Timit kahdohnak a faak tthan: Tuchun ah Timit le Lungkhar ah CNA/CDF hna nih SAC Ralhrang Drone pakhat an kah thlak khawh
June 4, 2023 Tuchun kahdohnak cu a thar in a faak tuk tthan tiah theih a si. Tuzing suimilam 10 hrawng khan Kawl rawn lei in Jet Vanlawng a hawng zuang i, Hakha khuapi cung tan hnu ah Timit le Lungkhar lei ah bomb a va thlak tiah theih a si. Culawng si loin Hakha khuathar Khuhsilobo in 120mm Miakpi in Lungkhar lei cu
biatak tein miakpi in an kah thluahmah tthan tiah theih a si. Kahdohnak ah a ummi CNA kan ralkap pakhat nih a chim mi cu “SAC Jet Vanlawng cu rang taktak in a rak zuang in Bomb voi tam ngai a kan thlak. Vanlawng hi a niam tuk kan kah len ko nain a rang tuk i, kan kheng kho lo tiah a chim. Cun Pathian thawng in nizan le tuchun bomb a kan thlakmi ah
a ho hmanh hliam kan um lo tiah a chim chap fawn. Cun tuchun ah khan SAC Ralhrang nih Drone an vun zuanter mi cu kan Ralkap CNA le CDF hna nih tlak lak in an kah thlak khawh tiah theih a si zeitluk in dah teinak a si. Kan ralkap hna caah biatak tein thlaza cam hna usihlaw teinak kan hmu zau ko lai. Bawipa nih teinak a kan pek zau lai.
Yangon khuachung voi 2,000 tluk kahdohnak SAC Ralkap Colonel Telh In Ralhrang Lei 600 Leng Thah An Tong Salai Mangpau June 4, 2023 Yangon ah kahdohnak, ralhrang ralkap le ralhrang leitang thahnak voi 2,000 leng ah SAC ralhrang lei in ralbawi Colonel telh in ralhrang 600 leng an thi i, Mipi ralkap 80 leng nih ram caah nunnak an pek tiah Yangon ram Mipi ralkap nih thawngthanhnak a tuah. Min Aung Hlaing nih hramhram in uknak a lak hnu in Yangon khua mipi ralkap cu May 5, 2021 in
May 31, 2023 kum 2 chung ah Yangon ramthen mipi ralkap (S.O.F/ Special Task Force-S.T.F) Bakahphah, UG le hriamtlaibu bu dang hna he tanrual in kahdohnak 2000 an tuah. Yangon khuachung Operation kahdohnak ah SAC lei in Colonel tleh in mi 600 leng an thi tiah thanhnak an tuah. Mi 900 leng hliamhma an tuar, Mipi ralkap lei in 80 leng an thi i Hliambu mi 100 leng le tlaih a tonmi 1000 leng an si tiah theih a si. Kahdohnak hmun hi Buddhist pawl Titoih puai lio Hlaingthayar peng
Kuah bazaar DC ah bomb puaknak le SAC vanlawng umnak kahnak le hmun dang bomb puahnak vialte in fonh ah SAC ralkap le police ah kahnak voi 1000 leng, khuachung uknak zung kahnak 800 leng, Sipuazi lutlai pawl kahnak 200 leng vialte fonh in Special Task Force kahnak 550 leng le bomb puahnak 1500 leng a um tiah theih a si. National Unity Government (NUG) kuttang um
Yangon ramthen ah Khuachung (Underground Movement) ralkap rual nih SAC ralkap le a bawmchantu dohnak in June 1 ni ah Yangon hram bumh a hmasa bik Battalion 5101 cu dirh a si cang tiah thawngthanhnak a tuah. SAC ralkap nih Uknak hramhram a lakh nu ah Myanmar ram ah PDF battalion 300 leng cu peng (Myo) 250 ah dirh a cang tiah NUG nih a langhter.