CNF/CNA nih ngunkhuai 2% an laakmi kong ah an laak awk a si ko CNF zong nih phaisa an hal ve kong ka langhter

CNF CNA Ngunkhuai 2% hi cu a si awk a si ko. A tak ah cun a tam lo. Asinain, atulio kan ram le miphun sining zawnruah a herh ve. Cu pin ah atulio raal lak ah mizapi nih nitin herhmi eidin tirawl/thilri phorh zong hi a fawi lo–pumpak nunhimnak ca zong ah ttihnung a si. Cucu theihthiam a hau fawn.  Motor ngeitu nih ngunkhuai tam tuk a liam ah cun thilphorh man a kaiter a hau, thilphorh man a kai ahcun thil man kaiter a hau, thil man a kai ahcun mipi kan dih-heumi a kai i, nitin khuasaknak ah kan sifak/kan har chinchin. Sifah tuk/har tuk cang ah cun Dohthlennak kong tuaktaan caan ngeih a si ti lai lo, Paw ca lawng tuak cio a si ko cang lai.  Chinram hmun cheukhat ah

CNF/CNA lawng si lo in tualchung CDF zong nih ngunkhuai laak a si tik ah kan ram buai le har le sifah le thil man fah lak ah mipi or dih chap he aa lo. Chinland Council (CC) a donghnak bik meeting biachahnak ah Chinland Ngunkhuai Upadi (Tax Law) a chuah hlan chung cu Lam Ngunkhuai (Road Tax) 150,000 Ks. cung laak lo ding ti a si. CC chungtel hriamtlai kip nih zulh a herh!  A cung CC biachahnak a nun ri in lam ngunkhuai Kyat 150,000 cung laakmi an um ahcun khirh tthan zong a herh.  Ningcang lo in kan cawlcangh ahcun kan sin ah mithar/hawithar luhter cu chimlo kan ngeih cia hawi hmanh an i zukphiak cuahmah lai…Catialtu Salai Zing Bawi

Kalay Peng Kahdohnak Ah Salai Suh Ram Vum Thang A Nunnak A Liam | Vaupi 24 | 2024 Sagaing ramṭhen, Kalaymyo peng, Nanchaung khua pawng kahdohnak ah PDF ralkap 1 nunnak a liam, tiah theih a si. Nihin 2024, April 24 zing ah SAC ralhrang le tualchung hriamtlai ṭangṭi phu kar ah kahdohnak a faak i SAC ralhrang hriamngan kah mi ruang ah

PDF in Salai Suh Ram Vum Thang (kum 22) nunnak a liam, tiah theih a si. Nunnak liam mi Salai Suh Ram Vum Thang cu Kalay peng, Thayagone khua mi a si i kahdohnak a um ruang ah Thayagone khua mi a tam-u cu a himnak hmun kawl in ral an hrial hna, tiah theih a si.

Myingyan Peng Ah Sin-min Operation An Tuah I SAC Ralkap Sakhaan Pawl An Kah | 2024 April 24 — Mandalay ramṭhen, Myingyan peng chung um SAC ralkap pawl nih hmunhma an khuarnak sakhaan pawl cu Sin-min Operation min in an kah hna i 60 MM telh in hriam le kuanzen pawl an lak khawh, SAC ralkap 20 hrawng an thi tiah Myingyan pengkomh PDF Battalion 2 (MGN Tiger) nih a thanh. April 20 thawk in Sin-min operation min in Myingyan khuachung SAC ralkap nih hmunhma an khuarnak hmun 4 cu

hmakhat te ah an kah hna. SAC ralkap le pyusawhti minung 60 hrawng umnak Myingyan khua chaklei Irawaddy tiva kam ah a um mi Gyi khua cu MGN Tiger le a hawikom phu nih an kah hna hi a si. Kahdohnak hi sml 3 hrawng a rau i sakhaan an lak khawh, SAC ralkap le pyusawhti 15 hrawng an thi tiah MGN Tiger nih an thanh. SAC lei nih Semikhone tiva kam in bawmhnak an rak pek hna caah dothlennak phu lei an kir ṭhan, Myingyan pengkomh PDF No. 2 in hriamtlai Arka Min a nunnak a liam i

adang hriamtlai 4 an i hliam tiah theih a si. Gyi khua sakhaan lak kahdohnak ah 60 MM bom lung 9, MA-3 zuun 2, 5.56 kuan 125 an lak khawh. Cun Myingyan peng hrambunh LIB 15 zong 107MM lung 2 in an kah i an i dornak buk a khen caah SAC ralkap 4 a khen hna i an thi tiah an langhter. Cu bantuk in Myingyan peng, Semikhone tiva kam in SAC ralkap tilawng 2 le zung inn pawl zong Shock Missile in an kah hna leng ah Myingyan khuachung SAC ralkap hrambunhnak pawl zong drone in an foh hna tiah theih a si.

CNDF Falam 3 nih Zanniat minung faak tuk in an velh. Nai te 11 april 2024 ahkhan  Falam peng chung ah CNDF Falam nih anmah CNDF Aikawn gate ah Kalaymyo in a vun i thawhmi Motor in kuva tlai a phur mi minung 3 lak ah 2 an velh hna. Motor khaltu nih lam hi kal a ngah maw tiah a hal hna i cu ahcun CNDF  Zu ri pawl nih Motor in

an tumter i an motor mawngtu le a zultu cu an velh hna. An lu le an keng pawl ah hliam an tuar tiah theih a si. Motor mawngtu hi  Zaniat mi Simcing khua pa le a zultu cu Falamsiizungah ai thlop ti a si. Atu hi Mawtaw mawngtu pa chawnhbiak kan i zuam lio a si. CNDF falam ralkap  3 lak ah minung 2 hi zuu an rii tuk ti theih a si fawn. Motor a mawngtu le a zultu pahnih hi an vuak hna le. Simcing khuapa hi a faak ngaingai tiah kan theih