A sunglawi taktak; Chinland Cozah Chief Minister le Upa hna nih Zophei, Lautu, Zotung le Senthang ah Mipi he tonnak an ngeihmi kong an thanh colh

Chinland Cozah Upa Hna Cu Peng Cheukhat Ah Tlawnnak Le Mipi He Tonnak An Ngei II 22 April 2024 Chief Minister Pu Pa Thang hruai mi Chinland Cozah upa hna cu April 13-19 tiang Zophei, Lautu, Zotung le Senthang peng ah an tlawng i pengtlang uktu upa le mipi he tonnak an ngei kho tiah theih a si. Cu tonnak ah cun pengtlang uknak kong, cozah riantuannak ah a herh mi le Chinland Cozah konglam biaruahnak le fianternak an ngei hna. Chinland Cozah le pengtlang uknakbu karlak pehtlaihnak caah Federal phunglam he aa tlak mi pengtlang uknak phung ser in cu ning cun uknak kalpi a herhnak, Chin miphun nih kan ngeih bal lo mi kanmah uknak kongah

kanmah tein kan ser mi phunghram cu cu Chinland Cozah nih a ferter cang caah Chinland Cozah nih mipi he i bawm in Chinram le Chin miphun caah riantuan ding a si nak le Chinland Cozah a thawn khawh nakding ah mipi nih kan si khawhnak lam cio in dirkamh a herhnak kong cu Chief Minister Pu Pa Thang nih mipi sin ah sawmnak le fianternak a tuah hna. Tutan khualtlawnnak ah hin Minister of Humanitarian Affairs and Rehabilitation, Minister of Home Affairs le Minister of Construction hna zong an i tel ve tiah Chinland Cozah nih an thanh.

Vice President Pu Henry Van Thio SAC Nih A Rian An Chuah. Vaupi [ April ] 22, 2024. Vice President Pu Henry Van Thio cu SAC nih a rian in dinhter a si cang tiah MRTV in nihin April 22 ah thawngthanhnak an tuah. Rampi nih a ngeihmi upadi pohmah (419) in Vice President Henry Van Thio cu dinhter a si tiah SAC nih an langhter. SAC nih hramhram in

uknak an laak hnu ah kum 2 fai cu a konglam theihkhawh loin mipi hmai in a tlau, 2023 SAC nih an tuah mi meeting ah mipi hmai ah a hung lang ṭhan. SAC nih tuahmi meeting ah a kai ve caah NLD party nih chungtel sinak in Pu Henry Van Thio cu an chuah. A tu ah Pu Henry Van Thio cu ngandam lo nak ruang ah tiin SAC lei nih a rian in an dinh ter cang

India-Myanmar ramri Rihkhawdar khuapi i Rih-Zokhawthar gate India nih a phih  : 2024 April 22  India – Myanmar ramri No. 2 chawlehthalnak lam Chin Ramkulh Rihkhawdar le India ramri hlei gate cu India Cozah nih kan phih cang tiah April 19 ah an phih cang tiah khuami hna sin in theih a si.  April 17 ah mipi luhchuahnak zong ri an khiah i April 19 in mi zeihmanh luhchuahnak nawl an pe ti hna lo tiah theih a si.  Rihkhawdar khuami pakhat nih, “Gate le lam an phih dih tik ah kan lungre a thei ko. A ruang cu, kannih hi a tam deuh cu India lei in a ra mi thil a ei mi kan si. April 19 in an phih i nihin tiang an phih rih ko. Zeitik tiang an kan phih lai ti cu kan thei ve lo,” tiah ChinTalk ah a chim.  Rihkhawdar i SAC ralkap sakhan pahnih hi CNA le a tangti CDF hna nih 2023 November 14 ah an laak mi a si.

Hakha Peng Chung Thing Hau le Meihol Rawh Duh ahcun Sok Hmasa Ding April 22 || Hakha peng (Zokhua peng, Mie peng le Hakha khuachung) thingkung hau, tihthing laak le meiholh rawh kong he pehtlai in Vawlei le Thingram lei zung i ṭuanvo ngeitu hna sin ah sok hmasa a si lai, tiah CDF-Hakha Central Council nih nihin April 22 ah theihternak a tuah.  Pumpak hman awk, biaknak lei hman awk le mizapi hman awk ah thing hau, tihthing laak le meiholh rawh a duh mi hna nih ahlanken ni 5 in ṭuanvo ngeitu hna sin ah

sok a hau, tiah an langhter.  Cun, Hakha peng chung in hmun dang/peng dang ah thing le meiholh phorh duh ahcun Vawlei le Thingram lei zung i ṭuanvo ngeitu hna sin ah ahlanken ni 4 in sok hmasa ding, tiah an langhter chap.  Nawl onhnak catlap ngei lo le phungning lo in a cunglei rian a ṭuan mi hna cu upadi ning in dantat nan si lai, tiah theihternak an tuah.

Breaking News; CDF Mindat Tatzin 2 minung hi zat bak CNF/CNA ah an hung i fonh tthan hoi ee  Thawngpangttha taktak kan theih tthan hoi. CDF Mindat chungtel Tatzin 2 cheukhat hna cu Mindat peng chung ah AA nih an duh poh in hmun an khuar le an cawlcangh mi cu a celh bak ti lo ruang ah an chuak i kan hnu zarh ah khan CNF CNA ah an rak i tthial ttthan tiah theih a si. CNF lei zong nih lunglawm tein an rak don hna i,

atutan a rak i tthial mi hna cu CDF Mindat TATZIN 2  minung 20 hrawng  an si tiah Salai Aik Thang Hwan nih a  a chim. CDF Mindat hi a hlan ah minung 100 renglo CNA ah an rak i tthial cang i atutan he fonh cun meithal a tlai kho he a tlai kho lo kum upa he cun CNA chung ah CDF Mindat a rak i tthial mi hi inung 150 hrawng an si cang lai ti zong a chim chap.