Kan Chin Ralkap Pasaltha Kan Miphun Kan Ram Caah Nun Nak Liam Ruah Thlah Nak Video Kan Tuar A Fak Ko Eek An Miphun Kan Ram Te Dawt Tuk Ruangah Maw?

Kan chin ralkap pasaltha kan miphun kan ram caah nun nak liam ruah thlah nak video kan tuar a fak ko eek an miphun kan ram te dawt tuk ruangah maw? May ni 29 timit kuang kah doh nak ah kan ram kan miphun caah nun nak pek kan chin ralkap pasaltha han an si.

Timit Kuang hrawn Tita- Timit- Lungkhar kahdohnak ah Kawl ralkap 27 leng an thi cang, Chin Ralkap nih Meithal tam ngai an chuh hna.  Chin ramchungah Kawl Ralkap le Chin Ralkap kahdohnak a fak chin lengmang, Mindat lei zongah ral lam sial in kahdohnak a fak ngai ngai ko nain, a biapi bikah Kawl Cozah nih a chiah a si men lai, Timit Kuang hrawn cu Hmun thum ( 3 Colum) in an nam cuahmah lio a si.

Timit um cia mi Kawl Ralkap  Hakha lei in a ra mi Kawl Ralkap 200 hrawng  Thantlang in an hawi le bawmh dingah a chuak mi  Tiin Chin Ralkap hna an nam cuahmah hna lio a si, Hakha khualipi in Miakpi in voi tam ngai an hong bawmh hna lengah Vanlawngin nihnih chung khengte an hong bawmh cang hna i voi 100 leng Miakpi le Vanlawngin an den hna.

Hi kahdohnak ah hin Chin Ralkap lei in minung 11 nih ram le miphun caah nunnak an pek pinah a hliamhma zong an um pah hna. Kawl Ralkap lei hi tuzing 1- Pur ( June) 2023 tiangaj 27 leng an thih cang pinah hliamhma a pu mi an tam tuk cang. Rel khoh lo mi hmuh lo nak hmun ah a thi mi zong an um lai ti ah ruah a si. Tuzing kahdohnak ah Chin Ralkap nih hin fak ngai in Kawl Ralkap lei hi an nam hna i an meithal le hriamthil dang tam ngaingai an chuh khoh hna.

Kawl Ralkap lei nih Milu an chap lengmang bantukin Chin Ralkap hna zong nih minung an i chap ve thluahmah, kahhnih lei ve ve hnulei kir an i tim lo veve khan khi a si.

Timit kuanghrawn hi Chin Ralkap ca ah a biapi tuk mi an hmunhma humhimnak Front line pakhat a si bantukin , Kawl Cozah ca zongah hmun dang ka dang ah awlzang tein thialkam khohnak ding le hriamthil i chanh khohnak ding lampi a si pinah Chin Ralkap hmunhma lak khohnak lam  a si caah biapi tukin hika hmun kahdohnak a fahnak a ruang hi a si.