Mindat Ah SAC Ralhrang Nih Vanlawng In Bomb An Thlak!
Mindat Ah SAC Ralhrang Nih Vanlawng In Bomb An Thlak!
Chin ramkulh Mindat peng chung hmun pakhat ah SAC ralhrang nih Jet vanlawng in January 21, zahan zaan suimilam 11:40 tluk ah Bomb an thlak tiah theih a si.
SAC ralhrang nih bomb an thlak ruang ah tualchung mi inn zong an rawk dih pin ah minung 2 nih hliamhma an tuar i pakhat cu a cuap a ṭhih. Pakhat cu hreitlung tukmi bantuk in a hliamhma a faktuk, tiah theih a si.
Tualchungmi pakhat nih “Bomb thlaknak ruang ah hliamhma a tuarmi hna cu nu pakhat le pa pakhat an si. Ralzam hna umnak hmun IDPs sakmi pawng ah pakhat a tlak caah ṭihphang in an um i zaanlai ah hmunhma an i ṭhial, tiah a chim.Source:The Mindat Post
Relchap: Matupi Kahdohnak Ah SAC Ralhrang 8 An Thi, Hliamhma Tuarmi Zong An Tam!
Chin ramkulh Matupi peng, Hakha le Matupi karlak CDF-Matupi Battalion-2 hmunhma ah ralsialtu SAC ralhrang pawl cu January 21, nihin zaanlei suimilam 2:00 in 4:00 tiang CDF-Matupi, CDF-Mara, CDF-Zotung hna fonh nih voithum tiang an kah hna i ralhrang 8 an thi pin ah 5 renglo nih hliamhma an tuar tiah, CDF-Matupi nih cathanh an chuah.Lungmilypost