CNO / CNDF nawl loin Falam peng ah raldoh khawh asi lo nan ti mi hi NUG sin ah nan theih ter maw? Hi nan cathanh hi USA hnakhaw ah a phan ahcun NDAA bawmhnak a phih khawh tu asi ti hi nan hngalh rua lo!

kawltunews January 22, 2023January 22, 2023

A Dam Khawh Ti Lo Mi Thinlung Le PolicyRalhrang Rallokap nih an hrawk mi Khualipi le Innlo cu Remh khawh asi.

A rawk cang mi thinlung le Policy cu rem khawh asi ti lo i dam khawh asi ve ti lo. Cubantuk minung le bu cu Lungthlitum, Rev. Dr. Rual Uk le CNO / CNDF (Thazang pektu vialte le Rev. Dr te zong telin) hi an si ko.

Cancer hi an dam deuh phum hnga nain Lungthlitum le CNO CNDF cu an dam khawh ti lai lo. Chinland Federal ram ah lut pi cu chimh lo, Chinland a hrawkral tu ding minung le phu an si.

Falam ah Khualipi cu an thial khawh ko lai nain CHINLAND Federal cu an tlun pi khawh lai lo. Laizo holh cu Tlangholh ah an siam khawh ko lai nain Chinram le miphun damnak an si bal lailo.

Lungthlitum le CNO/CNDF bantukin dam khawh ti loin a zaw mi thinlung le Policy a ngeih mi minung le bu hna cu: Pu Kawl Luai, Dr. Andrew Ngun Cung Lian, Dr. Hmuh Thang, VP Henry Van Thio, Dr. Vum Suan Thang, ZRA, MDF / MATC, Pu Phir Maung, Pu Ngun San Aung, Pu Zo Peng, Pu Thang He te pawl an si.

Kanmah NLD chung in CDM bawmhnak le CDF bawmhnak in a rum mi / rum aa timh mi MPs rual zong an i tel ve.

Pu Kawl Luai hna cu a min ah Kawlmin, a party ah Kawl Party, kan loh cang ko. Pau Dohthlennak ah Mipi cozah NUG nih Kawlram Western vialte ah Raldohnak nawl cu CNA sin ah 100% a pek.

Falam Khuachung ah raldohnak cu chim lo, Chindwin velchum Sagaing in thawk in Kachin he aa pehtawn tiang, Magway ram a vaa peh lai i, Rakhine le Bago he aa va peh tiang, tbk tiang in Ralhrang doh awk ah NUG nih CNA cu Raldohnak nawl an pek.

Falam ah raldoh hlah uh ti cu NUG nan doh asi hi nan hngalh rua lo. CNA cu NUG Mahameih a dik mi aum chunte asi ti zong kha nan hngalh a herh. CNA nih Falam ah ral an doh mi nan duh lo ahcun NUG MOD ah report khawh asi.

CNA thangchiat le soisel loin NUG MOD tu ah chimh ko uh cah. Ara lai mi thla 5 -6 ah Khuapi raldohnak cu NUG nih biatak tein an thawk cang lai, ti hi Lungthin le Policy ah a rawk ve cang mi Rev. Dr te zong nih hngalh cang uh.

Khuapi chung ah raldohnak nan duh lo ahcun Khuapi kan lak khawh lai lo, Khuapi kan lak khawh lo ahcun MAH kan tei khawh lai lo, MAH kan tei khawh lo ahcun Rallokap saal zungzal kan si lai ti hi tuak pah awk nan si nain. Nan duh le duh lo zong ah Khuapi chung raldohnak an ra cang lai, a rau ti lai lo.

Falam khuachung lawng ah asi lai lo, Hakha le Chinram Khualipi kip ah kahdohnak an ra thluahmah cang lai. Rallokap nih khuapi an uk, CNA CDF CNO nih khuate kan uk. 2023 ah MAH thluk cikcek timi sullam cu Khuapi chungah fak piin raldoh uh tinak asi.

CNO / CNDF cu Falam khuate lawng kan uk khawh, Falam khualipi cu Rallokap nih duhdim tein an veng tiah Vawleipi nih an kan ti mi zong hi ningzak awk ngai kan si. Rallokap nih him tein le duhdim tein Falam khualipi an veng ko caah CNO / CNDF a um a herh maw a ti mi an tam tuk cang.

2017 ah Kachin in a kir mi Rallokap cu hlunghlai ngai in Falam nih kan don caah, Chin min kan chiat ter bal cang. KIA le Vawleipi nih CHIN nih Ralhrang an don an kan ti.

