(Video+0 Kan pasaltha hna nih SAC Ralhrang Motor rual Bomb an puah hnawh lio Video an langhter
Atang ah Video a um: Pakokku In A Rak Chuak Mi SAC Motor Bomb Puah Hnawh A Tong I A Cung Cuang SAC 11 An Thi. March 29,2024 Magway ramthen,Pakokku SAC division 101 in a rak chuak mi SAC motor 2 hna cu Kandaw khuate pawng an phak ah tualchung hriamtlai nih bomb an puah hnawh hna caah motor pakhat cu
ai thek i a chung cuang SAC 11 an thih leng ah 19 hliam an tuar tiah theih a si. Nizan March 28,zanlei slm 4:45 tluk ah SAC ralkap 72 a phur tu motor 2 cu Pakokku in Kandaw khuate pawng an phak ah a hlei in ser mi lung 8 phir bomb lun gkhat le Lung 6 phir bomb lungkhat in an puah hnawh hna caah SAC 11 cu a hmun ah an thi colh in a dang 19 hliam an tuar hi a si.
Tuluk-Myanmar Ramri Lwegel Khuapi Le Ramri Gate Cu KIA Nih An Laak,SAC Ralkap Le Zung Riantuan Hna Tuluk Ram Ah An Zaam. March 29,2024 Kachin ramkulh, MoeMaut Peng Tuluk-Myanmar ramri i a ummi Lwegel khuapi le ramri gate cu KIA nih nihin March 29 zinglei sang ah tlamtling tein an laak khawh tiah theih a si. March 27 thok in Banmaw-Lewgel lampi cung a um i SAC sakhaan 10 nak tlawmlo cu KIA nih an tuk hna i pehtlai in an laak thluahmah hna hnu ah a tu Lewgel khuapi zong an laak khawh hi a si. “Bamaw-Lewgel lampi cung a ummi SAC sakhaan hna lak ah
Seinlung tlang cu SAC sakhaan lawng a taang cang.a tu Lewgel khuapi zong kan laak cang.SAC ralkap hna le an mah kuttang zung rian tuan mi hna cu tuluk ram ah an zam hna i micheu cu an zam kho nain a tu ah Tuluk lei nih gate an khar cang caah an i taap,KIA lei nih tha tein hriam chia dingin an ti cuahmah lio hna a si,khuapi cu a zapi in kan tlaih viar cang” tiah KIA thawnghram nih Khit Thit Media ah a chim. 2024 March 7 thok khan KIA nih operation faak piin a kal pi i a tu tiang ah SAC sakhaan tam taktak a laak khawh cang.
Mizoram ah Chin Ralzaam Ngakchia Pa Ti ah a Paam. March 27,2024 Mizoram, Hnahthial khua ah ralzaam in a um mi Chin ngakchia pa Salai Thang Lian (kum 14) cu nihin March 27 ah ti ah a paam, tiah thawng kan theih. Chungkhar he naihniam pakhat nih, “Nihin zinglei sml. 11:00 hrawng ah khan khua pawng tiva ah
tikholh ding in a hawile he an kal i, chun sml. 1:00 hrawng ah ti ah a paam hi a si” tiah The Matupi Times ah a chim. Ti ah a tlak lecangka in a hawile nih pawngkam ah a um mi upa pawl bawmh an hal hna i a ruak cu an chuah khawh, tiah a chim chap. Ti ah a paam mi ngakchia pa Salai Thang Lian hi Matupi khua, Lawngvan sang ah a um mi Pu Yung Bal le Pi Yil Hing hna i an fapa a si.