hi thi le hliam tuar an tam I a thi mi le hliam tuar mi hnukpah bu in hnu an kir tiah KIA lei in hruaitu pakhat nih cun a chim hi asi.