Thawngpangthar: Tuchun kahdohnak ah kan pasaltha hna nih SAC Ralhrang hi zat an thah hna

Dawei Peng Thailand-Myanmar Ramri Ah SAC Nih An Sakhaan An Zaam Tak Caah KNLA le PDF Nih Meithal Zun 34 Le Kuanzen Hna An Laak April 25,2024 Tanintharyi ramthen,Dawei peng Thailand-Myanmar ramri ah a um mi SAC Mawhta sakhaan um SAC ralhraang hna nih an sakhaan an chuahtak caah KNLA le PDF hna nih sakhaan cu an laak i

meithal zun 34 le kuanzen hna an laak. Aluancia April 23 ah khan KNLA hruaimi dothlennak ralkap ttangti phu hna nih cu sakhaan cu doh hram an rak thok i kaphnihkar kahdohnak tlawmpal a chuah hnu ah SAC ralhraang minung 40 tluk nih an sakhaan cu an chuahtaak i dothlennak ralkap hna nih nizan April 24 ah khan sakhaan an laak khawh hi a si.

Mizoram Chief Minister Sin Ah CBCUSA Nih Rs 300,000 An Pek ll 25 April 2024 Nizan April 24 ah Chin Baptist Church USA nih Mizoram Chief Minister Relief Fund ca ah Rs. 300,000 (sing 3) an pek. “Mizoram nih Myanmar ralzaam kan zohkhenh hnanak cung ah Mizoram cozah le mipi sin ah lawmhbia zong an chim,” tiah Mizoram Chief Minister Pu Lalduhoma nih amah pumpak social media ah a ṭial. USA in Mizoram ah a rak tlawng mi CBCUSA hruaitu upa hna nih Mizoram CM Pu Lalduhoma cu CM zung ah va leng in

bawmhchanhnak hi an pek, tiah theih a si. Myanmar ram buai ruangah Mizoram lei i ralzaam an karh hnu in CBCUSA nih hin bawmhchanhnak voi tampi an pek cang pinah hruaitu upa hna zong Mizoram ah rak tlawng in ralzaam in aa dor mi an rak veh cang hna. MNF nih cozah an rak hruai lio zong ah Chief Minister Pu Zoramthanga cu lawmhbia an rak chimh cang. CBCUSA hi khrihfabu 120 leng an i funtomnak a si i members 33,000 hrawng a ngei mi a si pinah Indiana State ah College tiang a ngei mi khrihfabu an si. The Chin Post

SAC Ralkap Hriampi Ruang ah Kalay Peng ah Tualchungmi 6 an Nunnak a Liam . April 25 || SAC ralkap nih an kah mi hriampi ruang ah Kalay peng, Pindaw-Oo khua ah tualchungmi paruk an nunnak a liam, tiah thawng kan theih.  Nizaan April 24, zaanlei sml. 4:00 hrawng ah SAC ralkap nih an kah mi kuanpi cu Pindaw-Oo khuachung ah a tlak caah kum 65 a si mi pa upa pakhat le ngakchia pahnih an nunnak a liam.  A cunglei minung 3 ruakvuinak cu nihin April 25 ah an tuah i, cu lio ah cun SAC ralkap nih hriampi in

an rak kah chap hna caah ruakvuinak ah a kal mi chung in Khup Tuang Kim (kum 26) le Piang Khanh Suan (kum 30) hi an nunnak a liam than.  Cu lawng si lo in nizaan April 24 i SAC hriampi kahnak ruang ah hliamhma a pumi nu pakhat zong nihin ah a nunnak a liam than, tiah khuami nih an chim.  SAC ralkap hriampi ruang ah nizaan April 24 le nihin April 25 ah Pindaw-Oo tualchungmi paruk an nunnak a liam hi a si.

CNF CNA Ngunkhuai 2% hi cu a si awk a si ko. A tak ah cun a tam lo. Asinain, atulio kan ram le miphun sining zawnruah a herh ve. Cu pin ah atulio raal lak ah mizapi nih nitin herhmi eidin tirawl/thilri phorh zong hi a fawi lo–pumpak nunhimnak ca zong ah ttihnung a si. Cucu theihthiam a hau fawn.  Motor ngeitu nih ngunkhuai tam tuk a liam ah cun thilphorh man a kaiter a hau, thilphorh man a kai ahcun thil man kaiter a hau, thil man a kai ahcun mipi kan dih-heumi a kai i, nitin khuasaknak ah kan sifak/kan har chinchin. Sifah tuk/har tuk cang ah cun Dohthlennak kong tuaktaan caan ngeih a si ti lai lo, Paw ca lawng tuak cio a si ko cang lai.  Chinram hmun cheukhat ah

CNF/CNA lawng si lo in tualchung CDF zong nih ngunkhuai laak a si tik ah kan ram buai le har le sifah le thil man fah lak ah mipi or dih chap he aa lo. Chinland Council (CC) a donghnak bik meeting biachahnak ah Chinland Ngunkhuai Upadi (Tax Law) a chuah hlan chung cu Lam Ngunkhuai (Road Tax) 150,000 Ks. cung laak lo ding ti a si. CC chungtel hriamtlai kip nih zulh a herh!  A cung CC biachahnak a nun ri in lam ngunkhuai Kyat 150,000 cung laakmi an um ahcun khirh tthan zong a herh.  Ningcang lo in kan cawlcangh ahcun kan sin ah mithar/hawithar luhter cu chimlo kan ngeih cia hawi hmanh an i zukphiak cuahmah lai…Catialtu Salai Zing Bawi