Putao Kahdohnak Ah SAC Hrang Tamlak An Thih Pinah Pa 2 An Tlaih Hna!
Putao Kahdohnak Ah SAC Hrang Tamlak An Thih Pinah Pa 2 An Tlaih Hna!
Putao Kahdohnak Ah SAC Ralkap 13 An Thi, 2 Tlaih An Tong
Kachin ramkulh, Putao peng ah SAC ralkap le KIA, PDF phufonh kar ni khat chung ah kahdohnak voi thum a chuak.
Cu kahdohnak ah cun SAC ralkap 13 an thi, 2 kan tlaih hna tiah Putao PDF in ṭuanvo ngeitu pakhat nih a chim.March ni 18, zinglei suimilam 7:00AM hrawng ah Putao in SAC ralkap minung thazaang 50 hrawng cio phu thum ah i ṭhen in hmun thum ah rallam an sial.
Rallam sialtu SAC ralkap le tualchung hriamtlai phu kar kahdohnak a chuak i cu kahdohnak ah cun SAC ralkap 13 an thi, 2 tlaih an tong tiah theih a si.
Relchap: Singu Sui Khur Cawhnak Hmun Ah Hlathlainak A Tuahtu SAC Ralkap Leilawng Doh An Ton Caah 4 An Thi
Mandalay ramṭhen, Singu peng sui khur cawhnak hmunhma ah hlathlainak tuah ding in a kalmi SAC ralkap leilawng cu an kir lei ah bomb puahhnawh in doh an ton caah SAC ralkap 4 an thi tiah Pyin Oo Lwin pengkomh pahkahphah hruaitu Bu Zero Wan nih a chim.
March ni 19, chunhnu suimilam 1:00PM hrawng ah Singu peng sui khur cawhnak hmunhma ah hlathlainak tuah ding in a phanmi SAC ralkap leilawng 6 cu, an kir lei ah Nway Yone khua le Yemyat khua kar ah padeta bomb lung 7 kan puahhnawh hna tiah Bu Zero Wan nih cun a chim.
Leilawng 6 chung ah 1 hi bomb kan puahmi nih a hliamh caah a chung cuangmi ralkap 4 an thi, hliamhma tuar zong an tam tiah a chim chap.Thechinpost