Matupi Ah SAC Ralhrang Nih Minung 6 An Thah Hna!

Matupi Ah SAC Ralhrang Nih Minung 6 An Thah Hna

Matupi Ah SAC Ralhrang Nih Minung 6 An Thah Hna, Mei In An Khangh Hna Caah Ruak 2 Lawng Theih An Si Rih!

Chin ramkulh Matupi peng Ngalai khua cu SAC ralhrang nih an luh hnawh hna i tualchungmi minung 6 an tlaih hna hnu ah an thah hna.

U Van Bik le U Lap Lian lawng theih an si rih i a dang minung 4 hna cu mizei an si theih fian an si rih lo tiah, tualchung mipi hna sin in theih a si.

Tangkhawng[January] 15 ah SAC nih Ngalai khua an luhhnawh i phungning lo in thimnak tuah an timhmi caah mincazin kan la lai tiah thazaang tampi in an kal.

Mipi inn pahnih mei an khanghpiak hna pin ah U Van Bik le U Lap Lian hna ruak cu hmuh an si. Cuhnu ah mizei ti an theih rih lomi hna minung 4 ruak an hmuh ṭhan hna tiah theih a si.

Tualchungmi pakhat nihcun “Uico pawl nih mipi minung 2 an thah hna hnu ah pakhat cu inn hnih an khanghmi ah an khangh chih, pakhat cu Ngalai khua thlanmual ah a ruak an hlonh.

Cuhnu ah SAC ralhrang nih an thahmi hna ruak 4 hmuhṭhan a si nain mei in an khangh hna caah mizei an si ti kan theikho rih hna lo i an mah ralhrang thimi ruak an khanghmi hna zong an si kho, thawngfiang kan theikho rih lo” tiah a chim.

SAC ralhrang pawl nih Ngalai khua ah khrihfa biakinn pahnih zong thilri an fir dih hna i an i kalpi dih hna. Butoza he mipi inn pawl ah lut in cabuai ṭhutdenh pawl tiang in an lak dih hna tiah theih a si.Ref:Khit Thit Media In Burmese – Lungmilypost