Dalan an um theih a si: Halkha khuachung le Halkha peng nih Ralhrang le Dalan kong ah theih a herh bakmi kong
2 June 2023: Hakha khuachung le Hakha peng a ummi Laimi hna nih kan i ralrin taktak a herhmi kong cu an van langhter tthan cang aruang cu atu kong kan theihmi kan tialmi hi micheu nih an ton taktakmi a si caah biatak tein kan i ralrin a hau. Hakha ah Ralhrang tampi an rak i chap tiah theih a si cucu zeitin an rat timi cu Gangaw lei le hmundang lei in
an rak lutmi mi sawhsawh civil mi an i ciitmi mawtaw ah Ralhrang pawl cu meithal lo le mipi hnipuan sawhsawh he an i ciit ve i cuticun Hakha cu an rak phan lengmang tiah kan theih. Mipi ciitmi mawtaw ah Kawlrawn lei in a ra mi Kawl miphun poh cu zumh lo ding an si lai. Hakha an phak poh in Ralhrang a rak si caah Ralkap ah an um colh Hakha ah meithal le uniform rak chiahpiak cia an si tiah Hakha khuachung ummi pakhat nih a chim. cu chung ah cun
Dalan zong an i tel i Ralhrang ralkap a si mi zong an i tel hna tiah an chim cucaah Kawlrawn in Hakha ah a rak kai mi Kawl miphun a simi poh cu zumh lo ding an si i biatak tein dothlatnak tuah ding an si lai. Aruang ah Hakha luh khawhnak ding caah misawhsawh bantuk in mawtaw an i ciit ve caah tiah theih a si. Hakha mipi hna kan i ralring taktak a hau tinak a si.
Hakha Le Thantlang Kar Timit Kahdohnak Ah SAC Ralkap 27 An Thi – Salai Htet Ni The Chin Post 2 June 2023 Chin ramkulh, Hakha le Thantlang kar Timit kahdohnak ni li chung ah SAC ralkap 27 an thi, tiah CNA chimphuannak nawlngeitu Salai Htet Ni nih a chim. SAC ralkap pawl cu Hakha in Thantlang lei ah rallam an sial i, rallam an sial hlan ah
Hakha, Khusihlubo tlang in SAC ralkap nih hriamngan in an kal nakding lam a venpiak hna, tiah theih a si. Ni li chung kahdohnak ah SAC ralkap 27 an thi i, Chin ralkap lei in ralkap 12 nih ram le miphun ca ah an nunnak an pek. Kan ralkap pakhat hliamhma pumi an va chanhnak ah hriamngan kuan nih a tlak hna i, atu bantukin
kan ralkap an nunnak a liam hi a si, tiah Salai Htet Ni nih cun a chim. SAC ralkap pawl cu hmun hnih in rallam an sial i khatlei in rallam a sialmi hna cu ralkap an dih cang. June 1 zinglei kahdohnak ah SAC ralkap meithal zun 2 le kuan zong kan laakpiak hna, tiah a chim. “Hakha le Thantlang kar a ummi CDF le CNA hi kan ṭhio dih hna lai i, Thantlang kan sakhan ah
ralkap thazaang kan chap lai tiin timhtuahnak an ngeih hi a si. Nikum zong ah atu bantuk rallam an rak sial cang nain an kan nam kho lo.” “Rallam a sialmi SAC ralkap pawl cu CNA, CDF Thantlang, CDF Hakha, CDF Zophei le CDF Lautu hna i bawm in kan kah hna. Rallam a sialmi SAC ralkap hi 150 hrawng an si i, Victoria Base lei panh in an ra nain an kan nam kho lai lo,” tiah CNA chimphuannak nawlngeitu Salai Htet Ni nih cun a chim.