Gangaw-Htilin Khua Kar Nithum Chung Kadohnak SAC Ralhrang 40 Leng An Thi

Gangaw-Htilin Khua Kar Nithum Chung Kadohnak SAC Ralhrang 40 Leng An Thi

Magway ramthen, Hltilin peng ah a ra mi SAC ralhrang motor hna cu Gangaw pengkomh PDF le Yaw alin-tan(ယောအလင်းတန်) PDF nih nithum chung kahdoh nak ah ralhrang 40 leng an thi tiah March 17 ah thanh ca an chuah.

Pakkoku, Pauk(ပေါက်), Kyoukhtu(ကျောက်ထု) lam lei ah a ra mi ralhrang hna cu March 15 ah tualchung PDF phukomh nih Bomb an puah hnawh hna i ralhrang 3 an thi i hliampu mi an tam, mah ni zanlei sang ah Shwe-khon-tain(ရွှေခုံတိုင် )khua pawng kahdoh nak ralhrang 3 nak tlawm lo an thi than.

March 16 ah kahdohnak tuah a si than i ralhrang 7 an thi, hi kahdoh nak cu YNRF le MRDA mipi ralkap phu nih an kah hna hi a si. Hi ni hmun pakhat ah kahdoh nak an tuah than i ralhrang 2 an thih pin ah hliampu an tam.

Htilin khua in Ligh-turck motor pahnih nih a thi mi le hliampu mi cu an rak don hna.Cun ralhrang 40 tluk hna cu Shwe-khon-tain khua chaklei hmun pakhat thingkung tang an i dinh lio ah Bomb puah hnawh an si than i ralhrang 26 an thi tiah ralhrang chung in mipi ralkap lei ah thawngpang petu pakhat nih a chim.

Shwe-khon-tain(ရွှေခုံတိုင်) khua nitlak lei ah check felnak tuah a kal mi ralhrang an kah than hna caah 3 an thi i 4 hliam an pu.

Hi khua pawng lamthen pakhat zong ah ralhrang pawl Bomb an puah hnawh than hna i 2 an thi than. Ralhrang a thi mi an tam caah hriamnam ngan in pawngkam cu ruahnak in an kah len.

Gangaw peng chung ah mipi nih khual tlawn lo ding in PDF nih thawngthanh nak zong an tuah tiah kan theih. PS_YNRF-Lungmili_Post