Breaking News: SAC Ralhrang nih Pyusawthee pawl Khuate luh ding an fial hna ca ah Khuate mipi tampi an zaam
Gangaw peng ah SAC ralhraang nih Pyosawhtee lut ding in an hneek hna caah khuami dihlak an zaam. June 3, 2023 Magwe ramthen, Gangaw peng ah SAC ralhraang nih Pyosawhtee ah luh ding in an hneek hna caah a rak zaam mi Taung Khinyan khuami hna dor nakding ah ABSDF nih deu an sakpiak hna tiah Khit Thit Media nih a tial. ABSDF B-12 battalion, Yaw le tualchung PDF pawl i bawm in Gangaw peng Taung Khinyan khua Palek Sakhan cu May 25 ah kah hram an thawk. Cu hnu cun
SAC ralhraang nih inn khat ah pakhat Pyosawhtee ah nan lut hrimhrim lai tiah hramhram in an hneek hna caah khuami hna cu khua chuah taak in an zaam tiah theih a si. Taungkhinyan Palek Sakhan nih khuami hna cu meeting an auh hna i Pyosawhtee luh ding ah hramhram in an hneek hna. Atu ah Taungkhinyan khuami hna cu an khuapi ning in
an zaam i minung a thong in an si tiah theih a si. Landmine le bomb i ralring. Kah cia a si nain a puak rih lo mi miakpi bomb, kut cheh bomb le mortar bomb tibantuk pawl cu tih an nung tuk. Na hmuh ahcun tawng hrimhrim hlah, a umnak in thial hlah, na ke zong in lam hlah. Cu bantuk pawl cu a puak dengmang mi an si kho i tawngh men ah a puak kho.
Chaung U Lah-wa-kah Zung Hngak SAC Ralhrang 4 An Kahthah Hna; Meithal Zun 4 An Lak Lungnili Post Pur 4, 2023 Sagaing ramthen Chaung-u khua Lah-wa-kah zung hngak SAC ralhrang hna cu PDF tangti phu nih an kah hna caah ralhrnag 4 an thi i meithal zun 4 zong an lak piak hna. June 4 zinglei suimilam 6 tluk ah Manywa-Mandalay lam pawng um Chaung-u Lah-wa-kah zung cu PDF phu komh hna nih ruah lo piin an kah hna caah ralhrang 4 an thih hi a si. “Hi ka zawn zung pawng ah hin tuan deuh ah cun
ralhrang 7 an um. Tuni ah cun 4 lawng an um cang, Minute 5 tluk lawng kan kah hna i an 4 ningin an thi, an meithal zong kan lak piak hna. Kan mah lei cu kan him” tiah Farmers Revolution Force -Monywa pengkomh PDF Battalion in tuanvo ngeitu pakhat nih a chim. Hi kahdohnak ah PDF lei nih meithal G-3 zun 4, kuan bawm 4 le kuan 49 an lak piak chih hna. Kahdohnak ruangah SAC ralhrang motor 3 in Chaung-u Lah-wa-kah zung pawng ah um hmun an khuar i mipi aa chok mi hna zong checkhlat nak an tuah hna tiah khua mi hna nih an chim.
Lungkhar Kahdohnak SAC Ralhrang 7 Renglo An Thi Lungmili Post Pur 3, 2023 2023 June 2 Hakha le Thangtlang kar Lungkhar lei kahdohnak a fah caah Hakha thar lei in SAC ralhrang nih hriamngan in an vun bawmh hna. Asi nian Chin ralkap tangti phu nih Drone le ralkap thazaang in an nam chih ve hna caah ralhrang lei in 7 renglo
an thih lai zumh a si nak kong kahdohnak he neihniam um pakhat nih a chim. “Ralhrang hi hnu an kir dih le kir dihlo a fiang rih lo, Kanmah ralkap pakhat hliamhma a tuar nain a fak tuk lo. Ralhrang an thihnak zawn hi fuh awk an tha deuh rih lo.”tiah a cunglei upa nih a chim. Tita leikam zongah ralhrang nih nawr an timh hna nain Chin ralkap tangti phu nih Drone in an leh rul hna. Mah ni kahdohnak ah Drone zeimaw zat an sung nain phih khar colh a si tiah kan theih