A thiam cem ko: Chin Star hlasak Winner a hmu tu Mai Van Mal Nei nih hla a sakmi rak ngai ve VIDEO++
Atang ah Video a um: Salai Lungthli Tum nih naite Chin Star hlasak zuamnak a tuah lio ah minung 30 renglo nih an i zuam hna timi cu kan theih ciomi a si. Cu hna lak ah thiam hlei khun in a aw a ttha mi pakhat a um. Cu nu cu Falam peng Khawpual khuami Mai Van Mal Nei hi a si. Amah nih naite Grang Final ah a sakmi hla ruang ah
a mark a ttha tuk in teinak a hmuh hi a si. Amah hi a aw zong a ttha, cun Pathian hla le ram hla lawng a sa mi a si fawn. Pakhatnak hmu ding ah cun a phu hrimhrim ko.Hi bantuk hlasak thiam cu hmuh an har lai. Par Tin Tlem le Van Mal Nei cu an i tluk tuk ti a si nain Mai Van Mal Nei nih Mark in a tei hlei ah, Star vote hrim in a tei tiah theih a si. Atang ah ah pakhatnak winner a hmuhnak hla a sakmi Video hi rak zoh ve.
Karenni Kahdohnak Ah SAC Sakhan 7 An Laak I Raltuknak Vanlawng 1 An Thlak, 9 An Tlaih Hna.November 12 | 2023 Karenni ramkulh ah nizan 1111 Operation kahdohnak nikhat chung lawng ah SAC ralhrang sakhan 7 an laak pinah raltuknak vanlawng 1 an kahthlak khawh i SAC ralhrang 9 an tlaih hna, tiah Kahdohnak thawng latu pakhat nih a chim. 2023, November 11 ah ṭangṭi phu hna simi KA, KNDF, KNPLF, DMO PDF, Loikaw PDF, Moebye PDF, Pekon PDF, Urban Guerrilla Army le Shan taung PDF hna nih Demawsoe peng, Nan-me-kon khuapi um SAC ralhrang sakhan telh in Moebye khuapi le
Loikaw peng chung um SAC ralhrang sakhan pawl cu luhhnawh in an kahdoh i sakhan 7 cu tlamtlingte in kan laak khawh, tiah KNDF nih thawng an thanh. Kahdohnak ah SAC ralhrang raltuknak vanlawng 1 cu point five (.5) pawl in kan kah caah kahdohnak hmunhma he aa hlatnak hmun ah a tla. Mah vanlawng cu Shan-Karenni ramri um Thandaunggyi peng, Yado khua pawng ah a tla i vanlawng aa cit mi SAC chungtel 2 hna cu parachut in an zuan caah
mipi ralkap hna nih an kawl hna lio a si, tiah an langhter. “Kahdohnak ah SAC ralhrang thimi ruak 24 naak tlawmlo hmuh a si i, 9 an tlaih hna. PDF ralkap 1 nunnak a liam” tiah kahdohnak thawng latu pakhat nih Khit Thit ah a chim ve. SAC ralhrang thawngzamhnak zong nih raltuknak vanlawng a tla timi cu a fehter nain kahdohnak ruang ah silo in seh thrilri tlamtlinlonak ruang ah a tla tiin thawng an thanh.
Tuchun kan pasaltha hna nih Tuluk le Myanmar ramri ah a ummi. Kunlong Khua An Lak Khawh Dih Cang Tiah MNDAA Nih An Thanh. 2023 November 12 – MNDAA le a hawikom phu pawl nih Kunlong khua cu an uk khawh dih cang tiah an thanh. Kunlung khua ah SAC Ralhrang mawtaw tampi le Tank pathum cun Rocket kahnak hriamngan pawl le Hriamngan chiahnak hriam thilri tam taktak an hmuh hna. Kunlong khua cu a luancia ni tlawmpal ah an lak khawh cang nain tu zaanlei lawng ah an thanh hi a si.
A tha tuk ee. Karenni Ramkulh Chungah SAC Jet Fighter Vanlawng Tla Lak In An Kah Khawh. November 12, 2023 — Karenni ramkulh, Hpruso peng chungah SAC ralkap jet fighter pakhat cu tla lak in kan kah khawh tiah Karenni Nationalities Defence Force – KNDF VCS Mar Wih nih a chim. November 11 zanlei 4:40pm ah
SAC vanlawng cu (Point M2. 50) in an kah. Vanlawng mawngtu pahnih cu Parachute in an zuang tiah theih a si. An kahnak meithal hi Point Five (Browning M2 .50 cal) a si tiah an ti. Kareni nih cu meithal cawknak ah tlang an rak au bal. A tli mi vanlawng mawng 2 cu SAC lei nih Helicopter hi an kawl hna. KNDF VCS Mar Wih nih “Karenni Vaate em hnatlakpi a si cang” tiah a social facebook ah a tar.
Salai Lungthli Tum nih Chin Star hlasak zuamnak ah pakhatnak Van Mal Nei le pahnihnak Par Tin Tlem cu Iphone chuar thar bak a cawkpiak veve hna. Chin STAR Season (1) cu nan dihlak thazang peknak thawng in kan lim kho. Round 1nak an sak zaan ah ‘kasining dihlak pek in ka kawlmi arfi’ tiah min ka rak pekmi Van Mal Nei nih
judge mark he STAR Vote he sang bik ngah in winner laksawng ‘sui arfi’ a kan co piak. Kai lunghmuih hringhran, nan i lunghmuih tuk cio ve lai ka zumh. Tlemtlem zong winner a si lo nain Chin arfi ceu a si ve cang. Kum 15 lawng asi rih i a caah caan tha tam tuk a um rih ko. Tuni kha pumh dih ah Chin arfi pahnih hna caah ting 46 man iPhone Pro Max pakhat veve ka va cawk piak hna. Hmailei an lamthluan caah tuanvo tampi ka ngei rih, thazaang rak pe rih lengmang hram u law