CDF hruaitu Salai Lengkawite: Dr. Hmuh Thang le SAC CM Dr. Vung Suan Thang nih Thantlang le CNF/CNA Victoria Base cu laak ding tiah order an chuah theih si cang

Chin ram ah SAC ralhrang nih thimnak tuah khawh lo ding ah a hnursuang bik mi cu Thantlang le Victoria Base hi a si. Cucu Dr. Hmuh Thang, Ralhrang CM Dr. Vungh Suan Thang le Dahsakahhmu le Tainghmu te hna kan hnu hrawng an i ton lio ah Naypyidaw ralbawizik hna he biaphawng den pah in an i caih mi Strategy a si kho. Kan hnu te ah Hakha ah Dahsahkahhmu a phan khah. Ralbawi rank sang pawl an phaknak hmun paoh ah ral lei sining zeitimaw in

thlennak a um colh timi cu ralthiam hna nih ruahcia khawh khi a si ko. Mah a tuah khawh nak ding ah ke ralkap thazaang 300-500 kar thazaang hman ding a herh ve. Tutan hi mah cu thil tuahnak ca ah a kan namnak le ai timhtuahnak a si kho. Thantlang lak lawlaw. A ralkap thazaang 300-500 in khon. 120,122 le 155mm chiah. A duhnak hmun paoh kah i

huamsam in Thantlang he a naih mi Camp pawl lak hnu ah Victoria Base nam. Delay Strategy in a kan ngiar a sau cang. A tu hi a thapi a hun chuah a si. A fum mi ngian hman in caansau an nguh te lailo ti ruahnak he tutan cu a za cang tiah a kan nam. Kan der lo. Kan i ser ko. Kan nung lai. Kan ram kan miphun ca ah

hmai kan nawr ko lai. Thantlang him ko seh. Victoria Base a tlu lailo. Hmailei tuanbia ah “The Fall of Victoria” hmuh kan duh lo.  Amahbelte, hi caan chung cu kan tthencheu rih sawh hlah u. Ai khat mi nun peknak ah “san niam” a um lo. Atu frontline kan hmun pawl Buffer zone chung i kan chiah khawh tikah khin; amah tein aa ser te kolai. Frontline a biapi bik. Catialtu Salai Lengkawite CDF Thantlang

SAC ralbawizik Min Aung Hlaing cu Myingyan peng a um lio ah Myingyan SAC ralkap hna cu drone in bomb kan thlakhnawh hna i 7 an thi, tiah Myingyan pengkomh Battalion 4 Natogyi PDF in ṭuanvo ngeitu pakhat nih a chim.

May 31 zing suimilam 11:45 ah Min Aung Hlaing le a changtu Soe Win cu Myingyan um Thanmanih sehzung zoh ding in, Khah Mah Yah Battalion chung ah Helicopter in an ṭum. Min Aung Hlaing cu Khah Mah Yah 15 Battalion chung a um lio ah bomb lung 4 in kan thlakhnawh i SAC ralkap 7 an thi i, 8 hliamhma an pu, tiah ṭuanvo ngeitu nih cun a chim.

“Mandalay in a luancia ni thum li hrawng ah SAC ralkap pawl cu an lutchuak ngaingai cang. Natogyi-Myingyan, Myingyan-Taungthar, Myingyan-Bagan-Nyaung U lem le Myingyan- Myothar lam cu an kham dih. Drone in bomb kan thlak hnu ah Min Aung Hlaing nih Battalion Commander pa cu a hmai ah a bengh i Helicopter in a kir,” tiah Myingyan Battalion 4 in ṭuanvo ngeitu pa nih cun a chim.

Cu pinah Pauk peng, Chaungna khua in a chuakmi SAC ralkap le PDF hna cu Chaungna khua nichuahlei ah an i kap i, SAC ralkap le pyusawhti 8 nak tlawm lo an thi, tiah theih a si. May 30 ah SAC ralkap le pyusawhri nih, Chaungna khua cu an khangh caah inn 100 hrawng a ciam. SAC ralkap le pyusawhti nih

Thitchukone khua pawng in hriamngan le hriamhme an kah, tiah Myaing peng mipi rungvengtu hna sinin theih a si. Cu pinah May 31 ah SAC ralkap pawl cu Yelay Gitkhe khua pawng ah bomb lung 3 in kan puahhnawh hna i a thimi an tam kho. Nihin June 1 ah SAC ralkap le pyusawhti 50 hrawng nih Taraphi khua cu an khangh, tiah Myaing peng mizapi rungvengtu nih an langhter.