(Video+) Kan pasaltha hna nih SAC Ralhrang hriamnam tam taktak an lakmi Video an langhter
Video kan langhter: Tin-kan-nyi-naung SAC Ralkap Pawl Sin In An Lak Mi Hriam Cobra Column Commander Nih A Langhter | 2024 April 11 – Karen ram, Myawaddy peng, Tin-kan-ngyi-naung byuha le SAC ralkap pawl sin in an lak khawh mi hriam, kuan, zen le kahdohnak thilri pawl cu Cobra Column 1 Platoon Commander Captain Saw Kaw nih a langhter. KNU hruai mi dothlennak phu pawl nih Tin-kan-ngyi-naung hrambunh SAC ralkap battalion pawl cu March 7 thawk in
an kah hna i IB 355 cu an lak hmasa khawh. Maech thla lai hrawng ah IB 356, March thla dongh hrawng ah IB 357 telh in Tin-kan-ngyi-naung byuha a zapi in an lak khawh. IB 355 in hriam tampi an lak khawh i IB 356 an lak lio ah hriam tlawmte lawng an lak khawh, SAC ralkap IB 356 in hriam tampi an lak khawh hi a si. April thla hramthawk ah dothlennak phu pawl nih Tin-kan-ngyi-naung byuha cu kah hram an thawk i byuha-hmu telh in ralkap le an chungkhar minung 617 nih hriam chiah in a sung an pek caah hriam tampi an lak khawh.
Mindat Khuapi Ah Inn 21 A Kaang || 11 April 2024 Chinram thlanglei, Mindat khuapi chung ah nihin April 11, zanlei suimilam 2:00 hrawng ah kangh-uhnak a chuak i inn 21 a kaang, tiah theih a si. Inn a kanghnak hmun cu SAC ralkap pawl umhmun an khuarnak thlang ah a si i, a pawngkam ah bomb an hmanh dih caah tualchung mi nih
chuahhnawh in an phalh ngam lo ruangah inn a tlaih mi a tamnak a si. Kangh-uhnak a tong mi inn ngeitu pawl cu ralzaam in hmun dang ah an um lio a si, tiah Mindat lei thawngpang a thanhtu Hkl Mindat nih a ṭial. Zeiruang ah dah inn a kangh ti mi fiang in hngalh a si lo i, tuzanlei suimilam 6:30 hrawng ceo ah mei an phalh khawh, tiah theih a si.
Angṭeng Khua Ah Bomb Lamhsualnak In Tualchung Mi Pakhat Nunnak Liam! || 11 April 2024 Sagaing ramṭhen, Kalaymyo thlanglei, Angṭeng khua ah a um mi Pu David Hre Lian Thang cu nihin April 11 zinglei ah khan an khua pawng rian a ṭuan lio ah bomb aa lamhsual caah a ke orhlei a bul i a nunnak a liam, tiah theih a si. Pu David Hre Lian Thang cu bomb lamhsual ruang ah a orhlei khuk in a bul i an thlopbul lio zanlei suimilam 7:00 ah a nunnak a liam. Pu David nih cun a nupi le a fa pakhat a kaltak hna.
Sittwe Le Kyaukphyu Um Tualchung Mi Vialte Khua Chuahtak Zok Ding In Twan Mrat Naing Nih Ralrin A Pek Hna The Chin Post || 11 April 2024 Sittwe le Kyaukphyu ah a um mi tualchung mi vialte cu a rannak in khuapi chuahtak dih ding in AA Major General Twan Mrat Naing nih ralrin a pek hna i, biachahnak an tuah cang bantukin a rauh hlan ah kahdohnak thawk an timh kong zong a chim. “Biachahnak kan tuah cang bantukin SAC ralkap nih an uk cuahmah mi Rakhine ramkulh khualipi Sittwe le Rakhine thlanglei Kyaukphyu ah khua a sa mi tualchung mi vialte khuapi chuahtak in
a rannakin a himnak hmun ah i ṭhialkam dih u,” tiah AA Major General nih ralrin a pek hna. Atu bantukin AA dirh kum 15 tlin camtuak lawmhnak ah Twan Mrat Naing nih cun a chim i, Rakhine ralkap rak ti tawn mi cu Arakan ralkap tiah auh si cang seh, tiah a chim chap. Cu pin ah an khualipi a si mi Sittwe le ramkulh thlanglei Kyaukphyu zong a rauh hlan ah an laak lai kong zong a chim. A liamcia 2009 kum ah KIA hrambunhnak Kachin ramkulh Laiza khuapi in
a rak i thawk mi AA cu chaklei hriamtlai unau he ṭangṭi in 1027 Operation an kalpi chung ah Kyauktaw, Mrauk-U, Minbya, Rathedaung, Ponnagyun, Pauktaw, Myebon, Ramree le Chinram, Paletwa tiin peng 9 an laak cang i ralbawi telh in SAC ralkap a thong leng AA sin ah an i ap cang, khuapi a taang rih mi ramkulh chaklei um Buthidaung le Maungtaw laak ding in kahdohnak an kalpi cuahmah, tiah theih a si