Tuchun kahdohnak thawngpang: Tuchun kan Pasaltha hna nih SAC Ralhrang hi zat bak an thah tthan hna
KNU, PDF Fonh Nih SAC Ralhrang Gate An Kah Lungmili Post Pur 1, 2023 Karen National Union (KNU) Brigade-1 humhaknak hmunram Thaton peng, Du Yin Seik khua pawng hlei ah ummi SAC ralhrang Gate cu KNLA le PDF ṭangṭi phufonh nih June 1 zing ah luhhnawh in an kah hna caah SAC ralhrang thimi le hliam a pumi an um i
meithal hriamthil zuun 5 zong an laah chih khawh, tiah KNLA Commander nih a chim. “Hi kahdohnak ah SAC ralhrang thimi le hliam a pumi an um nain a zah tu cu kan thei kho rih lo, hriamthil zuun 5 tu cu kan laak khawh chih” KNLA Commander nih hriamthil an laakmi hmanthlak he People’s Spring ah a langhter. Tualchungmi pakhat nih “Hi kahdohnak ah SAC ralhrang 7 hrawng an thi ti ah kan theih” tiah a chim ve.
Chin ram ah SAC ralhrang nih thimnak tuah khawh lo ding ah a hnursuang bik mi cu Thantlang le Victoria Base hi a si. Cucu Dr. Hmuh Thang, Ralhrang CM Dr. Vungh Suan Thang le Dahsakahhmu le Tainghmu te hna kan hnu hrawng an i ton lio ah Naypyidaw ralbawizik hna he biaphawng den pah in an i caih mi Strategy a si kho. Kan hnu te ah Hakha ah Dahsahkahhmu a phan khah. Ralbawi rank sang pawl an phaknak hmun paoh ah ral lei sining zeitimaw in
thlennak a um colh timi cu ralthiam hna nih ruahcia khawh khi a si ko. Mah a tuah khawh nak ding ah ke ralkap thazaang 300-500 kar thazaang hman ding a herh ve. Tutan hi mah cu thil tuahnak ca ah a kan namnak le ai timhtuahnak a si kho. Thantlang lak lawlaw. A ralkap thazaang 300-500 in khon. 120,122 le 155mm chiah. A duhnak hmun paoh kah i huamsam in Thantlang he a naih mi Camp pawl lak hnu ah Victoria Base nam. Delay Strategy in
a kan ngiar a sau cang. A tu hi a thapi a hun chuah a si. A fum mi ngian hman in caansau an nguh te lailo ti ruahnak he tutan cu a za cang tiah a kan nam. Kan der lo. Kan i ser ko. Kan nung lai. Kan ram kan miphun ca ah hmai kan nawr ko lai. Thantlang him ko seh. Victoria Base a tlu lailo. Hmailei tuanbia ah
“The Fall of Victoria” hmuh kan duh lo. Amahbelte, hi caan chung cu kan tthencheu rih sawh hlah u. Ai khat mi nun peknak ah “san niam” a um lo. Atu frontline kan hmun pawl Buffer zone chung i kan chiah khawh tikah khin; amah tein aa ser te kolai. Frontline a biapi bik. Catialtu Salai Lengkawite CDF Thantlang