Falam ruangah Kan Nau Kachin a lung a fak. Min ah CHIN i pek i, Lungthin le Policy ah Falam lawng huap cu tuak ko uh. Nan min Chin kha Falam ah thlen rawk uh. Nan tlau hlan ah rak kir uh. Zeitintiah Falam cu Miphun min asi lo, Fa hlam asi.

Tlaison nih ral lio ah an fa le thuhnak hmun asi. Lungthin le Policy ah dam nan duh ve ahcun NUG he i fawnh uh, NUG he kan kal ṭi tinak cu Khuapi chung raldohnak cohlan kha asi. Khuapi chung Raldohnak duh lo tu Poah cu NUG a doh mi nan si.

Ka nolh ṭhan lai, 2023 ah Ralhrang TEI KUM tiah NUG nih kan ti mi cu, Khuapi chung paoh ah Raldoh uh law, Rallokap ṭhawlh dih uh, pakhat hmanh tang loin ti nak asi. Rallokap cu an rim hmanh tang loin, thian hihiar in thianh dih uh ti nak le Khuapi chung um Palik le Rallokap cu kahthat dih uh tinak pei asi cu. NUG he i fonh cu CNA he i hawikom asi.

CNA he i hawikom cu CJDC ah lut ṭhan kha asi. Hualngo le Zaniat covo a phih kanh mi pa le bu nih Covo tling um nak le tlukruannak a um mi Federal kan duh ko ti cu a si khawh lo, aa biktaling ko. Fascist tu nan si deuh cang.

Chauvinism timi Maha Lumioci Vuada a ngeih mi CNO / CNDF le fan nan si. Chin Tribes ah Falam miphun le Hakha miphun timi aum lo. Lai miphun ti lawng a um. Falam peng chung um Tribes vialte fonh in Falam miphun sersiam cu vawleipi ah aum bal lo mi phung asi.

Rallokap pek ding mi Federal bantuk asi. Lai nan si ko ahcun Hakha Thantlang he I fonh khawh lo nak lam a um lo. Unau a si ko mi Israel he aa fonh duh lomi Esau cu a ram le a vawlei a tlau. Philistine, Edomite, Palestine tiah min phunphun an ngeih nain, vawlei le ram ngeih loin nihin ni tiang an tlau I Israel tang ah an um. CHINISM in kal loin Falamism in kal cu tlau asi.

NUG nih Kawlram Nitlak lei poah ah CNA cu raldohnak nawl an pek timi hi kan hngalh lo caah kan tuah mi asi ahcun ngaithiam cia nan si. Nan hngalh ko buin nan tuah mi asi ahcun NUG dohtu nan si ko. Mi inn lut lai ah Innka kingh taa ti cu kan hngalh ko ee. Raldoh lio ah Innka kingh ta le thawng theih ter hmasat cu kan that u tinak pei asi cuh.

CNA thih dih uh tiah chiatserh mi hna a lawh ngai ko. Chinland ah Inntek a si tiah NUG le Vawleipi nih pomh mi cu CNF / CNA asi. MAH te Ralhrang hmanh nih CHINLAND Inntek cu CNF asi a ti caah cun dakaw, Vanlawng in Camp Victoria a kah cu. Camp Victoria a hrawk ahcun, Chinram ah Pau Dohthlennak adih tiah MAH nih a ruah mi asi.

CNO / CNDF cu Chin ai awh in NUG le MAH nih an hmuh lo. NUG le MAH mit ah Falam le Chinland Inntek cu CNF / CNA asi. CNO / CNDF cu khual tu kan si ti hi tuak pah uh cah, fim ve cang rawh uh. 2023 kum ah MAH nih thimh nak tuah khawh in Tamada si aa timh, zungzal kawlram uk aa tim.

NUG, CNA / CJDC le mipi nih MAH thluk kan I timh. Cucu hlawhtlin ter awk ah Khuapi chung bak ah raldohnak a ra thluamah cang lai. Cu tikah Falam ah raldohnak kan duh lo nan ti rih ko lai maw? Hakha ah Raldoh hlah uh kan duh lo nan ti rih ko lai maw?

A fiang ko mi cu khuapi le Innlo tampi an rawk lai tinak asi ko. A rawk mi Innlo le khuapi cu remh a fawi tuk ko. Pathian le USA bawmhnak thawngin kan rem khawh tuk lai nain: A rawk cang mi Lungthin le Policy cu remh khawh asi ti lo. Jesuh KHRIH nih Vailam ah voi hnih thih sehlaw, a dam khawh hnga maw?Credit – Joseph R.Thang!