Amarapura Pengkomh Biazung Ah Bomb A Puak; A Hngaktu Palik Pakhat A Thi

kawltunews March 23, 2023March 23, 2023

Mandalay khua, Amarapura pengkomh biaceih zung cu March 22 ni ah Bomb puah nak a chuak i humhimnak latu palik pakhat a thi.

Hi Bomb puahnak ah biaceih zung hngak tu palik minung 2 cu hliam an pu i sii-inn an kal pi lio hna ah pakhat a thih hi a si.Biaceih zung ah puahkeh nak a chuah hlan zing suimilam 8 tluk ah Aung-may-thar-san peng lam 7 le 8 aa tonnak lakphak dawr pakhat ah sangchung khuabawi (inn 100 uk tu) minung 2 zong thah an tong tiah kan theih. PS -Lungmili_post

Relchap: Demoso Peng Kahdohnak Ah SAC Ralhrang Nih Jet Vanlawng Hna An Hman Caah A Thimi Le Hliamtuar An Um

Karenni (Kayah) ramkulh, Demoso peng Daw-tamagyi khuakomh kahdohnak ah SAC ralhrang an fahtuk caah Jet vanlawng an hman i, Karenni ṭangṭi phufonh in 2 nih hliamhma an tuar pin ah minung pakhat a nunnak liam, tiah tualchung hriamtlai in ṭuanvo ngeitu pakhat nih a chim.

Vaute[March] 21 zinglei suimilam 10:00 tluk in zanlei suimilam 6:00 tiang, rallam sialtu SAC ralhrang thazaang 200 tluk le Karenni ṭangṭi phufonh karlak ah kahdohnak fakpi a chuak.

SAC ralhrang nih Jet vanlawng hna hmangin an kah bomh hna caah Karenni ṭangṭi phufonh in 2 nih hliamhma an tuar pin ah minung pakhat nih ramle miphun caah a nunnak a pek, tiah an langhter.

“Hi kahdohnak ah SAC ralhrang an faktuk i, SAC ralhrang nih Jet vanlawng hna hmangin an kah bomh hna ca ah minung pakhat nunnak a liam, pahnih nih hliamhma faktuklo an tuar.

SAC ralhrang zeizat an thi timi cu thawngfiang kan theikho rih lo. March 7 lio ahkhan thazaanh 70 tluk a chap, March ni 22 tiang kahdohnak pehtlaiin a chuak” tiah Karenni ṭangṭi phufonh in ṭuanvo ngeitu pakhat nih a chim.

Cu kahdohnak ahcun SAC ralhrang nih Jet vanlawng pahnih in zanlei suimilam 5:00 le 6:00 kar ah voi 6 naak tlawmlo an kahbomh hna pin ah Bawlakhe khuapi in voi 10 naak tlawmlo hriamngan in an kahbomh hna.

Internet Line le Phone Line zong an phihpiak dih hna, tiah theih a si.Lungmili Post .Khit Thit Media-Photo:Crd